«Հարմոնիա» տեղեկատվական տեխնոլոգիաների և կրթության զարգացման հիմնադրամը («Հարմոնիա» հիմնադրամ) հիմնադրվել է 2005թ. հունիսին Հայաստանի Հանրապետությունում տեղեկատվական և հեռահաղորդակցական տեխնոլոգիաների զարգացումը և կիրառումը խթանելու նպատակով։
«Հարմոնիա» հիմնադրամը Հայաստանի ՏՀՏ ոլորտի ծրագրեր իրականացնող առաջատար կազմակերպություններից է։ Հիմնադրամն իրականացրել է մեծ թվով ՏՀՏ ծրագրեր, ներառյալ՝ ՏՏ համակարգերի, տվյալների բազաների կառավարման համակարգերի և դրանց տեխնիկական առաջադրանքների մշակում, համակարգչային ցանցերի նախագծում և կառուցում, ՏՏ խորհրդատվության և սպասարկման ծառայությունների տրամադրում, ՏՏ դասընթացների կազմակերպում և այլն։

«Այբ» դպրոցը բյուրեղացումն է հայ դպրության լավագույն ավանդույթների և համաշխարհային կրթության բարձրագույն նվաճումների: Այն սովորելու մի նոր միջավայր է, ուր ազգային հենքի վրա մշակվում են եզակի կրթական տեխնոլոգիաներ և փորձարկվում ժամանակակից կրթության բարձրագույն ձեռքբերումները՝ ի նպաստ հայկական կրթության մրցունակության բարձրացման: «Այբ» դպրոցի նպատակն է դառնալ 21-րդ դարի հայկական դպրոցի մոդել: «Այբ» դպրոցի առաքելությունն է ձևավորել ուսյալ, առաքինի, պատկանելության և պատասխանատվության զգացում ունեցող երիտասարդների սերունդ:

Կրթահամալիրը իրականացնում է ամբողջական միջնակարգ (նախակրթական, հանրակրթական, ավագ), արհեստագործական, միջին մասնագիտական և լրացուցիչ կրթական ծրագրեր։ Կրթահամալիրում կարևորվում է սովորողի և ուսուցչի համատեղ ստեղծագործական աշխատանքը։ Գործում են բազմաթիվ ակումբներ և խմբակներ:

Առաքելությունն է կրթությամբ հետաքրքրված բոլոր անձանց հնարավորություն տալ ստանալ հայկական համապարփակ կրթություն` անկախ տարիքից, բնակության վայրից կամ գիտելիքների մակարդակից, ստեղծել կրթական վիրտուալ համայնք, որը կարող է խթանել ինչպես մշակութային կրթությունը, այնպես էլ սոցիալական հաղորդակցությունը այն ուսանողների շրջանակներում, ովքեր ցանկանում են շարունակել իրենց կրթությունը հայագիտության բնագավառում:

Հիմնադրամը իրականացնում է պետական խորհրդանշանների հանրահռչակման և քաղաքացիական դաստիարակության միջոցառումներ և ծրագրեր:

Մեդիակրթության կենտրոնը Հայաստանի միջնակարգ և ավագ դպրոցներին տրամադրում է մեդիա և տեղեկատվական գրագիտության պաշարներ և գործիքներ:

«Լույս» հիմնադրամի երկարաժամկետ տեսլականն է ստեղծել հասարակական մի կառույց, որը կխթանի դրական փոփոխությունների իրականացումը Հայաստանի մշակութային, կրթական, գործարար և հասարակական ասպարեզներում` բարձրացնելով հայ երիտասարդների կրթության մակարդակն ու նպատակի գիտակցման աստիճանը:

Նպատակ․ Ժամանա՛կն է օգնել ուսուցչին՝ փոխել նրա մոտեցումը, որ նա փոխի համակարգը։
Պատկերացում․ Ինքնազարգացող և ոգեշնչված ուսուցչական համայնքներն առաջնորդում են կրթության բարեփոխումը երկրում։