ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

ՀՀ ԿԳ նախարարի գլխավորած պատվիրակությունը մեկնել է Չինաստան

Նոյեմբերի 14, 2016
Պաշտոնական լրատու

Կրթության և գիտության ոլորտում համագործակցության զարգացման նպատակով նոյեմբերի 12-ից 15-ը Չինաստանի Ժողովրդական Հանրապետության կրթության նախարարության հրավերով ՀՀ կրթության և գիտության նախարար Լևոն Մկրտչյանի գլխավորած պատվիրակությունը կգտնվի Չինաստանի Ժողովրդական Հանրապետությունում:

Պատվիրակության կազմում են` Գիտության պետական կոմիտեի նախագահ Սամվել Հարությունյանը և Խ. Աբովյանի անվան հայկական պետական մանկավարժական համալսարանի ռեկտոր Ռուբեն Միրզախանյանը:
Նախատեսված են հանդիպումներ ՉԺՀ կրթության նախարարության, կրթության և գիտության ոլորտի ներկայացուցիչների հետ: Այցի ընթացքում կքննարկվեն երկու երկրների միջև համագործակցության ընդլայնման, երկկողմանի կապերի ամրապնդման հարցեր: Մասնավորապես, նախատեսված են երկու երկրների բուհերում միջպետական համաձայնագրի շրջանակում ուսանողների փոխանակման ծրագրի, ինչպես նաև միջբուհական նոր կապերի ստեղծման հնարավորության վերաբերյալ քննարկումներ: Բացի այդ, տեղի կունենան բանակցություններ` Պեկինի համալսարաններից մեկում հայերենի՝ որպես առանձին մասնագիտության ուսուցման կազմակերպման վերաբերյալ:

Նյութի աղբյուրը. ՀՀ կրթության և գիտության նախարարություն

Ազգային վարկանշավորման համակարգ