ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Տոնդ շնորհավոր, սիրելի՛ ուսուցիչ

Հոկտեմբերի 20, 2016
Դպրոցական անցուդարձ

Գեղարքունիքի մարզի Լճաշեն գյուղի Ա.Տեր-Գրիգորյանի անվան միջնակարգ դպրոցում գեղեցիկ ու հուզիչ միջոցառմամբ, ակնածանքով ու հարգանքով նշվեց Ուսուցչի օրը:

Հոկտեմբերի 5-ին աշխարհի ավելի քան 100 երկրներում տոնում են Ուսուցչի օրը: Սա մի օր է, երբ ևս մեկ անգամ գնահատվում է ուսուցիչների` հայրենանվեր և անձնուրաց աշխատանքը: Այո՛, ուսուցիչն է մարդուն կրթում ու դաստիարակում, գիտելիք տալիս, սովորեցնում աշխատել ու արարել, սիրել իր տունն ու հայրենիքը, իր ծնող ժողովրդին: Ուսուցիչը միշտ հարգված ու սիրված է եղել բոլոր դարերի բոլոր հասարակություններում, քանզի ուսուցիչն է մարդուց մարդ ձևավորման ամենամեծ պատասխանատուն: Այսօր դպրոցի ուսուցիչները նշում են իրենց մասնագիտական տոնը, շնորհավորում իրար բարեմաղթանքներ ցանկանում, բայց ինչ-որ տեղ նաև՝ տխրում: Օրվա խորհուրդն իրենց գեղեցիկ ու հուզիչ միջոցառմամբ ամբողջացրին դպրոցի սաները՝ դաստիարակչական աշխատանքների կազմակերպիչ Ծովինար Կարապետյանի ղեկավարությամբ: Լուսավոր սենյակումշնորհաշատ աշակերտներն իրենց երաժշտական կատարումներով ողջունեցին ներկաներին, այնուհետև անչափ հուզիչ շնորհակալական խոսքեր ուղղեցին սիրելի ուսուցիչներին, ովքեր դարձել են իրենց հարազատ ընկերն ու բարեկամը:

Շնորհավորանքի խոսքեր ասացին Լճաշեն համայնքի ղեկավար Կ. Մարգարյանը և դպրոցի տնօրեն Ա.Մուրադյանը:

Տնօրենի՝ մասնագիտացված կրթական աջակցությունների
գծով տեղակալ՝ Ն.Դավթյան

Ազգային վարկանշավորման համակարգ