ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Փ. Թերլեմեզյանի անվան գեղարվեստի պետական քոլեջը տոնում է իր 95-ամյակը

Մարտի 13, 2017
Մշակութային լուրեր

Երևանի Փ. Թերլեմեզյանի անվան գեղարվեստի պետական քոլեջի 95-ամյակի առիթով կրթօջախում բացվել է հայ նշանավոր գեղանկարիչ և հասարակական գործիչ Փանոս Թերլեմեզյանի կիսանդրին: ՀՀ առաջին տիկին Ռիտա Սարգսյանի հովանավորությամբ իր դռներն է բացել նաև վերանորոգված «Թերլեմեզյան» ցուցասրահը: Հանրության դատին է հանձնվել «Սերունդներ» խորագրով ցուցահանդեսը, որտեղ ներկայացված էր քոլեջի դասախոսների և շրջանավարտների շուրջ 70 ստեղծագործություն: Կրթօջախի 95-ամյա հոբելյանի առթիվ ԿԳՆ նախնական և միջին մասնագիտական կրթության վարչության պետ Արտակ Աղբալյանը ներկաներին է փոխանցել ՀՀ կրթության և գիտության նախարարի ուղերձը, որում, մասնավորապես, ասված էր. «Երևանի Փ. Թերլեմեզյանի անվան գեղարվեստի պետական քոլեջի գոյության երկար ու բեղմնավոր  ուղին  նշանավորվել է բազմաթիվ ձեռքբերումներով: Քոլեջի  ուսումնառությունն անցած շատ ու շատ գեղանկարիչներ լայն ճանաչում են գտել ոչ միայն Հայաստանում, այլև նրա սահմաններից դուրս: Կրթօջախն ավարտած հայտնի նկարիչների` Հայաստանի ազգային պատկերասրահը զարդարող շատ գործեր իրենց  ինքնատիպ լուծումներով հիացմունք են պատճառում Հայաստան այցելող բազմաթիվ հյուրերի ու զբոսաշրջիկների: Մեծ է քոլեջի  ակտիվ ստեղծագործական կյանքով ապրող մանկավարժական կոլեկտիվի դերը երիտասարդ սերնդի կրթության, դաստիարակության և բարձրորակ մասնագետ-կադրերի պատրաստման գործում և հոբելյանի կապակցությամբ առանձնակի շնորհավորում եմ մանկավարժներին, որոնցից շատերն ունեն երկարամյա աշխատանքի փորձ և մեծ սիրով ու նվիրումով իրենց գիտելիքներն ու հմտությունները փոխանցում են երիտասարդ սերնդին: Սիրելի՛ ուսանողներ, հավատարիմ մնալով հայկական արվեստի լավագույն ավանդույթներին, դուք այսօր էլ ձեր աշխատանքներում արտահայտում եք մեր ժողովրդի աշխարհընկալումը, հաստատում մշակույթի հանդեպ սերը, լավատեսությունն ու ապրելու և արարելու իրավունքը: Համոզված եմ, որ ձեր օգնությամբ Երևանի Փ.Թերլեմեզյանի անվան գեղարվեստի պետական քոլեջը, ապագայում ևս հավատարիմ մնալով իր ավանդույթներին, իրականացնելու է գնահատանքի արժանի աշխատանք՝ հարստացնելով հայ արվեստը նոր ստեղծագործություններով և անուններով: Մեկ անգամ ևս շնորհավորելով Գեղարվեստի պետական քոլեջի բոլոր շրջանավարտներին և աշխատակիցներին հոբելյանական տարեդարձի առթիվ` մաղթում եմ անսպառ եռանդ, հաստատուն կամք և բազում տարիների ստեղծագործական  աշխատանք»:

Երևանի Փ. Թերլեմեզյանի անվան գեղարվեստի պետական քոլեջի 95-ամյակի առթիվ կրթօջախն արժանացել է ՀՀ ԿԳՆ բարձրագույն պարգևի` «Ոսկե հուշամեդալի»: Քոլեջի մի շարք դասախոսներ պարգևատրվել են ԿԳ նախարարության պատվոգրերով և շնորհակալագրերով:

Նյութի աղբյուրը. ՀՀ կրթության և գիտության նախարարություն

  • Տեսադաս

    Թեմայի հեղինակ՝ Նարինե Ադամյան

    Դպրոցում անցկացվող համակարգչային բոլոր դասերը շատ կարևոր են և նպաստում են մատաղ սերնդի, մեր վաղվա քաղաքացու դաստիրակությանն ու գիտելիքների ձեռք բերմանը: Բայց տեսադասերը, իմ կարծիքով, ավելի արժեքավոր են և նպաստում…

  • Բերման բանաձևեր

    Թեմայի հեղինակ՝ Արփինե Մ

    Յուրաքանչյուր աշակերտ ունի տարբեր ընդունակություններ և սովորելու անհատական ոճ: Բերման բանաձևերը շատ են և հաճախ դրանցից օգտվելը հարմար չէ: Դրանք հիշելը դժվար է: Սակայն ամբողջ աղյուսակն անգիր անել պարտադիր չէ՝…

  • Աշակերտին գրողի և նրա ստեղծած աշխարհը տանելու ուղիները

    Թեմայի հեղինակ՝ Արսենյան

    Գրականությունը խոսքի արվեստ է, գրողի և իրականության հանդիպումի գեղարվեստական արտացոլքւ, մի ուրույն աշխարհ, որտեղ հյուսված են սեր ու ցավ, լույս ու ստվեր, անձնականն ու հասարակականը, ազգայինն ու համամարդկայինը: Գրողը կա…

  • Օրվա դասի պլան 6-րդ դասարանի «Հայոց պատմություն» առարկայից

    Թեմայի հեղինակ՝ Սիրանուշ Մուրադյան

    Հարգելի՛ կոլեգաներ,Ձեր ուշադրությանն եմ ներկայացնում օրվա դասի պլանի նմուշ առարկայից: Առարկա ՝Հայոց պատմություն Դասարան՝VI Թեմա՝ Հայաստանը պարթևա-հռոմեկան հակամարտության ոլորտում: Դաս՝ Հայաստանի պայքարն ընդդեմ Հռոմի ծավալապաշտական քաղաքականության:Արտավազդ Բ Դասի նպատակները ա/ակադեմիական…

  • Շնորհակալություն

    Թեմայի հեղինակ՝ manush

    «Հայկական կրթական միջավայրի» հետադարձ կապով և էլ. փոստի հասցեներով ստանում ենք նամակներ, որոնց հեղինակները խնդրում են հրապարակել իրենց շնորհակալությունն ու երախտագիտությունը:

  • 5-րդ դասարանում «Բաժանում» թեմայի ամրապնդում՝ խմբային աշխատանքով

    Թեմայի հեղինակ՝ Հասմիկ Հակոբյան

    2-րդ խումբ. [ATTACH]3542[/ATTACH]

  • 5-րդ դասարանում «Բաժանում» թեմայի ամրապնդում՝ խմբային աշխատանքով

    Թեմայի հեղինակ՝ Հասմիկ Հակոբյան

    1-ին խումբ՝ [ATTACH]3541[/ATTACH] 2-րդ խումբ՝ [ATTACH]3544[/ATTACH]

  • Հետազոտական աշխատանքները կրտսեր դպրոցում

    Թեմայի հեղինակ՝ Օշական

    Այսօր դպրոցի խնդիրը ոչ միայն կրթության բարձր մակարդակի ապահովումն է,այլև աշակերտների մտածողության բազմակողմանի զարգացումը՝նրանց գիտելիքներն ինքնուրույն լրացնելու ,ժամանակակից ՏՀՏ-ից օգտվելու,կյանքում դրանք տեղին ու ճիշտ օգտագործելու կարողությունների և հմտությունների ձևավորումը:Իմ կարծիքով…

  • Բաց դասեր, հետազոտական աշխատանքներ քիմիայից

    Թեմայի հեղինակ՝ Balasan

    Հարգելի գործընկերներ, ելնելով քիմիայի դասերին հետազոտական և նախագծային աշխատանքների կազմակերպման, բաց դասերի անցկացման կարևորությունից և անհրաժեշտությունից, առաջարկում եմ թեմայում տեղադրել հետազոտական աշխատանքներ, բաց դասեր, ինչպես նաև նրանց ներկայացվող պահանջները, մեթոդական…

  • ՏՀՏ-ի կիրառումը քիմիայի դասընթացում

    Թեմայի հեղինակ՝ Naira1990

    ՏՀՏ-ի օգտագործումը քիմիայի դասերին զգալիորեն բարձրացնում է ուսուցման արդյունավետությունը, օգնում է դասի ժամանակ ստեղծել համագործակցման մթնոլորտ: Հետաքրքիր կլինի յուրաքանչյուրիդ կողմից տեղադրվող նյութերի ուսումնասիրումն ու օգտագործումը դասապրոցեսում:

Ազգային վարկանշավորման համակարգ