ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Ռուսերենի այբուբենի տոնը դպրոցում

Մայիսի 11, 2017
Դպրոցական անցուդարձ

Կապանի հ.13 հիմնական դպրոցի IIբ դասարանի ռուսաց լեզվի տառաճանաչությունը մեծ խանդավառություն էր առաջացրել երեխաների, ուսուցիչների, ծնողների մոտ:
Արարողությունը սկսվեց երեխաների համերգ-ներկայացմամբ՝  երգեր, պարեր, հեքիաթների բեմադրություններ, որոնք հնչում էին գեղեցիկ ռուսերենով՝ արտահայտիչ և զգացմունքային: Փոքրիկ բեմադրությունների ժամանակ սաները ցուցադրեցին երկխոսություն վարելու իրենց կարողություններն ու հմտությունները: 
Դաս-հանդեսին զուգահեռ ցուցադրվեց տեսահոլովակ, և փոքրիկները հուզմունքով փակեցին սիրելի դասագրքի վերջին էջը: Առաջին անգամը չէ,որ Աշխեն Բադալյանի դասերն անցնում են հեռահաղորդակցման և տեղեկատվական տեխնոլոգիաների գործածությամբ: Նա ձևավորել է աշակերտների մոտ դրական տրամադրվածություն լեզվա-մշակութային բազմերանգության նկատմամբ, որ աշակերտն այն ընկալի, որպես աշխարհի բազմազանության մասնավոր դրսևորում:
Մաղթում ենք սաներին  ուսումնական մեծ հաջողություններ և դասավանդող ուսուցիչներին անկոտրում ոգի և անսասան առողջություն:

ՄԿԱ գծով փոխտնօրեն Ժաննա Վարդանյան

Ազգային վարկանշավորման համակարգ