«Իմ մասին» ստեղծագործությունների մրցույթ

Մայիսի 19, 2017

Երեխաների միջազգային օրվան ընդառաջ «Արևածաղիկ» ամսաթերթը հայտարարում է արձակ ստեղծագործական աշխատանքների մրցույթ` «Իմ մասին» խորագրով, 12-18 տարեկան դպրոցականների համար։

Աշխատանքները (էսսե, շարադրություն, պատմվածք, հեքիաթ) պետք է գրված լինեն հետևյալ թեմաներով՝

«Իմ երազանքների քաղաքը»/«Իմ երազանքների գյուղը»,
«Երբ մարդիկ հավասար են»,
«Եթե հրաշք լիներ»,
«Աշխարհի գույները»։

«Արևածաղիկ»-ի խմբագրկազմը կընտրի լավագույն պատմությունները, որոնք կհրապարակվեն ամսաթերթում և sunflower.am կայքում։ Հաղթողը կստանա մրցանակ «Հույսի կամուրջ» հասարակական կազմակերպության կողմից։

Մասնակցելու համար ուղարկեք Ձեր ստեղծագործությունը myarevatsaghik@gmail.com հասցեին` նամակի թեմայում նշելով «Մրցույթ»: Նամակում խնդրում ենք նշել ձեր անուն-ազգանունը, հասցեն, դպրոցը, տարիքը: Հարցերի դեպքում զանգահարեք (010) 560143 կամ (055) 71 32 84 հեռախոսահամարով:

Հայտերն ընդունվում են մինչև մայիսի 25-ը:

Յուրաքանչյուր մասնակից կարող է ուղարկել առավելագույնը երկու աշխատանք:

Մրցույթն անցկացվում է «Իմ մասին. հնարավորությունների ընձեռում և կապերի հաստատում ավելի լայն ներառման համար» ցանցային ծրագրի շրջանակում, որն իրականացվում է Ավստրիայի միջազգային զարգացման գործակալության և Բաց հասարակության հիմնադրամների կրթության աջակցության ծրագրի (Բուդապեշտ) ֆինանսավորմամբ: Ծրագիրը Ավստրիայում համակարգում է «Միջմշակութային կենտրոն» (Interkulturelles Zentrum) ՀԿ-ն: Հայաստանում ծրագրի համակարգող` «Հույսի կամուրջ» ՀԿ, գործընկեր` «Օրրան» ՀԿ: Վրաստանում ծրագրի գործընկերն են «Յունիոն Բերիլլուս», «Լիբերտա» և «Բիլիկի» ՀԿ-ները: