ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Հուշարձանների պահպանության օրը Ստեփանավանի հ.1 դպրոցում

Ապրիլի 20, 2017
Դպրոցական անցուդարձ

Հուշարձանների պահպանության օրը հետաքրքիր ձևով անցավ Ստեփանավանի հ.1 դպրոցի 8-րդ և 9-րդ դասարանների աշակերտների համար:

«Լոռի Բերդ» քաղաքատեղի պատմամշակութային արգելոցի աշխատակիցների և դպրոցի համատեղ պայմանավորվածությամբ երեխաները այցելեցին բերդաքաղաք: Բերդաքաղաքի պատմության վերաբերյալ նախօրոք տրված հարցաշարերով երեխաները պատրաստվել էին մրցույթի, որն անցավ հենց ամրոցի տարածքում: Մինչ մրցույթը երեխաները շրջեցին բերդաքաղաքի տարածքում, լսեցին մանրամասներ ամրոցի կառուցման վերաբերյալ: Երեխաները հրաշալի տպավորություններ ստացան ոչ միայն ամրոցի վեհաշուք պարիսպների փլատակներից, այլև Ձորագետի կիրճի հրաշագեղ տեսարանից և անկրկնելի բնությունից:

Հիշարժան այդ օրը երկար կմնա երեխաների հիշողության մեջ, որովհետև քաղաքատեղիի վերաբերյալ հետաքրքիր տեղեկատվությունից զատ, նրանք գեղագիտական հաճույք ստացան բնության հետ առնչվելուց, ինչպես նաև հայրենասիրության, հայրենաճանաչության լավագույն դաս ստացան: Ուրախ երգերը, խաղերը էլ ավելի ամբողջացրին միջոցառումը:

Հավելենք նաև, որ քայլարշավը, որը որը ձգվեց դպրոցից մինչև բերդաքաղաք՝ յուրօրինակ ուխտագնացություն էր՝ նվիրված Ապրիլյան քառօրյայի հերոսներին: Այդ գաղափարի հաստատումն էր ողջ ճանապարհին հնչող հայրենասիրական, պատերազմական երգերի կատարումները:

Միջոցառումը համատեղ աշխատանք էր համագործակցության լավ օրինակ:

Ազգային վարկանշավորման համակարգ