ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Ուսուցիչներին նվիրված միջոցառում Արարատի մարզի Սայաթ-Նովայի միջնակարգ դպրոցում

Հոկտեմբերի 11, 2016
Դպրոցական անցուդարձ

«ՈՒսուցիչ» - բառ, որը մեզ տանում է դեպի կրթություն և գիտություն, հոգատարություն, քնքշանք ու սեր է նշանակում մեզ համար: Բառ, որի շնորհիվ մենք դառնում ենք հասարակությանը պիտանի մարդ:

Արարատի մարզի Սայաթ- Նովայի միջնակարգ դպրոցում ուսուցչի մասնագիտական տոնի կապակցությամբ կազմակերպվեց միջոցառում «ՇՆՈՐՀԱՎՈ´Ր ՏՈՆԴ, ՍԻՐԵԼԻ´ ՈՒՍՈՒՑԻՉ...» խորագրով: Սա մի օր է, երբ ևս մեկ անգամ գնահատվում է ուսուցիչների հայրենանվեր և անձնուրաց աշխատանքը:
Ուսուցիչներին ողջունեցին և բարձր տրամադրություն հաղորդեցին դպրոցի IX դասարանի աշակերտները:
Դպրոցի դաստիարակչական աշխատանքների կազմակերպիչ Ա.Հակոբյանը աշակերտների հետ միասին տոնի առթիվ անակնկալ էին պատրաստել ուսուցիչների համար: Դպրոցի բոլոր դասարաններում դասաժամի պահին լուսնակարել էին բոլոր ուսուցիչներին և միջոցառման օրը փակցրել դահլիճի վարագույրին:
Միջոցառման վերջում աշակերտները այդ անակնկալ լուսանկարները կոնֆետների հետ միասին հանձնեցին ուսուցիչներին:
Դպրոցի տնօրեն Ժ.Ղարսայանը կրկին շնորհավորելով իր դպրոցի ուսուցիչներին՝ առողջություն ու ստեղծագործական նորանոր հաջողություններ մաղթեց իրենց շնորհակալ և հայրենանվեր առաքելության ճանապարհին մաղթելով նրանց ուժ, եռանդ ու համբերություն հետագա սերունդներին դաստիարակելու համար:

Քանի սերունդ եք կյանք ճանապարհել 
Բանիմաց ու սթափ Ձեր խրատներով,
Բազմաթիվ մատղաշ հոգիներ կրթել՝
Բաշխելով նրանց ավյուն ու կորով:


Եվս մեկ անգամ՝ ՇՆՈՐՀԱՎՈ´Ր ՏՈՆԴ ,ՍԻՐԵԼԻ´ ՈՒՍՈՒՑԻՉ...

ԴԱԿ՝ Արև Հակոբյան

Ազգային վարկանշավորման համակարգ