ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

«Ա» տառի շնորհանդես Վանաձորի Դ.Վարուժանի անվան հ.16 հիմնական դպրոցում

Հոկտեմբերի 20, 2016
Դպրոցական անցուդարձ

Հոկտեմբերի 17-ը IԱ դասարանցիների համար անկրկնելի և հեքիաթային էր դարձրել դասվար Հ.Ղուբաթյանը: Այդ օրը փոքրիկները առաջին անգամ պետք է մուտք գործեին տառերի կախարդական աշխարհ: Դասը գեղեցիկ հեքիաթ էր, որի հերոսներն աշակերտներն էին: Դասարանում հայտնվել էր մի կախարդական ծաղիկ: Նրա թերթիկներում ամփոփված էր անակնկալ. ծաղկի թերթիկները կբացվեին այն ժամանակ, երբ աշակերտները փայլեին իրենց գիտելիքներով: Երեխաներն ավելի աշխուժացան և զարմացրեցին բոլորին իրենց գիտելիքներով, երգով, պարով, ինչպես նաև գեղեցիկ բեմականացումներով: Շարժական փայտերով հավաքեցին «Ա» տառը, բեմականացրին տառի ծնունդը, «Փազլ» խաղի միջոցով հավաքեցին էջի թեմատիկ նկարը: Դասի ընթացքում հյուր եկավ Այբենիկը և անակնկալ մատուցեց աշակերտներին: Հրաշքները հաջորդում էին մեկը մյուսին: Վերջապես եկավ սպասված պահը: Բացվեց եդեմական ծաղիկն ու նրա մեջ շողշողաց լույսերով զարդարված թագակիր «Ա» տառը: I դասարանցիների դպրոցական առօրյան համալրվեց ևս մեկ անմոռանալի և անկրկնելի օրով:

Վանաձորի №16 հիմնական դպրոց
Դասվար` Հ. Ղուբաթյան

Ազգային վարկանշավորման համակարգ