ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Նովոռոսիսկում ապրող տարբեր ժողովուրդների էթնիկ մշակույթի փառատոն

Նոյեմբերի 7, 2016
Սփյուռքի լրատու

2011 թվականից ՌԴ Կրասնոդար երկրամասի Նովոռոսիսկ քաղաքում Ազգերի միասնության տոնի նախաշեմին անցկացվում է  «Многоцветие Новороссийска» փառատոնը, որին դպրոցների և մանկապարտեզների սաները ներկայացնում են Նովոռոսիսկում ապրող տարբեր ժողովուրդների էթնիկ մշակույթը, պատմությունը, լեզուն:

            2016 թվականի նոյեմբերի 3-ին Նովոռոսիսկ քաղաքի Ռաևսկայա արվարձանի թիվ 6 մանկապարտեզը «Լույս» համահայկական հ/կ կիրակնօրյա դպրոցի հայոց լեզվի ուսուցչուհի Արև Բալայանի և պարուսույց Հռիփսիմե Բաբայանի անմիջական մասնակցությամբ փառատոնին ներկայացրեց «Душа моя Армения» խորագրով բեմականացումը. մանկապարտեզի փոքրիկ սաները, դուդուկի հոգեպարար մեղեդու ներքո, մարմնավորելով հայոց նախահայր Հայկին ու բռնակալ Բելին, լուսաբանեցին հայ ազգի հաստատումը Արարատի ստորոտին, մանկավարժների և ծնողների մասնակցությամբ՝ ազգային հացի՝ լավաշի թխման ավանդապատումը, փոքրիկների շուրթերին հնչեց ոսկեղենիկ մայրենին , և շուրջպար բռնեց  քոչարին: Օտար բեմում հնչեց «Իմ անունը Հայաստան է» երգն, ու ծածանվեց հայոց եռագույնը: Ողջ դահլիճում թևածում էր հակական ոգին, հանդիսականները ջերմորեն ձայնակցում էին և ծափահարում մասնակիցներին: Բեմը զարդարում էին կիրակնօրյա դպրոցի սաների ձեռքերով պատրաստված ազգային զարդանախշերով դեկորացիաները, որոնց մեջ վեր էր խոյանում մեր սուրբ լեռ Արարատը: Լավագույնս ներկայանալու համար ազգային հագուստը սիրով տրամադրել էր «Լույս» համահայակական հ/կ-ը: Բեմականացման բոլոր մասնակիցները՝ թե հայազգի, թե ռուս, հպարտորեն էին ներկայացնում Հայաստանն ու հայ ժողովրդին:

20 լավագույն ելույթներից հաղթողների շարքում էր Հայաստանը ներկայացնող թիվ 6 մանկապարտեզը: 

Արև Բալայան

Ազգային վարկանշավորման համակարգ