«ԿՐԹՈՒԹՅՈՒՆ ԵՎ ԿԱՐԻԵՐԱ EXPO 2019» 19-րդ միջազգային մասնագիտացված ցուցահանդեսի հայտարարությունը

Ապրիլի 16, 2019

Հայաստանի արդյունաբերողների և գործարարների միությունը և LOGOS EXPO Center ցուցահանդեսային ընկերությունը,  Կրթության և գիտության նախարարության աջակցությամբ,  հրավիրում են Ձեզ այցելել  «ԿՐԹՈՒԹՅՈՒՆ ԵՎ ԿԱՐԻԵՐԱ EXPO 2019» տարածաշրջանում խոշորագույն 19-րդ միջազգային մասնագիտացված ցուցահանդեսը, որը տեղի կունենա 2019 թվականի ապրիլի 17-ից 19-ը` Yerevan EXPO ցուցահանդեսային համալիրում` Հ.Հակոբյան 3 (Մերգելյան ինստիտուտի տարածք), ք. Երեւան, Հայաստանի Հանրապետություն:

«ԿՐԹՈՒԹՅՈՒՆ ԵՎ ԿԱՐԻԵՐԱ EXPO 2019» ցուցահանդեսը ընդգրկելով կրթության կարևորագույն ոլորտների գործունեութունը, ցուցահանդեսային երեք  օրերի ընթացքում բոլոր  դիմորդներին կտրամադրի անհրաժեշտ տեղեկատվություն և ինֆորմացիա: «ԿՐԹՈՒԹՅՈՒՆ ԵՎ ԿԱՐԻԵՐԱ EXPO 2019»  ցուցահանդեսի ջերմ մթնոլորտում այցելուները կստանան կրթության ոլորտներին վերաբերվող բոլոր հարցերի պատասխանները  և լուսաբանումները:

Հիմնական թեմատիկ բաժիններն են.

• բարձրագույն կրթություն և ակադեմիաներ, համալսարաններ, ինստիտուտներ,
• միջին մասնագիտացված կրթություն և քոլեջներ, ուսումնարաններ, վարժարաններ,
• կադրերի վերապատրաստում, շարունակական կրթություն,
• օտար լեզուներ, ուսուցումը արտասահմանում, փոխանակման ծրագրեր,
• աշխատանքի տեղավորում,
• միջազգային կազմակերպություններ,
• տեղեկատվական տեխնոլոգիաներ` կրթական համակարգում,
• ուսումնական գրականություն, գրենական պիտույքներ,
• գրասենյակային և դպրոցական կահույք:

Միջոցառման հիմնախնդիրները և նպատակը.

• դպրոցականներին և ուսանողներին  տրամադրել  տեղեկություն ժամանակակից կրթության ողջ       սպեկտորի վերաբերյալ,
• նպաստել կրթօջախների և ձեռնարկությունների միջև գործնական հարաբերությունների   կայացմանը,
• տեղեկացնել զբաղվածության շուկայում առավել պահանջարկ ունեցող մասնագիտությունների մասին,
• հանդիպումներ կազմակերպել գործազուրկների և իրական գործատուների միջև,
• ծրագրում ներգրավել պետական, մասնավոր և  հասարակական կազմակերպություններ իրենց  նոր կրթական ծրագրերով,
• կրթական ծրագրերով:       

Լրացուցիչ տեղեկությունների համար կարող եք դիմել՝
Հ Հ, ք. Երևան, Կիևյան16, 7-րդ հարկ
Հեռ.: +374 10 23 5775, 22 9813 
E-mail: info@expo.am
URL:  www.expo.am