ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Ուսուցչի օրը Լոռու մարզի Ուռուտի միջնակարգ դպրոցում

Հոկտեմբերի 17, 2016
Դպրոցական անցուդարձ

Հոկտեմբերի 5. Ուռուտի 125-ամյա պատմություն ունեցող դպրոցում ուրախ մթնոլորտ էր: Միջանցքներն ու դասասենյակները. զարդարված էին աշնան գույներով, խայտաբղետ ծաղիկներով: Հենց մուտքի դռան՝ ապա նաև ուսուցչանոցի լուսամուտներին գրված էր «Շնորհավոր տոնդ, ուսուցիչ»:

Լուսաշող միջանցքներում ուրախ ու զվարթ տրամադրությունն էր իշխում: Աշակերտները ժպիտով ու մի թաքուն ակնածանքով սիրելի ուսուցիչներին ուղեկցում էին ուսուցչանոց: Իսկ այնտեղ ամենամեծ անակնկալն էր սպասվում: Հայոց լեզվի և գրականության ուսուցչուհի Բավական Այվազյանի օգնությամբ կազմակերպված գրական, երաժշտական ցերեկույթը մեծ տպավորություն թողեց: Եվ ուսուցիչները, և՛ աշակերտները այդ սրտառուչ, հուզիչ պահերը երբեք չեն մոռանա:

Ուսուցչանոցի հարակից միջանցքն ու ուսուցչանոցը նման էին պատկերասրահի: Աշակերտների ձեռքերով ու մտահաղացմամբ պատրաստված, ձևավորված բազմաթիվ ցուցապաստառներն ու պատի թերթերը երախտագիտության, շնորհակալության, շնորհավորանքի ջերմ մաղթանքներով, լուսանկարներով ողջունում էին Հայկական բանակի առաջնագծում ծառայող՝ ապրիլյան քառօրյային մասնակից զինվորների շրջանավարտների, ծնողների կողմից:

Ապա տասներորդցիների՝ և հատկապես Տաթևիկ Գաբրիելյանի, Մերի Մալխասյանի, Տաթևիկ Պապյանի ջերմ ու անմիջական խոսքը ասմունքի բացառիկ ընտրանին թողեց ամնոռաց տպավորություն:

Իսկ հետո... Հետոն ներկաներին տարավ ոչ վաղ անցյալ: Դպրոցի տնօրեն Ա. Օհանյանը, փոխտնօրեն Ա. Զաքարյանը շնորհակալություն հայտնեցին, պատմեցին, տեղեկացրին դպրոցի ձեռքբերումներին: Հիշեցին իրենց ուսուցիչներին:

Այո՛, այստեղ գնահատված են ուսուցիչները, սիրված աշակերտների և հանրության կողմից: Այս դպրոցի յուրաքանչյուր տարվա շրջանավարտների մեծ մասն ընդունվում են պետական բուհեր: Բայց և ուսմանը զուգընթաց՝ շարունակում են մնալ հարազատ գյուղում, օգնել ծնողներին, ստեղծել, արարել բարին, պահպանել հարազատ եզերքը:

ՀՀ Լոռու մարզի Ուռուտի միջնակարգ դպրոցի «Հայոց լեզվի և գրականության» ուսուցչուհի` Բավական Այվազյան

 

Ազգային վարկանշավորման համակարգ