ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Հրաժեշտ Այբբենարանին

Մայիսի 19, 2017
Դպրոցական անցուդարձ

Վանաձորի հ.27 հիմնական դպրոցում I բ դասարանի աշակերտները (դասվար՝Ա.Մարաբյան) ներկայացրեցին «Հրաժեշտ Այբբենարանին » միջոցառում: Դպրոցի տոնականորեն զարդարված դահլիճն ամբողջությամբ մաշտոցյան ոգով էր շնչում: Յուրօրինակ քննություն էին հաձնում Iբ դասարանի աշակերտները: Գեղեցիկ խոսքեր, երաժշտական կատարումներ, պարային համարներ, հեքիաթի հերոսներ և Մաշտոցին նվիրված գեղեցիկ տողեր. բոլորի մոտ կարծես նույնն էր ոգին` լավատեսությունն առ այն, որ մաշտոցյան երթին վախճան չկա:

«Այբուբենի խորհրդավոր գաղտնիքները» խորագրով I ա դասարանի աշակերտները (դասվար՝ Ա.Մարտիրոսյան) ներկայացրին «Այբուբենի խորհրդավոր գաղտնիքները» ցերեկույթը։ Գեղեցիկ բնապատկերներով ու հեքիաթի հերոսներով զարդարված շքեղ ու տոնական դահլիճում առաջին դասարանցիները ներկայացրեցին հայ գրերի ստեղծման պատմությունը և ցուցադրեցին իրենց ձեռքբերումները։ Միջոցառումն ուղեկցվում էր երեխաների ուրախ ու անկաշկանդ երգ ու պարով։ Սրտանց շնորհավորում ենք մեր 1-ին դասարանի աշակերտներին այս գեղեցիկ տոնի կապակցությամբ: «Թող հայերենի տառերը բանալիներ դառնան գիտության դռները բացելու համար»:

Ազգային վարկանշավորման համակարգ