ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Այվազովսկու 200-ամյա տարելիցին նվիրված միջոցառում Աբովյանի հ.6 ավագ դպրոցում

Մայիսի 5, 2017
Դպրոցական անցուդարձ

Ապրիլի 28-ին Աբովյանի թիվ 6ավագ դպրոցում կայացավ միջոցառում՝ «Մեր մեծերը» շարքից՝«Կապույտ փոթորիկ» խորագրով։ Այն կազմակերպել էր դաստիարակչական աշխատանքների կազմակերպիչ Ռ. Աֆյանը։Միջոցառմանը մասնակցում էին 9-10-րդ դասարանների աշակերտներ։Միջոցառումը մեկնարկվեց Հովհաննես Այվազովսկուն նվիրված տեսաֆիլմով,որի ընթացքում կատարվեցին կարևոր բացահայտումներ նրա կյանքի, ստեղծագործական գործունեության մասին։ Այդ տեղեկությունները դարձան ամբողջական,երբ բարի փերու ավետմամբ ազդարարվեց «Կապույտ փոթորիկ» ներկայացման սկիզբը։Բեմական հմուտ խաղով, մեր սաների ինքնաբուխ և արտիստիկ խոսքով,համապատասխան բեմական  և երաժշտական ձևավորմամբ,սցենարային հետաքրքիր լուծումներով   ներկայացավ մեծ ծովանկարիչ Հովհաննես Այվազովսկու հայրենանվեր կյանքը։ Շեշտադրված էին նրա բարի կամեցողության, մարդասիրության, ազգի,ազգականների համար բարի գործերանելու ձգտումները։ Իր դերձակ ազգական Սարգսի դուստր  Մանեի օժիտի հարցերը հոգալուց սկսած՝ մինչև Թեոդոսիայում աղբյուր, աղքատ երեխաների համար դպրոց կառուցելը. ահա նրա բարի կամքի դրսևորումները,ինչը արտահայտվում էր և ներկայացման ողջ ընթացքում։ Սրա հետ մեկտեղ ընդգծվեց պայքարելով նպատակին հասնելու,փոթորիկները հաղթահարելու,դիմակայելու և փորձություններով ափին հասնելու անսասան կամքը։ Բեմը զարդարված էր Այվազովսկու հայտնի նկարներով, ինչպես նաև ընտանեկան լուսանկարներով։ Ներկայացումն ինքնատիպ էր, առանձնանում էր արժանապատիվ Հայ լինելու և նրանով հիանալու ու հպարտանալու բոլոր ձգտումներով։

Դաստիարակչական աշխատանքների կազմակերպիչ՝ Ռ. Աֆյան

Ազգային վարկանշավորման համակարգ