Հաշվի առնելով ֆինանսական և տնտեսագիտական որակյալ կրթությամբ ապահովելու կարևորությունն ու արդիականացումը՝ ՀՀ կառավարության վերջին նիստին վարչապետ Կարեն Կարապետյանը ՀՀ կրթության և գիտության նախարարին հանձնարարել էր երեքշաբաթյա ժամկետում կառավարություն ներկայացնել հանրակրթական դպրոցում ֆինանսական և տնտեսագիտական կրթության ապահովմանն ուղղված քայլերի ժամանակացույց՝ նոր ուսումնական տարվանից ծրագիրը սկսելու պարտադիր պայմանով: Այդ կապակցությամբ այսօր նախարարությունում կայացել է աշխատանքային հանդիպում, որին մասնակցել են ՀՀ ԿԳ նախարար Լևոն Մկրտչյանը, նախարարի տեղակալ Դավիթ Սահակյանը, նախարարության, «Պատանեկան նվաճումներ» հասարակական կազմակերպության և «Հայ կրթություն» հիմադրամի ներկայացուցիչները:
Նախարար Լևոն Մկրտչյանը կարևորել է հանրակրթական դպրոցներում ֆինանսական և ձեռնարկատիրական կրթության իրականացումը` ընդգծելով, որ այն նպատակ ունի սովորողներին զինել ձեռնարկատիրական հմտություններով և խթանել նրանց նորարարական մտածելակերպը, վերջիններիս հաղորդել անհրաժեշտ ֆինանսական հմտություններ, ինչպես նաև ծանոթացնել կորպորատիվ սոցիալական պատասխանատվությանը:
Նշենք, որ ՀՀ կրթության և գիտության նախարարության և «Հայաստանի պատանեկան նվաճումներ» կազմակերպության միջև 2011 թվականին կնքված համագործակցության հուշագրի շրջանակներում ՀՀ դպրոցներում իրականացվում է «Ձեռնարկատիրական և քաղաքացիական կրթություն ավագ դպրոցի սովորողների համար» կրթական ծրագիրը: Հաշվի առնելով վերոնշյալ ծրագրի արդյունավետությունը, ինչպես նաև այն հանգամանքը, որ և «Պատանեկան նվաճումներ» կազմակերպությունը, և «Հայ կրթություն» հիմադրամն իրենց ծրագրերն իրականացնում են խմբակների դասընթացների ձևաչափով /շուրջ 180 դպրոց/, և այն չի կրում պարտադիր բնույթ, առաջարկ է հնչել պահպանել վերոնշյալ ձևաչափը` միաժամանակ ներկայացնելով համատեղ ծրագիր` դասընթացը որպես պարտադիր բաղկացուցիչ կրթական ծրագրերում ներառելու նպատակով:
Քննարկվել են նաև ուսուցիչների վերապատրաստման, ոլորտում գործող հասարակական կազմակերպությունների և Բանկերի ասոցիացիայի հետ համագործակցության հնարավոր ուղիները` լրացուցիչ կրթական ծրագրերում ներդրումներ անելու և երիտասարդ սերնդի հետ ակտիվորեն աշխատելու համատեքստում: Աշխատանքային խումբը քննարկել է նաև համապատասխան ձեռնարկների մշակման և այլ ընթացիկ հարցեր:
Հանդիպման ավարտին պայմանավորվածություն է ձեռքբերվել մեկշաբաթյա ժամկետում կազմել գործողությունների հստակ ժամանակացույց` ՀՀ կառավարություն ներկայացնելու համար:
Նյութի աղբյուրը. ՀՀ կրթության և գիտության նախարարություն
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ