ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Էլեկտրոնային ռեսուրսների օգտագործման միջազգային փորձի ուսումնասիրության արդյունքներ

Հուլիսի 19, 2017
Պաշտոնական

ՀՀ կրթության և գիտության նախարարությունում տեղի է ունեցել Ուսումնական գործընթացում էլեկտրոնային ռեսուրսների օգտագործման միջազգային փորձի ուսումնասիրության արդյունքների շնորհանդես, որին մասնակցել են ԿԳ նախարարության, Կրթության ազգային ինստիտուտի, Ռազմավարական նախաձեռնությունների կենտրոնի ներկայացուցիչներ: Ուսումնասիրությունն իրականացրել է «Դասագրքերի շրջանառու հիմնադրամը»՝ նպատակ ունենալով առաջարկներ ներկայացնել ՀՀ դպրոցներում էլեկտրոնային ռեսուրսների ներդրումն ընդլայնելու վերաբերյալ:

Կարևորելով կատարված հետազոտական աշխատանքը՝ ՀՀ ԿԳՆ հանրակրթության վարչության պետ Աշոտ Արշակյանը նշել է, որ ժամանակակից կրթությունը հնարավոր չէ պատկերացնել առանց էլեկտրոնային  ռեսուրսների կիրառման. «ՀՀ կառավարության ծրագրում և գերակայություններում հատուկ կարևորություն է տրվում ուսումնական գործընթացում էլեկտրոնային ռեսուրսների օգտագործման զարգացմանը: Այս ուղղությամբ ՀՀ կրթության և գիտության նախարարությունը բավական աշխատանք է կատարել, մասնավորապես այդ նպատակով կիրառվում է հեռավար կրթության մոդելը: Ներկայումս առանձնացված են մոտ 11 մենթոր և  շուրջ 40 համագործակցող դպրոցներ, որոնք միմյանց հետ աշխատում են՝ կազմակերպելով համատեղ  տեսադասեր, ֆորումներ և այլն: Բացի այդ, ԿՏԱԿ-ի կայքում ստեղծված է էլեկտրոնային հարթակ, որտեղ տեղադրված էլեկտրոնային ռեսուրսներն օգտագործվում են դպրոցների կողմից: Առհասարակ, էլեկտրոնային ռեսուրսների կիրառումը կրթության ոլորտում գնալով ավելի մեծ տեղ է գրավում»,-նշել է Ա. Արշակյանը՝ հավելելով, որ «Դասագրքերի շրջանառու հիմնադրամի» հետազոտությունն այդ ուղղությամբ իրականացված քայլ է:

«Դասագրքերի շրջանառու հիմնադրամի» տնօրեն Գոռ Գասպարյանն իր խոսքում նշել է, որ հետազոտությունը կատարվել է ՀՀ ԿԳՆ հանձնարարությամբ. «Մեր խնդիրն էր պարզել, թե էլեկտրոնային ռեսուրսների կիրառումը դպրոցներում ինչ արդյունք է տվել այլ երկրներում, ինչպիսի հաջորդական քայլեր են արվել և որն է էլեկտրոնային ռեսուրսների ներդրման առավել արդյունավետ մոդելը: Այս նպատակով կատարվել է 12 երկրի ուսումնասիրություն, որին մասնակցել են նաև մանկավարժ-հոգեբաններ: Արդյունքներին իրենց գնահատականներն են տվել նաև նեղ մասնագետները՝ որպես ընդդիմախոսներ: Հետազոտության արդյունքում ձևավորված փաստաթուղթն այժմ ներկայացված է հանրային քննարկման»,-նշել է Գ. Գասպարյանը:

Հետազոտության շնորհանդեսից հետո տեղի է ունեցել քննարկում, ներկայացվել են էլեկտրոնային դասագրքերի, ուսումնաօժանդակ նյութերի և այլ ռեսուրսների կիրառման վերաբերյալ տարբեր առաջարկություններ: 

Նյութի աղբյուրը. ՀՀ կրթության և գիտության նախարարություն

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…