ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

8140 աշակերտ մասնակցում է «Ռուսական արջուկ» մրցույթին

Նոյեմբերի 21, 2016
Լուրեր կազմակերպություններից

Նոյեմբերի 15-ին Հայաստանի  300 և Ստեփանակերտի 13 դպրոցների 8140 աշակերտ մասնակցեց Հայաստանում պաշտոնապես արդեն յոթերորդ անգամ անցկացվող «Ռուսական արջուկ. լեզվաբանություն բոլորի համար» մրցույթին։
Այս մրցույթը «Այբ» կրթական հիմնադրամի կողմից մեր երկրում անցկացվող միջազգային  հայտնի մրցույթների շարքից է և, ինչպես «Կենգուրուն», նպատակ ունի խթանելու մեր աշակերտների մասնակցությունը միջազգային առարկայական մրցույթներին:

«Ռուսական արջուկ» մրցույթի կանոնների համաձայն` այս տարվա խնդիրներն ու պատասխանները կհրապարակվեն նոյեմբերի 30-ին, «Այբ» կրթական հիմնադրամի կայքում։
 Հունվարին յուրաքանչյուր մասնակից դպրոց կստանա «Ռուսական արջուկում» իր աշակերտների արձանագրած արդյունքների մասին ամփոփ հաշվետվություն, իսկ փետրվարին տեղի կունենան մրցանակաբաշխության արարողությունները:
Բոլոր մասնակից դպրոցներն ու աշակերտները կստանան մասնակցության հավաստագրեր, իսկ լավագույն արդյունք արձանագրած երեխաները կարժանանան նաև պատվոգրերի ու խրախուսական մրցանակների:
Հայաստանում «Ռուսական արջուկ» մրցույթի բացառիկ կազմակերպիչ` «Այբ» կրթական հիմնադրամ:

Նյութի աղբյուրը. «Այբ» կրթական հիմնադրամ

Ազգային վարկանշավորման համակարգ