ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Վիքիդասընթաց մարզերի ուսուցիչների և երիտասարդ մասնագետների համար. 4-րդ փուլ

Սեպտեմբերի 19, 2016

2016 թվականի նոյեմբերի 2-6-ը «Վիքիմեդիա Հայաստան» գիտակրթական հասարակական կազմակերպությունը Վիքիպեդիան և մյուս վիքի նախագծերը մարզերում զարգացնելու, տարածելու, գյուղական բնակավայրերի երիտասարդության մասնակցությունը վիքինախագծերին խրախուսելու նպատակով, տեղի երիտասարդ ուսուցիչների և մասնագետների համար Աղվերանում կազմակերպում է թվով չորրորդ Վիքիպեդիայի դասընթացը։ Դասընթացի նպատակն է Հայաստանի յուրաքանչյուր բնակավայրի երիտասարդությանը հասանելի դարձնել Վիքիպեդիային և մյուս վիքի նախագծերին մասնակցությունը։

Դասընթացին կարող է մասնակցել Հայաստանի մարզային դպրոցների ուսուցիչներ, որոշ դեպքերում նաև ուսանողներ և այլ մասնագետներ, ովքեր տիրապետում են համակարգչից օգտվելու հմտություններին, կարող են որակյալ թարգմանություններ կատարել որևէ օտար լեզվից։ Դասընթացի ընթացքում մասնակիցները կսովորեն Վիքիպեդիայի խմբագրման կանոնները և գործիքները։ Փորձառու խմբագիրների օգնությամբ կստեղծեն կամ կբարելավեն հայերեն Վիքիպեդիայի հոդվածներ։

Դասընթացից հետո ակնկալվում է, որ մասնակիցները կշարունակեն հարստացնել հայերեն Վիքիպեդիան։ Վիքիմեդիա Հայաստանը իր բոլոր նախագծերի հաջողվածության համար ամենայն մանրամասնությամբ հաշվետու է Վիքիմեդիա Հիմնադրամին, և յուրաքանչյուր ամիս նախագծերի մասնակիցների շարունակական վիճակագրություն է ներկայացնում։ Ուստի խնդրում ենք հայտը լրացնելուց առաջ գնահատեք ձեր կարողությունները և ձեր պատասխանատվության աստիճանը, որպեսզի ձեր մասնակցությունը միայն դրական իմպուլս հաղորդի մեր ծրագրերին, ինչը և կօգնի Հայաստանում ներդնել նորարական, ստեղծագործ կրթություն։

Միայն այն մասնակիցները, ովքեր կշարունակեն համալրել հայերեն Վիքիպեդիան որակյալ հոդվածներով, դասընթացից կես տարի անց կստանան հավաստագիր առ այն, որ իրենք տիրապետում են վիքի խմբագրման գործիքներին և իհարկե Վիքի գաղափարախոսության կրողներ են՝ պատրաստ են անվարձահատույց իրենց ներդրումն ունենալ մեր լեզվի, պատմության, մշակույթի պահպանման գործում և տարածել վիքիպեդիան և մյուս նախագծերը իրենց դպրոցներում և շրջապատում։

Ուշադրություն դարձրեք, որ Վիքիմեդիա Հայաստանի կազմակերպչական թիմը կարող է մերժել ցանկացած հայտ՝ առանց որևէ պատճառաբանման։ Հայտը լրացնելուց հատուկ ուշադրություն դարձրեք Ձեր կամավորական աշխատանքը և մոտիվացիան նկարագրելիս, քանզի հայտերի ընտրության չափորոշիչներում դրանք առաջնային են։

Դասընթացին գրանցվելու համար հետևեք այս հղմանը։

Գրանցվելու վերջնաժամկետն է հոկտեմբերի 16-ը։

Վիքիպեդիան կրթություն է
Մանկավարժները և ուսանողներն ամբողջ աշխարհում ներդրումներ են կատարում Վիքիպեդիայում և Վիքիմեդիայի մյուս նախագծերում, դրանք ներառված են ուսումնական հաստատությունների ուսումնական ծրագրերում։ Մի շարք առաջատար երկրներում Վիքիպեդիան ներառված է դպրոցական ծրագրերում։ Հետաքրքիր է, որ մանկավարժներին ստեղծագործական ազատություն է տրված՝ ինքնուրույն կազմել Վիքիպեդիայի դասավանդման մոտեցումները։

  • Աշխարհագրական խնդիրներ

    Թեմայի հեղինակ՝ Gayane.Voskanyan

    Նախկինում ոմանց համար շատ տարօրինակ էր «աշխարհագրական խնդիր» հասկացությունը: Հիմա բարեբախտաբար շատ ավելի լայնորեն են օգտագործում աշխարհագրական խնդիրները և դրանք շատ հետաքրքիր են ու բազմաբնույթ: Առաջարկում եմ մի քանի խնդիրներ՝…

  • «Բայի սահմանական եղանակի ժամանակաձևերը» թեմայի ամփոփման իմ փորձը

    Թեմայի հեղինակ՝ marine8

    Հարգելի' գործընկերներ, ուրախ եմ ֆորումին միանալու համար: Հուսով եմ, որ թեման կհետաքրքրի հայոց լեզվի և գրականության ուսուցիչներին: Ակնկալում եմ նրանց ակտիվ մասնակցությունը թեմայի քննարկմանը: Շնորհակալություն

  • Միջառարկայական կապերը որպես գիտելիքների յուրացման արդյունավետության պայման:

    Թեմայի հեղինակ՝ anahitgeorgyan

    Այս թեմայի նպատակն է տեսականորեն հիմնավորել միջառարկայական կապերի դերը որպես ուսուցման մատչելիության, գիտելիքների որակի բարձրացման անհրաժեշտ պայման: Դասապրոցեսի ընթացքում մենք՝ ուսուցիչներս երբեմն սովորողներին մատուցում ենք նեղ առարկայական գիտելիքներ, դասը ստացվում…

  • Գործնական աշխ. Ուսագոտու աշխատանք: Նախաբազկի ոսկորների գործառույթը: Դաստակի շարժում:

    Թեմայի հեղինակ՝ anahitgeorgyan

    Այս գորրծնական աշխատանքը նախատեսված է 8-րդ դասարանի աշակերտների համար, որի նպատակն է բացահայտել ուսագոտու գործառույթը ձեռքի շարժման ընթացքում,ինչպես նաև նախաբազկի ոսկորների դերը դաստակի շարժման ընթացքում (բանալիի շարժում): Այն կարող եք…

  • Գործնական աշխատանք. Ստատիկ և դինամիկ աշխատանքի հոգնածություն

    Թեմայի հեղինակ՝ anahitgeorgyan

    Այս գորրծնական աշխատանքը նախատեսված է 8-րդ դասարանի աշակերտների համար, որի նպատակն է պարզել,թե որ աշխատանքն է ավելի հոգնացուցիչ , բացատրել պատճառները: Այն կարող եք նայել հետևյալ հղումով՝

  • Գործնական աշխատանք. Մարդու և գորտի արյան համեմատություն

    Թեմայի հեղինակ՝ anahitgeorgyan

    Այս գորրծնական աշխատանքի նպատակն է, պարզել թե ինչով է տարբերվում մարդու արյան էրիթրոցիտները գորտի էրիթրոցիտներից, ինչ առավելություն ունեն մարդու էրիթրոցիտները գորտի էրիթրոցիտների համեմատ: Այս գործնական աշխատանքը կարող եք դիտել հետևյալ…

  • Աշխարհագրության ուսուցման ձևեր

    Թեմայի հեղինակ՝ Gayane.Voskanyan

    Հայտնի է, որ շատ հաճախ աշակերտները դժվարանում են սովորել տերմինները, առավել ևս եթե դրանք պետք է հիշեն որոշակի հերթականությամբ: Օրինակ՝ Երկրի երկրաբանական ժա- մանակագրական աղյուսակը հիշելու համար աշակերտները դժվարանում են…

  • Յուրի Օգաննիսյան

    Թեմայի հեղինակ՝ manush

    Հայ գիտնականի հայտնաբերած տարրը պաշտոնապես ընդգրկվեց Մենդելեևի աղյուսակում: Մենդելեևի պարբերական աղյուսակը համալրող նոր՝ 118-րդ տարրն անվանվել է oganesson (Og)` հայ մեծ գիտնական Յուրի Ցոլակի Օգանեսյանի (Յուրի Հովհաննիսյան) պատվին: Յուրի Ցոլակի…

  • Великие писатели

    Թեմայի հեղինակ՝ Liana Avagyan

    Предлагаю на рассмотрение сведения о жизни великого русского писателя Александра Сергеевича Пушкина

  • Դասընթաց մաթեմատիկայի ուսուցիչների համար

    Թեմայի հեղինակ՝ Ameli

    Օգտակար դասընթաց մաթեմատիկայի ուսուցիչների համար Հարգելի ուսուցիչներ, ԿՏԱԿ-ի հեռավար ուսուցման հարթակում պատրաստվում եմ վարել դասընթաց "Geogebra-ն որպես մաթեմատիկայի ուսուցման և ուսումնասիրման գործիք" թեմայով: Սիրով Ձեզ հրավիրում եմ մասնակցել դասընթացին: Դասընթացը…

Ազգային վարկանշավորման համակարգ