ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Նորամուծություն կրթական ոլորտում. «YanLog» հավելված

Մայիսի 2, 2017
ՏՀՏ նորություններ

Այս տարի Հայաստանի դպրոցների աշակերտուհիները հնարավորություն ունեցան մասնակցել ԿԱԻ-ի Ինֆորմատիկայի և տեղեկատվական տեխնոլոգիների բաժնի և «Կանայք և տեղեկատվական հասարակությունը» ՀԿ-ի կողմից կազմակերպված «Աշխարհի խոշորագույն ձեռներեցության մրցույթը աղջիկների համար» ծրագրին:

Խ.Աբովյանի  անվան ՀՊՄՀ հենակետային վարժարանը մասնակցում է  այդ ծրագրին՝ ներկայացնելով RINGS թիմը: Շատ աշակերտներ և ուսանողներ (հատկապես մարզերի) իրազեկված չեն  Հայաստանում և արտերկրում իրականացվող կրթական ծրագրերի մասին: RINGS թիմը  իր  YanLog հավելվածի միջոցով տալիս է այդ խնդրի լուծումը: Հավելվածի յուրաքանչյուր օգտատեր իրազեկված կլինի տեղական և միջազգային կրթական ծրագրերի մասին: Գիտելիքներն ամրապնդելու և փորձառություն ձեռք բերելու համար YanLog-ն  ունի բաժին՝  կամավորական աշխատանք առաջարկող կազմակերպությունների վերաբերյալ:

***

«Technovation» ծրագրի շրջանակներում աղջիկները սովորեցին բացահայտել, վերհանել որևէ սոցիալական խնդիր իրենց համայնքում և պատրաստել բջջային հավելված: Բջջային հավելվածներն ուղղորդված են լուծելու Կայուն զարգացման նպատակներից բխող խնդիրներ: Թիմերը զարգացրեցին  հավելվածը Մասաչուսեթսի տեխնոլոգիական ինստիտուտի մշակած ծրագրով: Այս ծրագրի շնորհիվ աղջիկները ձեռք բերեցին  21-րդ դարին համահունչ տեխնոլոգիական ձեռներեցության նոր գիտելիքներ ու հմտութուններ:

Մրցույթի արդյունքնեը կամփոփվեն սույն թվականի մայիսի 5-ին: Հաջողություն ենք մաղթում բոլորին:

Ազգային վարկանշավորման համակարգ