ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Թարգմանչաց տոն

Հոկտեմբերի 26, 2016
Դպրոցական անցուդարձ

2016թ. հոկտեմբերի 14-ը Հրազդանի հ.2 հիմնական դպրոցում վերածվել էր տոնի: 5ա դասարանի աշակերտները Սուրբ Թարգմանչաց տոնին նվիրված միջոցառում էին կազմակերպել: Միջոցառումը բացվեց տոնին նվիրված շարականով: Մեսրոպ Մաշտոցին, Սահակ Պարթևին և մյուս մեծերին մարմնավորող աշակերտները փորձել էին վերականգնել Աստվածաշնչի թարգմանության տեսարանը: Աշակերտներից մեկը մարմնավորում էր ամերիկացի երիտասարդի, ով, մասնակցելով Թարգմանչաց տոնի միջոցառմանը, գիտակցում է տոնի կարևորությունը, առաջարկում այն ընդգրկել համաշխարհային տոների մեջ: Տոնի կարևորությունը գիտակցած պատանին հրաժարվում է վերադառնալ Ամերիկա և միջոցառման վերջում «յարխուշտա» պարելով` ապացուցում, որ վերադարձել է հայկական արմատներին:

Աշակերտները միջոցառման ընթացքում հին պատմիչներից, թարգմանիչներից հասան մինչև 20-րդ դարի գրողներին ու թարգմանիչներին: Նրանք ներկաներին պատմեցին, թե ինչպես են օտար լեզուներից կատարված թարգմանությունները սիրվել, ինչպես են դրանք վերածվել երգերի: Աշակերտներն իրենց խոսքով, երգով, պարով ու նվագով կարողացան ներկաներին հասցնել Թարգմանչաց տոնի խորհուրդը: Միջոցառման վերջում աշակերտները մոմերի լույսի ներքո իրենց աղոթքն ուղղեցին առ Աստված: Եվ ամենակարևորն այն է, որ այդ աղոթքը հնչում էր հայերեն: Միջոցառումը եզրափակվեց մայրենիի ուսուցչի ասմունքով: Նա ամփոփեց իր աշակերտների ելույթը` մեկ անգամ ևս շեշտելով մայրենիի դերն ու նշանակությունը: Ցերեկույթի հյուրերը հեռացան` իրենց հետ տանելով աշակերտների փոխանցած լույսն ու ջերմությունը:

Ուսուցիչ` Արփինե Խաչատրյան

Ազգային վարկանշավորման համակարգ