ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Լուծումներ` բովանդակային խնդիրների կարգավորման համար

Հոկտեմբերի 26, 2016
Պաշտոնական

ՀՀ կրթության և գիտության նախարար Լևոն Մկրտչյանն ընդունել է Հայաստանում Եվրոպական Հանձնաժողովի հարևանության և ընդլայնման բանակցությունների գլխավոր տնօրինության Արևելյան հարևանության հարցերով տնօրեն Լորենս Մերեդիթի ղեկավարած պատվիրակությանը:

Ողջունելով հյուրին նախարարը նշել է, որ Եվրոպական Միությունը կարևոր գործունեություն է ծավալում մեր երկրում և ուրախալի է, որ կրթության ոլորտում համագործակցության շրջանակը գնալով ընդլայնվում է:  «Կրթության համակարգում Եվրոպական Միության տրամադրած  դրամաշնորհները մշտապես  թիրախային,  բովանդակային և շատ օգտակար են եղել:  Եվրոպական Միության հետ հարաբերությունները մենք համադրել ենք դոնոր երկրների վարկային ծրագրերի համատեքստում: Շուրջ քսան տարի հանրակրթության ոլորտում  Համաշխարհային բանկը վարկային ծրագիր է իրականացնում, ուստի ԵՄ դրամաշնորհներն  ուղղորդվում էին  կրթության համակարգի այլ ուղղություներին, ինչպիսին է օրինակ` միջին մասնագիտական ոլորտը»,-նշել է Լևոն Մկրտչյանը և հավելել,-«Այսօր հիմնական խնդիրը որակի ապահովումն է կրթության բոլոր աստիճաններում`  հանրակրթության, միջին մասնագիտական և բարձրագույն: ՀՀ կրթական համակարգը ներկայում անդամակցում է Բոլոնիայի գործընթացին և մենք եվրոպական կրթական տարածքի մաս ենք կազմում: Այս ընթացքում կրթական համակարգի կառույցն ամբողջությամբ համապատասխանեցվել է եվրոպական չափանիշներին և ժամանակն է լուծումներ գտնել  բովանդակային խնդիրների կարգավորման համար»: Այդ համատեքստում նախարարը կարևորել է բարձրագույն կրթության ոլորտում իրականացվելիք բարեփոխումները: Նա ընդգծել է, որ փոքրաթիվ ուսանողներ ունեցող բուհերում որակի խնդիրն ակնհայտ է, ուստի  կարիք է  առաջացել ցանցային համալսարանների ձևավորմամբ առկա խնդիրներին լուծումներ տալու: Նախարարի խոսքերով`  բարձրագույն կրթության ոլորտում տիրող իրավիճակի կարգավորումը ենթադրում է բարեփոխումների  ամբողջական ծրագիր:

Պատվիրակության ղեկավար Մերեդիթն իր հերթին կարևորել է կրթության առանցքային նշանակությունը երկրի զարգացման գործում, նա մանրամասներ է ներկայացրել նախնական (արհեստագործական) և միջին մասնագիտական կրթության և ուսուցման ոլորտում (ՄԿՈՒ) Եվրոպական Միության կողմից իրականացվելիք «Ավելի լավ որակավորում ավելի լավ աշխատանքի համար» բյուջետային աջակցության ծրագրի վերաբերյալ:

Նշենք, որ վերոնշյալ ծրագրով նախատեսվում է հիմնականում գյուղատնտեսական և այդ ոլորտին առնչվող ՄԿՈՒ պետական կրթական չափորոշիչների և ուսումնական պլանների մշակում, մանկավարժների և ուսուցման վարպետների վերապատրաստում, մասնավոր հատվածի արդյունավետ ներգրավվածության ապահովում և այլն:

Նյութի աղբյուրը. ՀՀ կրթության և գիտության նախարարություն

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…