ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Էքսկուրսիա դեպի ոստիկանության բաժին

Հոկտեմբերի 12, 2016
Դպրոցական անցուդարձ

Գեղեցիկ ու ինքնատիպ էքսկուրսիա էր կազմակերպվել դեպի ՀՀ Կոտայքի մարզի ոստիկանության բաժին: Էքսկուրսիան անցկացրեցին ոստիկանության անչափահասների բաժնի պետ Գարեգին Հարությունյանը, անչափահասների գործով տեսուչներ Խաչատրյանը և Չափաչյանը:

Աբովյանի թիվ 2 հիմնական դպրոցի 9-րդ դասարանների սովորողները շրջեցին բոլոր բաժիններով, ծանոթացան ոստիկանության աշխատանքներին: Բոլոր բաժիններում բոլոր աշխատակիցները երեխաներին դիմավորեցին ջերմ, սիրառատ մթնոլորտում: Գարեգին Հարությունյանը արեց ամեն ինչ,որ սովորողները բավականություն ստանան էքսկուրսիայից,մի բան սովորած տուն գնան:

Ջերմ,ընկերական մթնոլորտը շարունակվեց մինչև վերջ: Երեխաները հետաքրքիր հարցադրումներ արեցին: Նախօրօք նախատեսված 30 րոպե էքսկուրսիան շարունակվեց մինչև 90րոպե:Աշակերտները չէին ուզում ավարտվեր այդչափ հետաքրքիր և ինքնատիպ հանդիպումը: Ոստիկանի կերպարն ավելի արժևորվեց, վստահությունը մեծացավ: Սովորողները շնորհակալական խոսք ուղղեցին դպրոցի տնօրինությանը,մասնավորապես տնօրենին՝ միջոցառման կազմակերպման համար:

Ազգային վարկանշավորման համակարգ