ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Բերդի ԻՄՓԱՔԹ ակումբի նվերը համայնքի փոքրիկներին

Մարտի 20, 2017
Լուրեր կազմակերպություններից

Տավուշի մարզի Բերդ համայնքի  ԻՄՓԱՔԹ-1 երիտասարդական ակումբն գործում է արդեն մեկ տարի, որի գործունեությունն ուղղված երեխաների քաղաքացիական ու հասարակական ակտիվության բարձրացմանը՝ առաջնորդման, քաղաքացիական, սոցիալական  ձեռներեցության ոլորտների կարողությունների ու գիտելիքների, ինչպես նաև քաղաքացուն բնորոշ արժեքների սերմանումը: Հմտությունների ձևավորումը  ու գիտելիքների  հաղորդումն  իրականացվում է ոչ ֆորմալ կրթական մեթոդների օգնությամբ և  հատուկ մշակված ուսումնական մոդուլների կիրառմամբ: Ակումբը գործում  թիվ 3  դպրոցում և միավորում է նաև այլ դպրոցների երեխաներին: Յուրաքանչյուր մոդուլի ավարտից  հետո  ակումբականները իրենց հմտությունները և տեսական գիտելիքները գործնականում կիրառում  են՝ մշակելով և իրականացնելով համայնքային ծրագրեր:  <<Աշխատունակություն>> մոդուլը ավարտելուց հետո ակումբը ձեռնամուխ եղավ երկրորդ՝ <<Լայք պուրակ>> անվամբ  համայնքային ծրագրի իրագործմանը, որի նպատակն էր է քաղաքի մի փոքր անկյունում ստեղծել երեխաների ու մեծահասակների հանգստի  վայր: Մինչ ծրագրի իրագործումը երեխաները և ակումբի առաջնորդ Լիանա Քոսակյանը հանդիպել են Բերդ համայնքի ղեկավար Հարություն Մանուչարյանի և թիվ 3 հիմնական դպրոցի տնօրեն Ռուզան Թումանյանի հետ ու ներկայացրել նախագիծը: Համայնքի ղեկավարը  և դպրոցի տնօրենը  ողջունել են երեխաների առաջարկությունը  և   քննարկել համագործակցության հետ կապված հարցեր: Համայնքապետարանը աջակցություն է ցուցաբերել տեղի ընտրման ու որոշ նյութական միջոցների ձեռքբերման հարցում: Եվ ահա, ակումբը կյանքի կոչեց  նախագիծը, որի շրջանակում նրանք հավաքեցին անպետք անվադողեր ու սեփական հնարամտությամբ և ձեռքի աշխատանքով պատրաստեցին ու տեղադրեցին ու պատկերազարդեցին  մուլտֆիլների  հերոսների և  կենդանիների դեկորացիաներ, ծաղկամաններ, ճոճանակներ,տեղադրեցին նաև  նստարաններ և տարբեր մասնաբաժիններով պահարան: Պահարանում հավաքվող գրենական իրերը, գրքերը  կբաշխվեն համայնքի այն երեխաներին, ովքեր ունեն դրա կարիքը: Ծրագրի իրականացման ընթացքում բնակիչները նաև մոտենում էին երեխաներին ու օգնում աշխատանքներին:  Սա մի յուօրինակ նվեր էր քաղաքին և նաև վկայեց այն, որ երեխաները գիտակցում են սեփական համայնքում փոփոխություն բերելու և տարբեր կառույցների հետ համագործակցության հասնելու կարևորությունը:  Ծրագրի նպատակներից էր բնակիչներին հասցնել այն ուղերձը, որ   թափոնների երկրորդային կիրառումը կարող է գեղեցիկ միջավայր ստեղծելու համար օգտակար լինել: Ակումբի անդամ , 14  ամյա Գոռը  նշում  է.«Լայք պուրակ» համայնքային ուսումնական ծրագիրը մի լուսավոր կետ ավելացրեց մեր քաղաքում, լուսավոր ու աշխատանքային օր նվիրեց մեզ բոլորիս: Անչափ սիրում եմ, երբ բոլորս հավաքվում ենք նույն գաղափարի, նույն գործի շուրջ և որևէ դրական փոփոխություն բերում   համայնքում: Իհարկե, շատ էին դժվարությունները կապված այգու բաղադրիչ մասերի պատրաստման հետ, սակայն մեր միասնականությունը ակումբի  առաջնորդի շուրջ, ավարտին հասցրեց  մեր գաղափարը>>:

ԻՄՓԱՔԹ  ծրագիրը մշակվել է Ռումինիայում «Նոր Հորիզոններ» հիմնադրամի կողմից և Հայաստանում իրականացվում է Վորլդ Վիժն Հայաստանի կողմից: 2017թ. դրությամբ  ավելի քան 35  ԻՄՓԱՔԹ ակումբներ են գործում  Հայաստանի 6 մարզերում, որոնք ունեն  550-ից ավելի անդամ: Նպատակն է համախմբել երիտասարդությանը  ԻՄՓԱՔԹ  խմբերում, աջակցել նրանց ձեռք բերել քաղաքացիական հասարակության և աշխատանքային շուկայում մրցունակ լինելու համար անհրաժեշտ կարողություններ: Այն ստեղծագործաբար միավորում է զվարճանքը, ուսուցումը և համայնքային ծառայությունը, նաև խրախուսում է երիտասարդներին` նրանց տրամադրելով սոցիալական, քաղաքական և տնտեսական կյանքում մասնակցելու անհրաժեշտ ունակություններ և կարողություններ:

ՎՎՀ Իջևանի Տարածքային ծրագրի գրասենյակ

Ազգային վարկանշավորման համակարգ