ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

«Կոնրադ Ադենաուեր» հիմնադրամը կաջակցի քաղաքացիական կրթությանը

Մարտի 10, 2017
Պաշտոնական լրատու

ՀՀ կրթության և գիտության նախարարության և «Կոնրադ Ադենաուեր» հիմնադրամի հայաստանյան մասնաճյուղի միջև այսօր ստորագրվել է կրթության ոլորտում համագործակցության մասին հուշագիր: Հուշագիրը ստորագրել են ԿԳ նախարարի տեղակալ Դավիթ Սահակյանը և  «Կոնրադ Ադենաուեր» հիմնադրամի հայաստանյան մասնաճյուղի տնօրեն Թոմաս Շրապելին:  Շնորհավորելով հուշագրի ստորագրման առթիվ` նախարարի տեղակալ Դավիթ Սահակյանը նշել է. «Հուշագրի ստորագրմամբ շարունակում ենք մի գործընթաց, որն ուղղված է «Հասարակագիտություն» առարկայի զարգացմանը, մասնավորապես քաղաքացիական կրթության հետ կապված: «Կոնրադ Ադենաուեր» հիմնադրամը մեծ պատմություն ունի. ընդհանրապես Գերմանիան քաղաքացիական դաստիարկության շատ մեծ  դպրոց ունի, և այդ առումով փորձի փոխանակումը և պատրաստակամությունը` աջակցել այս գործընթացին, մեզ համար ոգևորիչ է: Այս հուշագրով մենք նախատեսում ենք աշխատել առարկայական ծրագրի զարգացման, ինչպես նաև դասագրքերի և կրթական ռեսուրսների մշակման և զարգացման ուղղությամբ: Նպատակ կա, որ «Հասարակագիտություն» առարկայի և, մասնավորապես, քաղաքացիական կրթության բաղադրիչի զարգացման միջոցով կարողանանք մեր երկրում մեկ քայլով առավել մոտենալ դեպի ժողովրդավար և ակտիվ քաղաքացու ձևավորմանը»,-նշել է նախարարի տեղակալը:

«Կոնրադ Ադենաուեր» հիմնադրամի հայաստանյան մասնաճյուղի տնօրեն Թոմաս Շրապելին իր հերթին նշել է, որ հուշագրի ստորագրումը էական նշանակություն ունեցող իրադարձություն է: «Մենք կարևորում ենք քաղաքացիական կրթությունը, և այդ առումով Հայաստանը միակ երկիրն է տարածաշրջանում, որի կառավարության հետ, ի դեմս` ՀՀ կրթության և գիտության նախարարության, կնքվել է նման հուշագիր, որի շրջանակում կիրականացնենք շատ կարևոր գործընթաց: Ծրագրի շրջանակում գործընկեր կազմակերպություն է հանդիսանում նաև Երևանի պետական համալսարանի Եվրոպական ուսումնասիրությունների կենտրոնը, որը ծրագրի բովանդակային մասով պատասխանատու է լինելու ԿԳՆ-ի հետ միասին»,-ընդգծել է նա:

Նշենք, որ համաձայն հուշագրի` «Կոնրադ Ադենաուեր» հիմնադրամը կտրամադրի ֆինանսական աջակցություն: Բացի այդ, ԿԳ նախարարությունը և հիմնադրամը կդիմեն Երևանի պետական համալսարանի Եվրոպական ուսումնասիրությունների կենտրոնին՝ ապահովելու համապատասխան որակավորում ունեցող մասնագետների ներգրավվածություն, դասավանդման գործընթացի կազմակերպում, դասախոսությունների և հրատարակվող նյութերի մասնագիտական որակ, իրականացնելու ԿԳ նախարարության կողմից ընտրված երեք ավագ դպրոցներում դասավանդվող «Հասարակագիտություն» առարկայի կատարելագործման գործընթացը, նպաստելու  սովորողների  ժողովրդավարության և քաղաքացիական հասարակության մասին տեղեկատվության մակարդակի բարձրացմանը, աջակցելու ԿԳ նախարարության կողմից ընտրված երեք ավագ դպրոցում «Հասարակագիտություն» առարկան դասավանդող ուսուցիչների վերապատրաստմանը և այլն: ԿԳ նախարարությունը նախատեսված աջակցության իրականացման համար «Կոնրադ Ադենաուեր» հիմնադրամին և Երևանի պետական համալսարանի Եվրոպական ուսումնասիրությունների կենտրոնին կտրամադրի անհրաժեշտ տեղեկատվություն, կապահովի համագործակցությունը ընտրված երեք ավագ դպրոցների հետ:  

Նյութի աղբյուրը. ՀՀ կրթության և գիտության նախարարություն

  • Պատմական թելադրությունները որպես դասի արդյունավետության բարձրացման միջոց

    Թեմայի հեղինակ՝ Marine6

    Պատմական թելադրությունները որպես դասի արդյունավետության բարձրացման միջոց Հարգելի գործընկերներ երկար տարիներ է արդեն, որ ես դասապրոցեսում օգտագործում եմ պատմական թելադրություններ: Դրանք սիրով են ընդունվում աշակերտների կողմից, միաժամանակ հնարավորություն են տալիս…

  • ԵՐԵԽԱՆ ԵՎ ՀԱՄԱԿԱՐԳԻՉԸ...

    Թեմայի հեղինակ՝ AsyaY

    Հարգելի գործընկերներ քաջ գիտակցում եմ համակարգչի կարևորությունը այսօր մեր կյանքում:Բայց իրականությունից փախչելն անհնար է:Շարունակ մեծանում է երեխաների կախվածությունը հանակարգչի նկատմամբ:Երեխաները ժամերով նստում են համակարգչի առջև խաղեր խաղում՝,բայց այդ ամենը վատ…

  • Տեքստային խնդիրներ- շարժում-թեմատիկ միավոր

    Թեմայի հեղինակ՝ Բելլա Թամրազովա

    Քանի որ այս թեմայի խնդիրներն ընդգրկված են կրկնության բաժիններում, նպատակահարմար եմ գտել լրացուցիչ դասաժամերին կազմակերպել այսպիսի ուսուցում՝ թեմայի յուրացման մակարդակն ապահովելու նպատակով: Առաջնային առարկայախումբ ՝ • Հանրահաշիվ • Ֆիզիկա Երկրորդային…

  • Բաց դաս

    Թեմայի հեղինակ՝ Flora Hovhannisyan

    Հարգելի գործընկերներ, առաջարկում եմ խոսել բաց դասերի մասին. որոնք են դրանց կազմակերպման նպատակները, ինչպես պետք է կազմակերպել դրանք, ովքեր կարող են կազմակերպել այդպիսի դասեր, ովքեր կարող են ներկա լինել այս…

  • Մատչելի դասի պլանները որպես դասի արդյունավետության կարևոր պայման

    Թեմայի հեղինակ՝ Larisa0504

    Հարգելի գործընկերներ հրավիրում եմ ձեզ նոր քննարկման: Իմաստունի խոսք է. Խելացին նա է, ով բարդ բաները ներկայացնում է պարզ ու մատչելի: Կարծում եմ, որ դասի արդյունավետության համար կարևոր են պարզ…

  • ԹԵՄԱՏԻԿ ԱՇԽԱՏԱՆՔ ՄԱԹԵՄԱՏԻԿԱՅԻՑ/2/

    Թեմայի հեղինակ՝ AsyaY

    2016-2017 ուսումնական տարի II կիսամյակ Թեմատիկ աշխատանք N 2 Առարկա - Մաթեմատիկա Թեմա –Բազմապատկում բաժանում Դասարան - ΙΙ Ամիս, ամսաթիվ __________________ Ազգանուն, անուն_________________________ I տարբերակ 1. Տրված թվերից ընդգծի՛ր միայն…

  • «Գնդի ծավալը» թեմայի ուսուցման իմ փորձից

    Թեմայի հեղինակ՝ Բելլա Թամրազովա

    Այս թեման ընդգրկված է 12-րդ դասարանի խորացված ուսուցմամբ երկրաչափության դասընթացում: Որպես դասի նպատակներ սահմանել եմ հետևյալները. • սովորեն գնդի ծավալի հաշվման բանաձևը, • հանրահաշվի և մաթ.անալիզի գիտելիքներն օգտագործելու միջոցով ստանան…

  • Հարցադրման մեթոդ

    Թեմայի հեղինակ՝ Flora Hovhannisyan

    Եկենք խոսենք հարցադրման մեթոդի մասին. ինչ գիտենք դրա մասին, ինչպես ենք կիրառում, որն է դրա նպատակը, մեթոդի կիրառումը ինչին է նպաստում:

  • Միջառարկայական կապը ֆիզիկայի դասին

    Թեմայի հեղինակ՝ Hasmik.Vardanyan

    Բնագիտական հոսքում թեման կարելի է անցկացնել համագործակցային,հետազոտական մեթոդներով՝օգտագործելով միջառարկայական կապեր/կենսաբանություն-ֆիզիկա-առողջ ապրելակերպ/: Դասի կահավորումը՝անհրաժեշտ սարքեր, զննական նյութեր, տեսասահիկներ, գծապատկերներ: Խմբերին նախօրոք տրվել էին հետևյալ ենթաթեմաները. առաջին խումբ՝ • Աչքը որպես օպտիկական…

  • Էկոլոգիական կրթությունը և բնապահպանությունը տարրական դասարաններում

    Թեմայի հեղինակ՝ Լիլ

    Ժամանակակից աշխարհում, երբ օրեցօր մեծանում է հասարակության ներգործությունը շրջակա միջավայրի վրա, այժմ առավել քան արդիական է դառնում հասարակության էկոլոգիական կրթության անհրաժեշտությունը: Քեոփսի բուրգի մակագրությունը զգուշացնում է. :

Ազգային վարկանշավորման համակարգ