ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

«Սպորտլանդիա» մարզական միջոցառում՝ նվիրված էր ՀՀ անկախության  26-րդ ամյակին

Սեպտեմբերի 29, 2017
Դպրոցական անցուդարձ

Մասիս քաղաքի N3 հիմնական դպրոցում անցկացվեց «Սպորտլանդիա» մարզական միջոցառում, որը նվիրված էր ՀՀ անկախության 26-րդ ամյակին:

Միջոցառումը սկսվեց ՀՀ օրհներգի ներքո, որից հետո աշակերտներն երգ ու պարով ազդարարեցին միջոցառման մեկնարկը: 

«Սպորտլանդիա» մարզական միջոցառման մասնակից թիմերն էին 3ա, 3բ և 3գ դասարանները: Սպորտլանդիայում ընգրկված էին ցուցադրական ելույթներ մի քանի մարզաձևերից` դրոշի օգնությամբ փոխանցումավազք, վազք` պարկերի օգնությամբ, կարտոֆիլի տնկում, սողանցել մարզանստարանի վրայով, պարանի ձգում: 

Օլիմպիական երգի ներքո մասնակից թիմերը ներկայացրեցին իրենց նշանաբանները և շարային քայլքով շարժվեցին իրենց համապատասխան տեղերը:

Փոքրիկ մարմիններում կար ուժեղ ոգի ու եռանդ, որն արտահայտվում էր մրցակից թիմերի առողջ պայքարով: Մարզական միջոցառման ավարտից հետո իր եզրափակիչ ելույթով ներկայացավ տնօրեն Է. Մուրադյանը, ով իր խոսքում շնորհակալություն հայտնեց ֆիզկուլտուրայի ուսուցիչ` Լ. Սողոմոնյանին` նման գեղեցիկ և ցուցադրական միջոցառում անցկացնելու համար և հորդորեց, որ կարևորը հաղթանակը չէ, այլ ընկերակից թիմերի համերաշխությունն ու ներողամտությունը:

Ազգային վարկանշավորման համակարգ