Արհեստը ոսկի մատանի է, ուր որ գնաս, հետդ կգա:
ՀՀ ԿԳՆ «Ընտանիք» մանկապատանեկան ստեղծագործական կենտրոնը սեպտեմբերի 11-ից 15-ը իրականացրեց ««Ընտանիք»-ն անիվների վրա» կրթական ծրագրի երկրորդ փուլը:
Նշենք, որ ծրագիրը մեկնարկվել էր դեռևս մայիս ամսից՝ ներառելով Շիրակի մարզի լեռնային, սահմանամերձ 14 գյուղական համայնքներ և Ջավախքի կրթամշակութային հաստատություններ, որտեղ դեռահասների համար անցկացվել է «Մասնագիտական կողմնորոշման» դասեր արհեստի և արվեստի տարբեր բնագավառներում:
Կրթական ծրագրի նպատակն էր կարևորել արտադպրոցական կրթության դերը, գյուղական համայնքներում բացահայտել արհեստի և արվեստի ոլորտում նախընտրելի մասնագիտությունները, նպաստել դրանց տարածմանն ու պահպանմանը, ուղղորդել դեռահասներին մասնագիտական կողմնորոշման հարցում և նպաստել նրանց կարողությունների բացահայտմանն ու զարգացմանը, ամրապնդել միջհամայնքային կապը կրթամշակութային հաստատությունների միջև:
Ծրագրի երկրորդ փուլում կազմակերպված արտադպրոցական կրթության վերաբերյալ վերապատրաստման դասընթացներին մասնակցեցին Շիրակի մարզի Արևշատ, Գետափ, Անուշավան, Գեղանիստ, Սպանդարյան, Քարաբերդ, Ձիթանքով, Սարակապ, Մեծ Սեպասար, Կրասար, Ղազանչի, Սիզավետ, Բավրա, Թավշուտ համայնքների, Ախլքալաքի և Նինոծմինդայի կրթամշակութային կենտրոնների թվով 20 մանկավարժներ:
Վերապատրաստման դասընթացների ընթացքում մանկավարժները ծանոթացան «Դեռահասների արտադպրոցական կրթության կարևորությունը և հիմնախնդիրները», «Համայնքային հետազոտության իրականացման և դեռահասների կրթադաստիարակչական կարիքների հայտնաբերման մեթոդների ուսումնասիրում», «Մասնագիտական և դաստիարակչական աշխատանքների ծրագրերի կազմման աձանձնահատկությունները», «Անհատական և շերտավոր դասավանդման կարևորությունն արտադպրոցական կրթության գործընթացում» թեմաներին և կենտրոնում գործող մասնագիտական խմբակների գործունեությանը: Խմբային աշխատանքների միջոցով, օգտագործելով ձեռք բերած գիտելիքները, մասնակիցները վեր հանեցին սեփական համայնքների հիմնախնդիրները, նախընտրելի մասնագիտությունների ուսուցման անհրաժեշտությունը ու զարգացման հեռանկարները:
Դասընթացների արդյունքներն ամփոփվեցին կլոր սեղան-քննարկմամբ՝ «Ընտանիք» կենտրոնի տնօրինության և մանկավարժների մասնակցությամբ: Համատեղ քննարկումների արդյունքում մանկավարժները կիսվեցին տպավորություններով ու առաջարկություններով:
Սպանդարյանի միջնակարգ դպրոցի մանկավարժ Գոհար Թորոսյանը իր ելույթը եզրափակեց հետևյալ խոսքերով. - «Շնորհակալություն ամենի համար: Վերապատրաստող մանկավարժ Ա. Մկրտչյանի և տնօրենի տեղակալ Ս. Պետրոսյանի հետ աշխատանքը համակարգված էր և արդյունավետ: Ծրագիրը իսկապես կնպաստի համայնքներում ազգային արհեստների և արվեստի բնագավառում ստեղծվող մշակութային արժեքների տարածմանն ու պահպանմանը, կնպաստի նաև դեռահասների ինքնադրսևորմանը և սեփական կարողությունների գնահատման հնարավորությանը, մասնագիտական կողմնորոշմանը»:
Իսկ Մեծ Սեպասարի միջնակարգ դպրոցի մասնագիտացված կրթական աջակցությունների գծով տնօրենի տեղակալ Սյուզաննա Հովասյանը նշեց. «Շատ կցանկանայի, որ դասընթաները մի քիչ երկար շարունակվեր, որպեսզի ավելի շատ փորձ ու հմտություն ձեռք բերեի: Քանի որ գյուղում երեխայի առօրյան հագեցած չէ մշակութային և առահասարակ որևէ հասարարական գործունեությամբ, շատ կցանկանայի, որ նրանք էլ ներառվեն Ձեր արգասաբեր ու հանրօգուտ գործունեության մեջ»:
«Ընտանիք» կենտրոնի տնօրեն Ա. Մինասյանը շնորհավորեց ծրագրի մասնակիցներին և նրանց հանձնեց վերապատրաստման դասընթացների մասնակցության վկայականներ:
Եզրափակիչ ցուցահանդես-միջոցառմանը ներկա էին ծրագրին մասնակից համայնքների ներկայացուցիչներ, մանկավարժներ, ծնողներ և սաներ: Ներկաները դիտեցին «Մասնագիտական կողմնորոշման» դասերի արդյունքում կենտրոնի սաների և համայնքների դեռահասների համատեղ պատրաստած աշխատանքների ցուցահանդես, ծրագրի 1-ին և 2-րդ փուլերի վերաբերյալ ամփոփ տեսանյութ:
Միջոցառումը եզրափակվեց «Ընտանիք» կենտրոնի սաների և համայնքների դեռահասների գեղարվեստական ելույթներով:
Ս. Պետրոսյան
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ