ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԱՎԱՐՏԱԿԱՆ
ՓԱՍՏԱԹՂԹԵՐ
ՎԻՃԱԿԱԳՐԱԿԱՆ
ՏԵՂԵԿԱՏՈՒ

Հուշ-երեկո Տյումենի հայկական մշակույթի կենտրոնում

Ապրիլի 25, 2017
Սփյուռքի լրատու

Ապրիլի 24-ին   Տյումենի  Մ. Մաշտոցի անվան    հայկական մշակույթի  կենտրոնի դահլիճը մարդաշատ էր: Տյումենաբնակ հայությունը հավաքվել էր հարգանքի տուրք մատուցելու եղեռնի անմեղ   նահատակներին: Դահլիճում  լռություն էր տիրում, էկրանին  սարսափելի տեսարաններ...  Լռության րոպե... Այդ օրը լռության օր է ողջ հայության համար...

Երեկոյին ներկա էր  «Հայկական մշակույթի  կենտրոն» նախագծի հեղինակ  Սերգո Ստեփանյանը: Նա  շնորհակալություն հայտնեց ներկաներին և նշեց, որ յուրաքանչյուր հայի պարտքն է հիշել այս օրը  և սպասել ու հավատալ, որ մի օր անպայման կհաղթի արդարությունը:  Շատ  հուզիչ էր  կենտրոնի սաների  ներկայացրաց գրական – երաժշտական  կոմպոզիցիան: Երեկոյի հյուրերի թվում էր նաև մեր հայրենակից, տյումենահայ բանաստեղծ Էդուարդ Մխիթարյանը, որն  իր հուզումնալից ելույթից հետո հասարակության ուշադրությանը ներկայացրեց  իր ստեղծագործություններից՝ նվիրված հայոց ցեղասպանությանը: Դուդուկի սրտաճմլիկ  հնչյունները, Գևորգ Էմինի,Պարույր Սևակի  բանաստեղծությունների  տողերը, «Հայաստան» երգչախմբի և հայկական ժողովրդական պարերի համույթի ելույթները հուզեցին ներկաների սրտերը:  

Այս հուշ- երեկոն երկար կմնա  հյուրերի, մշակույթի կենտրոնի սաների հիշողության մեջ, քանզի  այն սփյուռքում, հայրենիքից հեռու հայ ոգին ու հայ ինքնությունը  պահպանելու լավագույն օրինակներից է: 

Ռուզաննա Դանիելյան

Ազգային վարկանշավորման համակարգ