Ավարտվեց ՀՀ մարզային դպրոցների՝ «Արարատյան բակալավրիատ» նոր հայալեզու և միջազգայնորեն ճանաչված ծրագրին անդամակցելու առաջին՝ դիմում-հայտերի փուլը, որը մեկնարկել էր դեկտեմբերի 20-ին։
Այսպիսով` ՀՀ մարզերի՝ ավագ բաղադրիչ ունեցող 54 դպրոց (28 ավագ, 23 միջնակարգ դպրոց և 3 վարժարան) ցանկություն է հայտնել իր կրթօջախում առաջարկել Արարատյան բակալավրիատի ծրագիրը:
Այս թիվը ցնցող ցուցանիշ է՝ անչափ ուրախալի և պարտավորեցնող արդյունք «Այբ» հիմնադրամի համար: Այն երկու անգամ գերազանցում է մեր նախնական սպասելիքները և խոսում այն վստահության մասին, որ կա թե՛ «Այբ»-ի կատարած տասնամյա գործի, թե՛ Կրթության գերազանցության ազգային ծրագրի և, մասնավորապես, Արարատյան բակալավրիատի հանդեպ և թե՛ այս ծրագրի միջոցով մարզային դպրոցների համակարգային զարգացմանն ուղղված «Այբ»-ի ջանքերի:
Անդամակցության դիմում-հայտ ներկայացրած դպրոցների բաշխվածությունն ըստ մարզերի բերված կից նկարում:
Այժմ ընթանում է դիմում-հայտերի ուսումնասիրությունը, և գալիք ամսվա ընթացքում թեկնածու դպրոցների ընտրության հանձնաժողովը, որը ստեղծվել է Կրթության գերազանցության ազգային ծրագրի շրջանակում, կկազմակերպի հանդիպումներ այս փուլի չափանիշներին բավարարող բոլոր դպրոցների տնօրենների և անձնակազմերի հետ։ Հանդիպումների նպատակն է ստանալ դպրոցի վերաբերյալ ամբողջական պատկեր՝ ծանոթանալով դպրոցի նպատակներին, կրթական մոտեցումներին, միջավայրին ու ավանդույթներին, բացահայտել այն ոլորտները, որոնք հետագա բարելավման կարիք ունեն և այլն։
Մինչև մարտի կեսը դիմումի փուլի արդյունքների հիման վրա կհրապարակվի ծրագրի թեկնածության փուլ անցած դպրոցների ցանկը, և կսկսվի այդ դպրոցների ուսուցիչների ներգրավումը ԱԲ-ի ուսուցիչների զարգացման ծրագրում։
Հիշեցնենք, որ ԱԲ-ին անդամակցելու գործընթացը կազմված է երեք հիմնական փուլից՝ դիմումի, թեկնածության և հավաստագրման։ Դպրոցների հավաստագրման համար էական նշանակություն կունենան դպրոցի՝ թեկնածության փուլում իրականացրած բարեփոխումները՝ ԱԲ-ի ծրագրի պահանջներին լիովին համապատասխանելու ուղղությամբ։ Հավաստագրման փուլը հաղթահարած բոլոր դպրոցներում ԱԲ-ը կներդրվի մեկ դասարանով՝ այդպիսով հնարավորություն ընձեռելով մարզերի աշակերտներին անվճար ստանալու միջազգայնորեն մրցունակ բարձրորակ կրթություն՝ առանց լքելու իրենց հարազատ մարզը կամ դպրոցը:
Արարատյան բակալավրիատը հայալեզու և միջազգայնորեն ճանաչված կրթական ծրագիր է, որ կոչված է մրցունակ դպրոցական կրթության հնարավորություն ընձեռելու ՀՀ բոլոր աշակերտներին։ Ծրագիրը ստեղծվել է «Այբ» կրթական հիմնադրամի կողմից և լրամշակվել Կրթության գերազանցության ազգային ծրագրի (ԿԳԱԾ) շրջանակում։
Առաջին փուլում նախատեսվում է ծրագիրը ներդնել ՀՀ մարզերի և Ստեփանակերտի ընտրված դպրոցներում առնվազն մեկական դասարանով՝ հետագայում ընդլայնման ակնկալիքով։ Նախատեսվում է, որ ԱԲ ծրագրով առաջին մարզային դպրոցներն իրենց գործունեությունը կսկսեն 2018 թ․ սեպտեմբերի 1-ից։
Ծրագիրն իրականացվում է ՀՀ կրթության և գիտության նախարարության հետ համատեղ՝ Քեմբրիջի համալսարանի «Քեմբրիջի միջազգային քննություններ» կենտրոնի և Լոնդոնի համալսարանական քոլեջի (UCL) Կրթության ինստիտուտի (IOE) հետ համագործակցությամբ։ Այս գերազանցության ծրագիրը կգործի պետական կրթական ծրագրին զուգահեռ՝ տալով աշակերտներին ավագ դպրոցի կրթական ծրագրի ընտրության ավելի լայն հնարավորություն և ապահովելով կրթության որակի և ավարտական գնահատականների ու դիպլոմի և՛ տեղական, և՛ միջազգային ճանաչում:
2015 թ․ ընթացքում ԱԲ-ը համաքննվեց Քեմբրիջի համալսարանի «Քեմբրիջի ﬕջազգային քննություններ» կենտրոնի կողմից և արդյունքում գնահատվեց որպես անգլիական խորացված մակարդակներին (GCE A Levels) համազոր։ 2016 թ․ օգոստոսին Մեծ Բրիտանիայի ճանաչման և համեմատության ազգային գործակալությունը (UK NARIC)` միջազգային հավաստագրման ամենահեղինակավոր կառույցը, նույնպես ԱԲ-ը համազոր ճանաչեց այնպիսի միջազգային առաջատար կրթական ծրագրերի, ինչպիսին են անգլիական խորացված մակարդակները (GCE A Levels) և ամերիկյան Advanced Placement-ը (AP)։ ԱԲ-ի համազորությունը վերոնշյալ կրթական ծրագրերին հնարավորություն է տալիս հայ աշակերտներին հայերենով հանձնելու միջազգային քննություններ և այդ քննությունների արդյունքների հիման վրա ընդունվելու աշխարհի լավագույն համալսարաններ կամ այդ քննությունների արդյունքները կրեդիտավորելու այդ համալսարաններում:
Նյութի աղբյուրը. «Այբ» կրթական հիմնադրամ
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ