Վանաձորի ծովակալ Իսակովի անվան թիվ 23 հիմնական դպրոցի VIբ դասարանում հերթական դասղեկի ժամն էր, ժամ, որ բոլորովին տարբերում էր մյուսներից: Սովորողներն իրենք էին կազմակերպել ու իրենք էլ վարում էին դասը. դաս, որը նվիրված էր Հայոց պանծալի բանակի 25-ամյակին:
Բացման խոսքում հայոց լեզվի և գրականության ուսուցրուհի Հ. Խաչատրյանը շնորհավորեց Հայոց բանակի ծնունդը, խոսեց նրա նվիրյալ զավակների մասին, որոնք անուրանալի ավանդ ու ներդրում ունեն բանակաշինության գործում, հիշեց նահատակ տղաներին, որոնց կյանքի գնով կերտվեց մեր այսօրը:
Լռության րոպեից և խոնարհումից հետո միջոցառումը վարող աշակերտներ Կորյուն Հարությունյանն ու Աննա Նիկողոսյանը անկաշկանդ սկսեցին իրենց գործը: Աշակերտները գրել էին հետաքրքիր մտքեր, գրել էին շարադրություններ բանակի, նրան նվիրյալ զավակների, դժվարությունների ու մաքառումների մասին: Յուրաքանչյուրի միտքը լրացվում էր մյուսի կողմից, հույզը համակում բոլորին: Այնուհետև, մասնակիցները խոսք ուղղեցին սահմանը պահող զինվորներին, խոստացան համալրել նրանց շարքերը, գնալ հերթափոխի, նաև օրինակ վերցնել, դառնալ արժանի հետնորդը Մեր տղաների: Հնչեցին երախտիքի խոսքեր: Հետո սովորողները խնդրեցին, որ դասղեկը պատասխանի իրենց համար անհասկանալի հարցերին:
Միջոցառումը ընթանում էր համեմված Հայոց բանակին նվիրված երգերով, բանաստեղծություններով:
Սեղանին՝ վառվող մոմերի ներքո, նահատակ զինվորի գլխարկն էր, բաժակը, ափսեն և երկու կտոր հաց: Նրանք կա՛ն, ապրո՛ւմ են, ներկա՛ են և երկնքից ուշադիր հսկում են հայրենի սահմանները...
Հուզմունքը մեծ էր, սովորողները լցվեցին հայրենսիրության շնչով՝ քաջ գիտակցելով, որ Հայրենիքը բոլորինն է, և բոլորի նվիրական պարտքն է տե՛ր լինել, պահել ու պահպանել հող հայրենին:
Դասն ավարտվեց դասղեկի՝ Հայ զինվորին նվիրված բանաստեղծությամբ, որը մեծ ներշնչանքով արտասանեց Լենա Քալաշյանը.
Քնիր, հա՛յ իմ մանկիկ, քո նինջը բարի,
Թող ոչ մի ոսոխ քեզ չխանգարի,
Նենգ թուրքի ձեռքը քեզ չի՛ հասնելու,
Հայ քաջորդիք են քեզ պաշտպանելու:
Իմ քա՛ջ հայ զինվոր, դու հպա՛րտ քայլիր
Ու սուրդ երբեք չդնես պատյան,
Քանի չես հասել քո նպատակին
Եվ գերի է դեռ հող մեր հայկյան:
Ծնունդդ բարի՛, բանա՛կ հայկական,
Բանակ ներաստեղծ, բայց և հաղթական,
Բազում կռիվներ դեռ պիտի մղես,
Ու Մասիս սարի լանջին պար բռնես...
Հ. Խաչատրյան
... Աստված օրհնի քո ճամփան, Հա՛յ զինվոր, քեզ բարի վերադարձ...
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ