Միջոցառում Իջևանի թիվ 5 հիմնական դպրոցում

Մարտի 16, 2017

Դպրոցական անցուդարձ

2017թ. մարտի 14-ին Իջևանի Մ.Մարտիրոսյանի անվան հ.5 հիմնական դպրոցի հանդիսությունների դահլիճում մաթեմատիկայի ամսվա շրջանակներում կազմակերպվել էր

«Զրոյի դատը» միջոցառումը: 

Տպավորիչ, գեղեցիկ ու ինքնատիպ ելույթով հանդես եկան 8-րդ գ դասարանի աշակերտները՝ ներկայացնելով «Զրոյի դատը» ուշագրավ միջոցառումը, որը կազմակերպել էր 8գ դասարանի դասղեկ և մաթեմատիկայի ուսուցչուհի Հայկանուշ Ղազարյանը:

Ընթացիք դատավարությանը մասնակցում էին բոլոր մաթեմատիկական գործողությունները՝ բաժանման, գումարման, հանման և բազմապատկման…

Դատավարությունը սկսվեց զրո թվանշանի հարցաքննությամբ, իրենց ելույթով հանդես եկան վկաներ՝ գումարման, հավասարման, բազմապատկման, բաժանման նշանները: Նրանք զրոյին մեղադրեցին ու գովեցին, արդարացրին և ի վերջո համաձայնության գալով,  բարությամբ ու սիրով համակցված՝ տրամաբանական ավարտին հասցրին իրենց հիանալի ելույթը:

Դատավարությանը ներկա էին ինչպես ուսուցիչները, այնպես էլ աշակերտների ծնողները, հրավիրվածները: Նման միջոցառումները լավ են անդրադառնում երեխաների մաթեմատիկական զարգացման վրա, նրանք կարողանում են փոխանակել իրենց գիտելիքները զուգահեռ դասարանցիների կամ ուսուցիչների հետ…. Միջոցառման նպատակն էր ցուցադրել մաթեմատիկայի անսահման հնարավորությունները, ապահովել բոլոր աշակերտների ակտիվ մասնակցությունը և, ամենակարևորը, խթանել նրանց տրամաբանական ու հետազոտական մտածողության զարգացումը:

Միջոցառումը եզրափակվեց մաթեմատիկայի մասին իմաստախոսություններով` հաճելի պահեր պարգևելով իրենց իսկ ելույթից հուզված ու ոգևորված մասնակիցներին: 

Կա մի գիտություն, առանց  որի անհնար է մնացածների համար: Դամ աթեմատիկան է, որի գաղափարները, դատողությունները և խորհրդանիշերը ծառայում են

որպես լեզու, նրանով գրում, խոսում և մտածում են մյուս գիտությունները: Այն բացատրում է դժվարին երևույթների  օրինաչափությունները կանխագուշակում  և  մեծ ճշգրտությամբ  նախօրոք  նկարագրում է երևույթների ընթացքը:

 Ս. Սոբոլև