ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

««Ընտանիք»-ն անիվների վրա» կրթական ծրագրի եզրափակումը

Նոյեմբերի 22, 2016
Լուրեր կազմակերպություններից

ՀՀ կրթության և գիտության նախարարության «Ընտանիք» մանկապատանեկան ստեղծագործական կենտրոնում նոյեմբերի 16-ին ամփոփվեց հունիս ամսից մեկնարկած ««Ընտանիք»-ն անիվների վրա» կրթական ծրագիրը:

Ծրագրի նպատակն էր` կարևորել արտադպրոցական կրթության դերը, նպաստել համայնքներում դրա զարգացմանը, դեռահասների մասնագիտական կողմնորոշմանը, կարողությունների բացահայտմանը, ազգային արհեստի և արվեստի բնագավառներում ստեղծվող մշակութային արժեքների տարածմանն ու պահպանմանը, ամրապնդել ՀՀ համայնքների և Ջավախքի արտադպրոցական կենտրոնների և միջնակարգ դպրոցների միջև կապը:                                                                                                                  

Ծրագրի առաջին փուլում /հունիսի 27-ից հուլիսի 1-ը/ Շիրակի և Արմավիրի մարզերի գյուղական համայնքների թվով 19 մանկավարժների համար իրականացվեց վերապատրաստման դասընթացներ: Տեսական և գործնական պարապմունքների արդյունքում մանկավարժները ծանոթացան արտադպրոցական կրթության կարևորությանն ու հիմնախնդիրներին, անհատական և շերտավոր դասավանդման ձևերին, ուսումնասիրեցին համայնքային հետազոտության իրականացման և դեռահասների կրթադաստիարակչական կարիքների հայտնաբերման մեթոդները, դաստիարակչական աշխատանքների ծրագրերի և թեմատիկ պլանների կազմման եղանակները:

Ծրագրի երկրորդ փուլում /հոկտեմբերի 4-ից 31-ը/ Շիրակի մարզի  Բենիամին, Կամո, Հոռոմ, Նոր Կյանք, Շիրակ, Սառնաղբյուր ու Սարատակ, Արմավիրի մարզի Քարակերտ, Մուսալեռ համայնքների միջնակարգ դպրոցներում, Վրաստանի Սամցխե–Ջավախք  երկրամասի Ախլքալաքի հայ երիտասարդական և Նինոծմինդայի կրթամշակութային կենտրոններում տեղի դպրոցականների համար անցկացվեցին մասնագիտական կողմնորոշման դասեր` կենտրոնի մանկավարժների և շնորհաշատ սաների կողմից: Դասընթացները կազմակերպվեցին դեռահասների նախասիրություններին և հետաքրքրություններին համապատասխան տարբեր մասնագիտություններով` խեցեգործություն, ուլունքագործություն, արծաթագործություն, գեղանկարչություն, կարպետագործություն, ասեղնագործություն, պարարվեստ, փայտարվեստ, ռադիոէլեկտրոնիկա: Մեծ էր համայնքաբնակ դպրոցականների խանդավառությունը, արհեստի ու արվեստի ոլորտում նոր գիտելիքներ ձեռք բերելու, սեփական կարողություններն ու ներուժը բացահայտելու, համայնքներում մշտական գործող խմբակներ ունենալու ցանկությունը: Դեռահասների արտահայտած տպավորությունները փաստեցին, որ ծրագիրը որոշակիորեն ուղղորդել է նրանց մասնագիտական կողմնորոշման հարցում` առաջացնելով հետաքրքրություն կոնկրետ մասնագիտությունների նկատմամբ:

«Ընտանիք» կենտրոնի մանկավարժներին ու սաներին առանձնակի ջերմությամբ ու ոգևորությամբ դիմավորեցին Ջավախքի կրթամշակութային կենտրոններում: Վրաստանի Հայ Օգնության Միության վարչության ատենապետուհի Կարինե Թադևոսյանը կարևորեց արտադպրոցական կենտրոնների միջև համագործակցության ստեղծումը, որի արդյունքում երիտասարդների շփումը, գիտելիքների ու փորձի փոխանակումը, փոխայցելությունների հաճախակի կազմակերպումը   կարևոր խթան կհանդիսանան հայապահպանման և ազգային ինքնության հաստատման գործում:

Կենտրոնում կայացած եզրափակիչ ցուցահանդես-միջոցառմանը ներկա էին ծրագրին մասնակից համայնքների ներկայացուցիչներ, մանկավարժներ, ծնողներ և սաներ: Ներկաները դիտեցին մասնագիտական կողմնորոշման դասերի արդյունքում կենտրոնի սաների և համայնքների դեռահասների համատեղ պատրաստած աշխատանքների ցուցահանդես, ծրագրի 1-ին և 2-րդ փուլերի վերաբերյալ ամփոփ տեսանյութ:

Կենտրոնի տնօրեն Արթուր Մինասյանն ամփոփելով ծրագիրը` նշեց, որ համայնքներից ստացված գրավոր արձագանքները խիստ պարտավորեցնող են, ընդգծեց նախորդ տարիներին ծրագրի իրականացման արդյունքում Շիրակի մարզի գյուղական համայնքներում ստեղծված մասնագիտական խմբակների գործունեության դրական ազդեցությունը, որոնց օգնությամբ բացահայտվել են շատ տաղանդավոր դեռահասներ, ովքեր տարբեր միջազգային մրցույթներում ցուցաբերել են լավագույն արդյունք:

Ծրագրի շրջանակում Ա. Մինասյանը պատվոգրեր և մրցանակներ հանձնեց կենտրոնի հետ համագործակցած համայնքների կրթական հաստատություններին:

Միջոցառումը եզրափակվեց «Ընտանիք» կենտրոնի սաների և համայնքների դեռահասների  գեղարվեստական ելույթներով:

Հ. Սարգսյան

  • Աշխարհագրական խնդիրներ

    Թեմայի հեղինակ՝ Gayane.Voskanyan

    Նախկինում ոմանց համար շատ տարօրինակ էր «աշխարհագրական խնդիր» հասկացությունը: Հիմա բարեբախտաբար շատ ավելի լայնորեն են օգտագործում աշխարհագրական խնդիրները և դրանք շատ հետաքրքիր են ու բազմաբնույթ: Առաջարկում եմ մի քանի խնդիրներ՝…

  • «Բայի սահմանական եղանակի ժամանակաձևերը» թեմայի ամփոփման իմ փորձը

    Թեմայի հեղինակ՝ marine8

    Հարգելի' գործընկերներ, ուրախ եմ ֆորումին միանալու համար: Հուսով եմ, որ թեման կհետաքրքրի հայոց լեզվի և գրականության ուսուցիչներին: Ակնկալում եմ նրանց ակտիվ մասնակցությունը թեմայի քննարկմանը: Շնորհակալություն

  • Միջառարկայական կապերը որպես գիտելիքների յուրացման արդյունավետության պայման:

    Թեմայի հեղինակ՝ anahitgeorgyan

    Այս թեմայի նպատակն է տեսականորեն հիմնավորել միջառարկայական կապերի դերը որպես ուսուցման մատչելիության, գիտելիքների որակի բարձրացման անհրաժեշտ պայման: Դասապրոցեսի ընթացքում մենք՝ ուսուցիչներս երբեմն սովորողներին մատուցում ենք նեղ առարկայական գիտելիքներ, դասը ստացվում…

  • Գործնական աշխ. Ուսագոտու աշխատանք: Նախաբազկի ոսկորների գործառույթը: Դաստակի շարժում:

    Թեմայի հեղինակ՝ anahitgeorgyan

    Այս գորրծնական աշխատանքը նախատեսված է 8-րդ դասարանի աշակերտների համար, որի նպատակն է բացահայտել ուսագոտու գործառույթը ձեռքի շարժման ընթացքում,ինչպես նաև նախաբազկի ոսկորների դերը դաստակի շարժման ընթացքում (բանալիի շարժում): Այն կարող եք…

  • Գործնական աշխատանք. Ստատիկ և դինամիկ աշխատանքի հոգնածություն

    Թեմայի հեղինակ՝ anahitgeorgyan

    Այս գորրծնական աշխատանքը նախատեսված է 8-րդ դասարանի աշակերտների համար, որի նպատակն է պարզել,թե որ աշխատանքն է ավելի հոգնացուցիչ , բացատրել պատճառները: Այն կարող եք նայել հետևյալ հղումով՝

  • Գործնական աշխատանք. Մարդու և գորտի արյան համեմատություն

    Թեմայի հեղինակ՝ anahitgeorgyan

    Այս գորրծնական աշխատանքի նպատակն է, պարզել թե ինչով է տարբերվում մարդու արյան էրիթրոցիտները գորտի էրիթրոցիտներից, ինչ առավելություն ունեն մարդու էրիթրոցիտները գորտի էրիթրոցիտների համեմատ: Այս գործնական աշխատանքը կարող եք դիտել հետևյալ…

  • Աշխարհագրության ուսուցման ձևեր

    Թեմայի հեղինակ՝ Gayane.Voskanyan

    Հայտնի է, որ շատ հաճախ աշակերտները դժվարանում են սովորել տերմինները, առավել ևս եթե դրանք պետք է հիշեն որոշակի հերթականությամբ: Օրինակ՝ Երկրի երկրաբանական ժա- մանակագրական աղյուսակը հիշելու համար աշակերտները դժվարանում են…

  • Յուրի Օգաննիսյան

    Թեմայի հեղինակ՝ manush

    Հայ գիտնականի հայտնաբերած տարրը պաշտոնապես ընդգրկվեց Մենդելեևի աղյուսակում: Մենդելեևի պարբերական աղյուսակը համալրող նոր՝ 118-րդ տարրն անվանվել է oganesson (Og)` հայ մեծ գիտնական Յուրի Ցոլակի Օգանեսյանի (Յուրի Հովհաննիսյան) պատվին: Յուրի Ցոլակի…

  • Великие писатели

    Թեմայի հեղինակ՝ Liana Avagyan

    Предлагаю на рассмотрение сведения о жизни великого русского писателя Александра Сергеевича Пушкина

  • Դասընթաց մաթեմատիկայի ուսուցիչների համար

    Թեմայի հեղինակ՝ Ameli

    Օգտակար դասընթաց մաթեմատիկայի ուսուցիչների համար Հարգելի ուսուցիչներ, ԿՏԱԿ-ի հեռավար ուսուցման հարթակում պատրաստվում եմ վարել դասընթաց "Geogebra-ն որպես մաթեմատիկայի ուսուցման և ուսումնասիրման գործիք" թեմայով: Սիրով Ձեզ հրավիրում եմ մասնակցել դասընթացին: Դասընթացը…

Ազգային վարկանշավորման համակարգ