ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Ուխտագնացություն Օշական

Հոկտեմբերի 20, 2016
Դպրոցական անցուդարձ

Հրազդանի հ.7 միջնակարգ դպրոցում ավանդույթ է դարձել առաջին դասարանում գրաճանաչության այբբենական շրջանն սկսելուց առաջ ուխտագնացություն կազմակերպել Սուրբ Մեսրոպ Մաշտոցի գերեզմանին։ Հոկտեմբերի 15-ին, հավատարիմ մնալով դպրոցում ձևավորված ավանդույթին, առաջին դասարանի դասվար Ս․ Կարապետյանը նման ուխտով իր փոքրիկ սաների հետ այցելեց Օշական՝ «Ա» տառի ուսուցանման նախօրյակին սրբազան երդում տալու և ծաղիկ խոնարհելու Մեծ ուսուցչապետի շիրիմին։ Փոքրիկ Մաշտոցականները մեծ ոգևորությամբ և հուզառատ երդում տվեցին՝ լինել արժանի հետնորդն իրենց նախնիների, ամուր պահել հայոց գիրն ու լեզուն, ամենայն սրբությամբ անաղարտ պահել մայրենին, միշտ բարձր պահել Մաշտոց անունն ու հայոց լեզուն։ Սաները համոզվեցին, որ Մեսրոպ Մաշտոցի սխրանքի շնորհիվ իրենք կդառնան գրաճանաչ և տառաճանաչ, որ հայոց տառերն իրենց կուղեկցեն կյանքի բոլոր ճամփաներում։

Առաջին դասարանցիները վերադարձի ճանապարհին իրենց ուսուցչուհու և ծնողների ուղեկցությամբ այցելեցին Աբովյանի Սուրբ Հովհաննես Մկրտիչ եկեղեցի՝ ամփոփելով օրվա խորհուրդը։

Հրազդանի N 7 միջնակարգ դպրոցի 
դասվար՝ Ս․ Կարապետյան

Ազգային վարկանշավորման համակարգ