ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Ռոբոտաշինությունը Հրազդանի Վ. Սարոյանի անվան հ.11 հիմնական դպրոցում

Դեկտեմբերի 13, 2016
Դպրոցական անցուդարձ ՏՀՏ նորություններ

Ինֆորմացիոն տեխնոլոգիաների ձեռնարկությունների միությունը (ԻՏՁՄ), ՀՀ կառավարության՝ ի դեմս ՀՀ Կրթության և գիտության նախարարության աջակցությամբ նախաձեռնել և իրականացնում է ինժեներական լաբորատորիա-խմբակների ներդրման ծրագիր հանրակրթական դպրոցներում:

Ծրագրի նպատակն է հանրակրթական դպրոցներում արտադասարանային խմբակների ձևաչափով ստեղծել ինժեներական և ռոբոտաշինության խմբակներ, բացահայտել բնագիտական տաղանդով օժտված երեխաների, նպաստել նրանց մասնագիտական կողմնորոշմանը:

Ծրագիրը գրավիչ է, շատ ու շատ երեխաների ձգտումներին մոտ ու հարազատ: Ծրագրի կառավարումը ստանձնել է ԻՏՁՄ-ն, իսկ ԿԳ նախարարությունը ապահովում է խմբակավարների վարձատրությունը:

2016-2017 ուստարվանից այդ ծրագիրը մուտք է գործել նաև Հրազդանի Վիլյամ Սարոյանի անվան h.11 հիմնական դպրոց:

Ներկայումս դպրոցում գործում է ռոբոտաշինության խմբակ, որի ղեկավարը Տիգրան Սահակյանն է, բարձրագույն կրթությամբ, բանիմաց, խելացի և համակողմանի զարգացած մի երիտասարդ, որն ունի մանկավարժական ունակություններ և անհրաժեշտ տեխնոլոգիական գիտելիքներ: Անցել է վերապատրաստման դասընթացներ:

Անցած մի քանի ամիսների ընթացքում խմբավարը փնտրտուքի մեջ էր. ցանկացողները շատ են, բայց պետք է բացահայտել, հայտնաբերել բնագիտական տաղանդով օժտված երեխաների: Այժմ խմբակում ընդգրկված է 12 երեխա, որոնք սիրով են մասնակցում խմբակի աշխատանքներին:

Դպրոցում ստեղծվել են համապատասխան պայմաններ. հատկացվել են դասասենյակ, համակարգիչներ, իսկ ԻՏՁՄ-ն տրամադրել է համակարգչային սեղաններ, աթոռներ, լաբորատոր որոշ սաքավորումներ: 

Ծրագիրը անչափ հետաքրքիր է, հեռանկարային: Տաղանդավոր երեխաների հայտնաբերման աշխատանքները շարունակվում են:

 

Մ.Զաքարյան

Ազգային վարկանշավորման համակարգ