ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Հայագիտական 8-րդ համահայկական օլիմպիադա և Հայոց եկեղեցու պատմության մրցույթ (Սփյուռքի դպրոցականների համար)

Հունվարի 31, 2017

          Հայաստանի Հանրապետության կրթության և գիտության նախարարությունը 2017 թվականի օգոստոսի 4-10-ը Հայաստանում կազմակերպում է Հայագիտական    8-րդ համահայկական օլիմպիադան և Հայոց եկեղեցու պատմության մրցույթը:

          Օլիմպիադայի նպատակն է` խթանել և խրախուսել հայագիտական ոլորտներում պատանիների գիտելիքները, առողջ մրցակցության պայմաններում հնարավորություն տալ նրանց դրսևորելու իրենց իմացությունը և ստեղծագործական կարողությունները, ծանոթանալու տարբեր երկրներում բնակվող հասակակիցների հետ:

          Օլիմպիադային և Հայոց եկեղեցու պատմության մրցույթին կարող են մասնակցել 14-18 տարեկան դպրոցականներ, որոնք անհրաժեշտ իմացություն ունեն:

          Մասնակիցները կարող են լինել Հայաստանի, Արցախի և Սփյուռքի հայերեն ուսուցմամբ վարժարանների և կրթօջախների /այդ թվում` մեկօրյա/ սաները:

Օլիմպիադան ընդգրկում է հարցեր հայ գրականությունից, հայոց պատմությունից, հայ մշակույթի պատմությունից, ինչպես նաև հայոց լեզվով (արևելահայերեն կամ արևմտահայերեն) գրավոր շարադրելու կարողություն: Մասնակիցները պետք է կարողանան դրսևորել գիտելիքներ բոլոր ոլորտներից:

Օլիմպիադայի աշխատանքային լեզուն հայերեն է: Օլիմպիադային չեն կարող մասնակցել հայերեն լեզվին չտիրապետող պատանիներ:

Հայոց եկեղեցու պատմության մրցույթն անցկացվելու է առանձին` Մայր Աթոռ Սուրբ Էջմիածնի Քրիստոնեական դաստիարակության կենտրոնի անմիջական հովանավորությամբ և աջակցությամբ:

Թե՛ ամենօրյա և թե՛ մեկօրյա դպրոցների սաների օլիմպիադան նախատեսում է մասնակցություն հայ գրականության և պատմության մրցույթներում: Այն անցնելու է երկու փուլով՝ գրավոր և բանավոր: Սակայն մրցույթների անցկացման կանոնակարգը և գիտելիքին ներկայացվող պահանջները այս անգամ տարանջատված են ամենօրյա և մեկօրյա դպրոցների սաների համար:

Անցկացման բոլոր մանրամասները ներկայացված են Օլիմպիադայի անցկացման կարգի վերաբերյալ ամփոփագրում (կցվում է):

Հայ եկեղեցու պատմության մրցույթը անցկացվելու է անկախ օլիմպիական մրցույթներից. դրա հարցաշարը կարող է տրամադրվել պատանիների համար նախընտրելի լեզվով: Ռուսերենի և անգլերենի թարգմանությունը ստանձնում են օլիմպիադայի կազմակերպիչները: Այլ լեզուների թարգմանությունն ապահովում են պատվիրակության ղեկավարները կամ ուղեկցողները:

          Հայագիտական 8-րդ օլիմպիադայի  հաղթողների համար սահմանվել են 1-ին, 2-րդ և 3-րդ կարգի՝ համապատասխանաբար 2, 4 և 6 դիպլոմներ և մրցանակներ: Տրվելու են նաև խրախուսական մրցանակներ: ՀԱԵ-ի պատմության հաղթողները պարգևատրվելու են Մայր Աթոռ Սուրբ Էջմիածնի կողմից`1-ին, 2-րդ և 3-րդ կարգի՝ համապատասխանաբար 2, 4 և 6 դիպլոմներով և մրցանակներով:

          Հայագիտական 8-րդ համահայկական օլիմպիադայի մասնակիցների համար լրացուցիչ նախատեսվում են ավանդական դարձած ասմունքի, հայկական երգի մրցույթներ և վիկտորինա, որոնց կարելի է մասնակցել ըստ ցանկության: Այս մրցույթներում հաղթողները կպարգևատրվեն պատվոգրերով և խրախուսական մրցանակներով:

          Պատվիրակների համար նախատեսված են նաև տարաբնույթ մշակութային, ուսուցողական և ժամանցային միջոցառումներ:

          Հնարավորության դեպքում ցանկալի է օլիմպիադայի մասնակիցների միացյալ պատվիրակություն /խումբ/  ձևավորել ըստ երկրի կամ բնակավայրի` առավել բանիմաց թեկնածուների ընտրության և ներկայացուցիչներ ուղարկելու խնդիրը կարգավորելու համար: Պատվիրակությունը /խումբը/ պետք է ունենա ղեկավար և մասնակիցների թվակազմի համեմատ ուղեկից/ներ/` մինչև 10 պատանու համար 1 ուղեկցող: Պատվիրակության /խմբի/  ղեկավարն իր նախընտրությամբ Երևանում կարող է համալրել համապատասխան մրցութային հանձնաժողովի կազմը:

          Ակնկալում ենք հայկական համայնքների, ազգային-հասարակական հաստատությունների և կազմակերպությունների, Թեմական և կրթական խորհուրդների հատուկ ուշադրությունն ու աջակցությունը: Ուրախ կլինենք բոլոր հայկական կրթօջախներից պատվիրակներ ընդունելու համար:

          Օլիմպիադայի ընթացքում մասնակիցների,  ղեկավարների և ուղեկցողների  կեցության, սննդի և շրջագայության ծախսերը ստանձնում են Հայաստանի Հանրապետությունը և Մայր Աթոռ Սուրբ Էջմիածինը: Ճանապարհածախսը հոգում են մասնակիցները կամ համապատասխան կազմակերպությունները, կրթօջախները, բարերարները:

          Մասնակցության հայտերը պետք է լրացնեն պատվիրակությունների /խմբերի/ ղեկավարները և ՀՀ կրթության և գիտության նախարարություն փոխանցեն մինչև 2017 թվականի հուլիսի 2-ը ներառյալ: Իսկ մինչև հուլիսի 23-ը հարկավոր է ուղարկել վերջնական հաստատում պատվիրակության կազմի և թվաքանակի վերաբերյալ` աշխատանքները պատշաճ կազմակերպելու նպատակով:

          Հաշվի առնելով ֆինանսական միջոցների սահմանափակությունը՝ հայտերն ստանալուց և մասնակիցների թիվը ամփոփելուց հետո ՀՀ կրթության և գիտության նախարարությունը կարող է բանակցային հիմքի վրա յուրաքանչյուր դիմած պատվիրակության համար լրացուցիչ սահմանել հնարավոր առավելագույն թվակազմ:

            Օլիմպիադայի անցկացման կարգի վերաբերյալ ամփոփագիրը և պատրաստվելու համար անհրաժեշտ նյութերը, ինչպես նաև մասնակցության հայտաձևը կարելի է գտնել Հայաստանի Հանրապետության կրթության և գիտության նախարարության պաշտոնական  www.edu.am կայքէջում՝ «Սփյուռք» բաժնում և www.armedu.am «Հայկական կրթական միջավայր» պորտալում՝ «Հայտարարություններ» բաժնի «Սփյուռք» ենթաբաժնում:

Հավելյալ  հարցերով կարելի է դիմել Հայաստանի Հանրապետության կրթության և գիտության նախարարություն.

հեռ. +374 10 58-13-91

ֆ‎աքս. +374 10 52-73-43

Էլ.փոստ. spyurq@yahoo.com, info@edu.am

Կայքէջ.  www.edu.am

  • Բերման բանաձևեր

    Թեմայի հեղինակ՝ Արփինե Մ

    Յուրաքանչյուր աշակերտ ունի տարբեր ընդունակություններ և սովորելու անհատական ոճ: Բերման բանաձևերը շատ են և հաճախ դրանցից օգտվելը հարմար չէ: Դրանք հիշելը դժվար է: Սակայն ամբողջ աղյուսակն անգիր անել պարտադիր չէ՝…

  • Աշակերտին գրողի և նրա ստեղծած աշխարհը տանելու ուղիները

    Թեմայի հեղինակ՝ Արսենյան

    Գրականությունը խոսքի արվեստ է, գրողի և իրականության հանդիպումի գեղարվեստական արտացոլքւ, մի ուրույն աշխարհ, որտեղ հյուսված են սեր ու ցավ, լույս ու ստվեր, անձնականն ու հասարակականը, ազգայինն ու համամարդկայինը: Գրողը կա…

  • Օրվա դասի պլան 6-րդ դասարանի «Հայոց պատմություն» առարկայից

    Թեմայի հեղինակ՝ Սիրանուշ Մուրադյան

    Հարգելի՛ կոլեգաներ,Ձեր ուշադրությանն եմ ներկայացնում օրվա դասի պլանի նմուշ առարկայից: Առարկա ՝Հայոց պատմություն Դասարան՝VI Թեմա՝ Հայաստանը պարթևա-հռոմեկան հակամարտության ոլորտում: Դաս՝ Հայաստանի պայքարն ընդդեմ Հռոմի ծավալապաշտական քաղաքականության:Արտավազդ Բ Դասի նպատակները ա/ակադեմիական…

  • Շնորհակալություն

    Թեմայի հեղինակ՝ manush

    «Հայկական կրթական միջավայրի» հետադարձ կապով և էլ. փոստի հասցեներով ստանում ենք նամակներ, որոնց հեղինակները խնդրում են հրապարակել իրենց շնորհակալությունն ու երախտագիտությունը:

  • 5-րդ դասարանում «Բաժանում» թեմայի ամրապնդում՝ խմբային աշխատանքով

    Թեմայի հեղինակ՝ Հասմիկ Հակոբյան

    2-րդ խումբ. [ATTACH]3542[/ATTACH]

  • 5-րդ դասարանում «Բաժանում» թեմայի ամրապնդում՝ խմբային աշխատանքով

    Թեմայի հեղինակ՝ Հասմիկ Հակոբյան

    1-ին խումբ՝ [ATTACH]3541[/ATTACH] 2-րդ խումբ՝ [ATTACH]3544[/ATTACH]

  • Հետազոտական աշխատանքները կրտսեր դպրոցում

    Թեմայի հեղինակ՝ Օշական

    Այսօր դպրոցի խնդիրը ոչ միայն կրթության բարձր մակարդակի ապահովումն է,այլև աշակերտների մտածողության բազմակողմանի զարգացումը՝նրանց գիտելիքներն ինքնուրույն լրացնելու ,ժամանակակից ՏՀՏ-ից օգտվելու,կյանքում դրանք տեղին ու ճիշտ օգտագործելու կարողությունների և հմտությունների ձևավորումը:Իմ կարծիքով…

  • Բաց դասեր, հետազոտական աշխատանքներ քիմիայից

    Թեմայի հեղինակ՝ Balasan

    Հարգելի գործընկերներ, ելնելով քիմիայի դասերին հետազոտական և նախագծային աշխատանքների կազմակերպման, բաց դասերի անցկացման կարևորությունից և անհրաժեշտությունից, առաջարկում եմ թեմայում տեղադրել հետազոտական աշխատանքներ, բաց դասեր, ինչպես նաև նրանց ներկայացվող պահանջները, մեթոդական…

  • ՏՀՏ-ի կիրառումը քիմիայի դասընթացում

    Թեմայի հեղինակ՝ Naira1990

    ՏՀՏ-ի օգտագործումը քիմիայի դասերին զգալիորեն բարձրացնում է ուսուցման արդյունավետությունը, օգնում է դասի ժամանակ ստեղծել համագործակցման մթնոլորտ: Հետաքրքիր կլինի յուրաքանչյուրիդ կողմից տեղադրվող նյութերի ուսումնասիրումն ու օգտագործումը դասապրոցեսում:

  • Հավանականությունների տեսության տարրերի ուսուցումը դպրոցում

    Թեմայի հեղինակ՝ silva54

    Հարգելի՛ կոլեգաներ, կարծում եմ հավանականությունների տեսության տարրերի կիրառումը նպաստում է մաթ.տրամաբանության զարգացմանը և հարակից առարկաների խնդիրների լուծմանը: Կից տեղադրում եմ իմ աշխատանքը, որտեղ կան հավանականությունների տեսության տարրերի կիրառմամբ նաև կենսաբանության…

Ազգային վարկանշավորման համակարգ