ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Դաս-միջոցառում Վանաձորի Գրիբոյեդովի անվան h 11ավագ դպրոցում

Ապրիլի 19, 2017
Դպրոցական անցուդարձ

Վերջին շրջանում շատերս համոզվել ենք, որ դասապրոցեսի արդյունավետության և աշակերտների մոտ հետաքրքրության խթանման գործում մեծ դեր և նշանակություն ունի ինտեգրված դասը, որի հիմնական նպատակներից մեկն այն է, որ խթանվի աշակերտների ակտիվ մտածողությունը, ուսուցումը դառնա ոչ թե վերարտադրողական,այլ նաև ստեղծագործական գործընթաց: Նմանատիպ դասերը կարևոր են այնքանով, որ դրանք աշակերտների մտահորիզոնը ընդլայնելու, երևույթներն ընկալելու, գնահատելու և կողմնորոշվելու, ստեղծագործական կարողություններ զարգացնելու հրաշալի միջոցներ են: Եկեք չմոռանանք, որ ճշմարտության բացահայտման հարցում բացառիկ դեր ունի մաթեմատիկական մտածողությունը: Մաթեմատիկական մտածողությամբ մարդն առանձնանում է անսպառ երևակայությամբ ևվերլուծական մտածողությամբ, մաթեմատիկան է, որ բացում է բազում գաղտնիքներ՝ ունենալով առեղծվածներ: Առարկայական միամսյակի շրջանակներում հետաքրքիր, բազմաբովանդակ, ճանաչողական նմանօրինակ դաս-միջոցառում էր կազմակերպել մաթեմատիկայի ուսուցչուհի Մ.Սարդարյանը 8ա դասարանում, որն անմիջականորեն վերաբերում էր գիտությունների փոխադարձ կապին, հատկապես մաթեմատիկայի և մյուս գիտությունների առնչություններին: Աշակերտները սահուն և տրամաբանորեն հիմնավորված ներկայացրեցին բոլոր գիտությունների ուղղակի և անուղղակի կապը մաթեմատիկայի հետ: Ուշադրություն դարձվեց նաև Աստվածաշնչյան իմաստությունների մաթեմատիկայի տեսանկյունի մեկնաբանություններին: Հանգամանորեն ներկայացվեց տեղեկատվություն հայոց լեզվի տիեզերագիր լինելուն, որում առկա է ծածկագրված գերգիտությունների համակարգ: Աշակերտները դասն ամփոփեցին Գալիլեո Գալիլեյի հայտնի պնդումով, ըստ որի` «Բնությունը գիրք է՝ գրված մաթեմատիկայի լեզվով»:

Ազգային վարկանշավորման համակարգ