ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Միջազգային գիտաժողով՝ նվիրված Սանահինի համալսարանի հիմնադրման 1050-ամյակին

Նոյեմբերի 22, 2016
Պաշտոնական

Երևանի Հյուսիսային համալսարանում այսօր տեղի է ունեցել «Հայաստանը՝ տարածաշրջանային գիտակրթական կենտրոն» թեմայով միջազգային գիտաժողով՝ նվիրված Սանահինի համալսարանի հիմնադրման 1050-ամյակին: Գիտաժողովին ողջույնի խոսքով հանդես է եկել ՀՀ կրթության և գիտության նախարար Լևոն Մկրտչյանը, ով շնորհակալություն է հայտնել Հյուսիսային համալսարանի ղեկավարությանը՝ Սանահինի 1050-ամյակը նշելու համար: «Համալսարանական կրթությունը միայն գիտելիք չէ. այն նաև հիշողություն է, որը կապում է անցյալն ապագային: Եվ այն, որ Հյուսիսային համալսարանը նշում է մեր միջնադարյան լավագույն բուհերից մեկի 1050-ամյակը, արդեն կարևոր է և՛ գիտական, և՛ խորհրդանշական իմաստով, որովհետև, ի վերջո, մենք կարիք ունենք վերարժևորել մեր քաղաքակրթությունը և հասկանալ՝ որն է հայի տեսակը կապող կարևոր հիմքը: Այս իմաստով կարող ենք հպարտորեն ասել, որ մենք այն ժողովուրդն ենք, որը կարողացել է համաշխարհային ձեռքբերումները տեղայնացնել, դարձնել սեփականը և ստեղծել իր ուրույն մշակույթը: Հայ կրթական համակարգը միշտ սպասարկել է հայ տեսակի լինելիությունը և շարունակական ապահովումը: Երբ, օրինակ, Մատենադարանում տեսնում ես ձեռագրեր, միտք, որոնք եվրոպական Վերածննդին համարժեք են և դրանից շատ ավելի առաջ՝ արդեն կիրառելի Հայաստանում, ապա զգում ես, որ հայ քաղաքակրթական տեսակն ամբողջությամբ շարունակվելու իրավունք ունի: Այս իմաստով միջնադարյան համալսարանների գոյությունը կարևոր է, որպեսզի կարողանանք մեզ և աշխարհին հաստատել, որ իրավունք ունենք ունենալ մեր սեփական տեսակի քաղաքակրթությունը: Ի վերջո, շատ է խոսվում քաղաքակրթությունների համագործակցության և պայքարի մասին, բայց կարևոր է հասկանալ, որ փոքր ժողովուրդը կամ պետք է ուժ ունենա այդ մեծ ընտանիքում ձևավորել սեփականը կամ պիտի հետևի մեկ այլ մեծ քաղաքակրթական տեսակի: Մենք այն ժողովուրդն ենք, որ առաջինը տիեզերական ուսումունք, քրիստոնեություն ընդունելով՝ կարողացել է ձևավորել սեփական ուրույն ուղղությունը, ունենալ եզակի այբուբեն, որը կիրառվում է առ այսօր, ձևավորել միջնադարյան համալսարանների շարք, որոնք իրենց ուսումնասիրություններով և առարկայացանկով հավասար էին այդ ժամանակվա բոլոր միջազգային դպրոցներին: Ներկայումս պարտավոր ենք ունենալ միջազգային ծրագրեր և նորամուծություններ, լինել այդ մեծ համակարգի մեջ, սակայն միշտ հիշել հազարամյակների պատմություն ունեցող մեր հիմքը և հասնել նրան, որ անկախ Հայաստանը ձևավորի իր սեփական կրթական միջավայրը: Այս իմաստով նման գիտաժողովների անցկացումը կարևոր է, և նման նախաձեռնությունները պետք է շատ լինեն, որովհետև դրանք ճանաչողական նշանակություն ունեն և՛ ուսանողների, և՛ հասարակության համար»,-նշել է նա:

Գիտաժողովի ընթացքում հնչել են ելույթներ և զեկույցներ, որոնք մասնավորապես վերաբերել են բարձրագույն կրթության ոլորտում իրականացվող բարեփոխումներին և զարգացման արդի միտումներին, հայ միջնադարյան թարգմանական գրականությանը, միջնադարյան հայ կրթական համակարգի ուսուցման սկզբունքներին և այլն:

Նյութի աղբյուրը. ՀՀ կրթության և գիտության նախարարություն

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…