ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Միշտ երազել է զինվոր դառնալ

Փետրվարի 14, 2017
Դպրոցական անցուդարձ

Հայրենասիրությունն սկսում է ընտանիքից, զարգանում ու թևավորվում դպրոցում, ծավալվում՝ հայրենի հողում ու դառնում սրբազան մասունք ազգային արյան մեջ: Ու այսպես սերնդեսերունդ՝ սկսած Հայկ Նահապետից մինչև Անդրանիկ ու Մոնթե, մինչև արցախյան հերոսամարտ, մինչև արցախամարտ հերոսներ, մինչև այսօր և … վաղը, հավիտյան:

Հայրենասիրության ոգով է ապրել Օհանյանների ընտանիքը, որի մի մասնիկը՝ Մինաս Օհանյանը, սովորել է Հրազդանի Վ. Սարոյանի անվան № 11 հիմնական դպրոցում հինգ տարի (Մինասի քեռին և պապիկը ազատամարտիկներ են, ովքեր արտագաղթել են հայակեր Սումգայիթ քաղաքից): Ծնվել է Ռուսաստանում, բայց խնդրել է ծնողներին իրեն տեղափոխել Հայաստան, քանի որ ուզում է դառնալ սպա և ծառայել իր հայրենիքին:

Ծնողները կատարել են իրենց որդու խնդրանքը:

            2016 -17 ուսումնական տարվա սեպտեմբերից Մինասը տեղափոխվել է Նուբարաշենի «Փոքր Մհեր» կրթահամալիր:

            Սիրով ու մեծ ակնածանքով է խոսում կրթահամալիրի մասին, այնտեղի կրթական կյանքի մասին:

            Երազում է ավարտել կրթահամալիրը, ստանալ ռազմական բարձրագույն կրթություն և ծառայել իր հայրենիքին անմնացորդ:

            Սա  նոր սերունդն է, նոր ոգի առած սերունդը, հայրենասիրությամբ իր պապերին չզիջող սերունդը:

            Քանի հայի արգանդը այդպիսի սերունդ է ծնում, հայը հավերժ է, հայի հայրենիքը և ինքը՝ հայը, պաշտպանված է:

            Հաջողություններ քեզ քո կյանքավառ երազանքներո՛ւմ, իմ փոքրիկ, սիրելի՛ զինվոր Մինաս:

 

Մ. Զաքարյան

Ազգային վարկանշավորման համակարգ