ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Ազգային արխիվում կբացվի Հայաստանի Անկախության 25-ամյակին նվիրված ցուցահանդես

Սեպտեմբերի 7, 2016
Մշակութային լուրեր

Սեպտեմբերի 16-ին Հայաստանի Ազգային արխիվում կբացվի ՀՀ Անկախության 25-ամյակին նվիրված ցուցահանդես, որտեղ կներկայացվեն բացառիկ նշանակության հետաքրքիր ցուցանմուշներ, այդ թվում՝ ՀՀ երեք նախագահների առաջին քաղաքացիական և դիվանագիտական անձնագրերը, մտավորականների դիվանագիտական անձնագրեր, նախագահների ստորագրած առաջին հրամանագրերը, վարչապետների ստորագրած առաջին որոշումները, և այլն: Այս մասին այսօր հրավիրված մամուլի ասուլիսի ընթացքում հայտարարեց Ազգային արխիվի տնօրեն Ամատունի Վիրաբյանը:

Անդրադառնալով արխիվի թվայնացման թեմային՝ Ա. Վիրաբյանն ընդգծեց, որ 21-րդ դարի տեխնոլոգիական բուռն զարգացումներն անդրադարձել են նաև արխիվի աշխատանքների վրա. «Սա, իհարկե, չի նշանակում, որ մենք հրաժարվում ենք թղթե արխիվից, դրանք մնալու են այնքան, մինչև նոր սերունդները՝ տասնամյակներ անց, իրենք կորոշեն՝ ինչ անել դրանց հետ»:

Թվայնացումն ինքնանպատակ չէ: Ըատ բանախոսի՝ այն լուծում է պահպանման խնդիրը, ինչպես նաև տեղեկությունների որոնման աշխատանքները հեշտացնելու համար է, երբ ինֆորմացիան կարելի է գտնել՝ րոպեների, իսկ որոշ դեպքերում՝ նույնիսկ վայրկյանների ընթացքում:

Հայաստանի Ազգային արխիվում թվայնացման աշխատանքները մեկնարկել են դեռևս 2004 թվականից, իսկ թղթե կրիչով փաստաթղթերի թվայնացումը սկսվել է 2010 թվականից, երբ ձեռք են բերվել արդիական նոր սարքավորումներ.

«Մեր պահոցներում այս պահին կա թվով մոտ 350 մլն փաստաթուղթ, իսկ չորս մեքենա երկու հերթափոխով տարեկան թվայնացնում է մոտավորապես 250.000 թերթ փաստաթուղթ: Այս պահի դրությամբ թվայնացված փաստաթղթերի թիվն անցնում է միլիոնի սահմանը: Մենք թվայնացնում ենք այն փաստաթղթերը, որոնք ունեն առավել շատ պահանջարկ: Դրանք են՝ մարդկանց հետ կապված՝ ծննդյան, մահվան, ամուսնության վկայականներ, կամ տոհմածառը վերականգնել ցանկացող ընտանիքներին անհրաժեշտ փաստաթղթերը: Պատմական նշանակության փաստաթղթերից առավել մեծ պահանջարկ են ներկայացնում Առաջին Հանրապետության պատմության հետ կապ ունեցող փաստաթղթերը, ինչպես նաև Ցեղասպանության հետ կապված փաստաթղթերը, որոնց պահանջարկը գնալով ավելի է մեծանում: Բառացիորեն վերջերս Ազգային արխիվ է դիմել Գերմանիայից ժամանած նկարահանող խումբ, ովքեր ԳերմանիայիԲունդեստագի կողմից Հայոց ցեղասպանությունը ճանաչող բանաձևի ընդունումից հետո որոշել են ֆիլմ նկարահանել այդ մասին: Մեծ պահանջարկ կա նաև բնակավայրերի՝ գյուղերի կամ քաղաքների պատմության հետ կապված փաստաթղթերի նկատմամբ, որոնք ևս թվայնացման առաջին անհրաժեշտության շարքերում են: Առաջին անհրաժեշտության թվայնացման շարքերում են նաև հայտնի պատմական և մշակութային դեմքերին վերաբերող փաստաթղթերը»,- առանձնացրեց Ամատունի Վիրաբյանը:

Ֆիլմերի թվայնացումը, ըստ բանախոսի, ևս շատ կարևոր է.

«Այս տարի արդեն ավարտելու ենք 35 մմ լայնությամբ ժապավենների վրա եղած վավերագրական ֆիլմերի թվայնացման աշխատանքները: Գեղարվեստական ֆիլմերը, Հայաստանի Հանրապետության և «Հայֆիլմի» նախկին տարածքները գնող կազմակերպության մեջ կնքված պայմանագրի համաձայն՝ թվայնացվել են և հանձնվել են Մշակույթի նախարարությանը, իսկ մեզ հանձնվել է դրանցից մեկ օրինակ: «Հայֆիլմի» թվայնացրած ֆիլմերի հետ Ազգային արխիվը որևէ տեսակի միջամտություն կամ գործ չի ունեցել»:

Խոսելով առաջիկա ծրագրերի մասին՝ Ա. Վիրաբյանը նշեց, որ հաջորդ տարվանից Ազգային արխիվը սկսելու է 16 մմ լայնությամբ ժապավենների վրա նկարահանած հեռուստատեսային ֆիլմերի թվայնացման աշխատանքները, որը կտևի մի քանի տարի, բայց արդյունքում կունենանք ավարտուն աշխատանք: Զուգահեռաբար՝ շարունակելու են թվայնացվել արխիվային լուսանկարներ, ձայնագրություններ, որտեղ բացակայում է պատկերը, բայց առկա է ձայնը, օրինակ՝ Գրողների միության համագումարներ, որտեղ ելույթներ են ունեցել Պարույր Սևակը, Ավետիք Իսահակյանը և այլք:

Նյութի աղբյուրը. http://168.am/2016/09/06/684428.html

  • ԵՐԵԽԱՆ ԵՎ ՀԱՄԱԿԱՐԳԻՉԸ...

    Թեմայի հեղինակ՝ AsyaY

    Հարգելի գործընկերներ քաջ գիտակցում եմ համակարգչի կարևորությունը այսօր մեր կյանքում:Բայց իրականությունից փախչելն անհնար է:Շարունակ մեծանում է երեխաների կախվածությունը հանակարգչի նկատմամբ:Երեխաները ժամերով նստում են համակարգչի առջև խաղեր խաղում՝,բայց այդ ամենը վատ…

  • Տեքստային խնդիրներ- շարժում-թեմատիկ միավոր

    Թեմայի հեղինակ՝ Բելլա Թամրազովա

    Քանի որ այս թեմայի խնդիրներն ընդգրկված են կրկնության բաժիններում, նպատակահարմար եմ գտել լրացուցիչ դասաժամերին կազմակերպել այսպիսի ուսուցում՝ թեմայի յուրացման մակարդակն ապահովելու նպատակով: Առաջնային առարկայախումբ ՝ • Հանրահաշիվ • Ֆիզիկա Երկրորդային…

  • Բաց դաս

    Թեմայի հեղինակ՝ Flora Hovhannisyan

    Հարգելի գործընկերներ, առաջարկում եմ խոսել բաց դասերի մասին. որոնք են դրանց կազմակերպման նպատակները, ինչպես պետք է կազմակերպել դրանք, ովքեր կարող են կազմակերպել այդպիսի դասեր, ովքեր կարող են ներկա լինել այս…

  • Մատչելի դասի պլանները որպես դասի արդյունավետության կարևոր պայման

    Թեմայի հեղինակ՝ Larisa0504

    Հարգելի գործընկերներ հրավիրում եմ ձեզ նոր քննարկման: Իմաստունի խոսք է. Խելացին նա է, ով բարդ բաները ներկայացնում է պարզ ու մատչելի: Կարծում եմ, որ դասի արդյունավետության համար կարևոր են պարզ…

  • ԹԵՄԱՏԻԿ ԱՇԽԱՏԱՆՔ ՄԱԹԵՄԱՏԻԿԱՅԻՑ/2/

    Թեմայի հեղինակ՝ AsyaY

    2016-2017 ուսումնական տարի II կիսամյակ Թեմատիկ աշխատանք N 2 Առարկա - Մաթեմատիկա Թեմա –Բազմապատկում բաժանում Դասարան - ΙΙ Ամիս, ամսաթիվ __________________ Ազգանուն, անուն_________________________ I տարբերակ 1. Տրված թվերից ընդգծի՛ր միայն…

  • «Գնդի ծավալը» թեմայի ուսուցման իմ փորձից

    Թեմայի հեղինակ՝ Բելլա Թամրազովա

    Այս թեման ընդգրկված է 12-րդ դասարանի խորացված ուսուցմամբ երկրաչափության դասընթացում: Որպես դասի նպատակներ սահմանել եմ հետևյալները. • սովորեն գնդի ծավալի հաշվման բանաձևը, • հանրահաշվի և մաթ.անալիզի գիտելիքներն օգտագործելու միջոցով ստանան…

  • Հարցադրման մեթոդ

    Թեմայի հեղինակ՝ Flora Hovhannisyan

    Եկենք խոսենք հարցադրման մեթոդի մասին. ինչ գիտենք դրա մասին, ինչպես ենք կիրառում, որն է դրա նպատակը, մեթոդի կիրառումը ինչին է նպաստում:

  • Միջառարկայական կապը ֆիզիկայի դասին

    Թեմայի հեղինակ՝ Hasmik.Vardanyan

    Բնագիտական հոսքում թեման կարելի է անցկացնել համագործակցային,հետազոտական մեթոդներով՝օգտագործելով միջառարկայական կապեր/կենսաբանություն-ֆիզիկա-առողջ ապրելակերպ/: Դասի կահավորումը՝անհրաժեշտ սարքեր, զննական նյութեր, տեսասահիկներ, գծապատկերներ: Խմբերին նախօրոք տրվել էին հետևյալ ենթաթեմաները. առաջին խումբ՝ • Աչքը որպես օպտիկական…

  • Էկոլոգիական կրթությունը և բնապահպանությունը տարրական դասարաններում

    Թեմայի հեղինակ՝ Լիլ

    Ժամանակակից աշխարհում, երբ օրեցօր մեծանում է հասարակության ներգործությունը շրջակա միջավայրի վրա, այժմ առավել քան արդիական է դառնում հասարակության էկոլոգիական կրթության անհրաժեշտությունը: Քեոփսի բուրգի մակագրությունը զգուշացնում է. :

  • Խնդիրների լուծում քիմիայից և կենսաբանությունից

    Թեմայի հեղինակ՝ Իրա Թադևոսյան

    Բարև ֆորումի ընկերներ: Թեման բացել եմ աշակերտների, ծնողների, ուսուցիչների համար, ովքեր կցանկանային այս կամ այն խնդրի լուծումը տեսնել մի քանի տարբերակներով ու բացատրություններով: Եկեք տեղադրենք ու օգնենք միմյանց: Ակնկալում եմ…

Ազգային վարկանշավորման համակարգ