ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարարությունում մեկնարկել են 2025 թ. բյուջետային և 2025-2027 թթ. միջնաժամկետ ծախսային ծրագրի հայտի հանրային քննարկումները։ Արդեն անցկացվել է սպորտի և երիտասարդության ոլորտների հայտի քննարկումը:
Սպորտի ոլորտում ֆինանսավորումը կավելանա
Սպորտի ոլորտային գործունեություն իրականացնող հասարակական կազմակերպությունների՝ մարզական ֆեդերացիաների ներկայացուցիչների համար քննարկումը վարել է ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը:
ԿԳՄՍ նախարարի տեղակալը կարևորել է բյուջետային և միջնաժամկետ ծախսային ծրագրի հայտի հանրային քննարկումն ու ոլորտում գործունեություն ծավալող մասնագետների դիտարկումները:
Սպորտի ոլորտում ընթացիկ տարվա 7,5 մլրդ դրամ բյուջետային հատկացումներն առաջիկա երկու տարում կավելանան ևս 1,5 մլրդ դրամով, որոնք կուղղվեն գործող ծրագրերի ընդլայնմանը՝ մրցաշարերի անցկացում, անվանական թոշակ ստացողների թվի աճ, գույքի ձեռքբերում, մասսայական սպորտ, մասնավորապես՝ «Վարչապետի գավաթ» մրցաշարերի մասնակցության խրախուսում և այլն:
Նոր նախաձեռնությունների համար նախատեսվում է 5 մլրդ դրամի ֆինանսավորում:
Կարեն Գիլոյանը տեղեկացրել է, որ բյուջետային հայտում ՀՀ ֆիզիկական կուլտուրայի և սպորտի ոլորտների 2024-2030 թվականների ռազմավարությունից բխող նոր ծրագիր է ավելացվել՝ միջազգային ֆեդերացիաների տարբեր կոմիտեներում՝ մրցավարական, մարզչական, տեխնիկական, Հայաստանի ներկայացուցչությունը մեծացնելու նպատակով: Ծրագրով նախատեսվում է ապահովել ՀՀ մարզական ֆեդերացիաների ներկայացուցիչների՝ միջազգային կոնֆերանսներին և վերապատրաստումներին մասնակցությունը:
Բյուջետային և միջնաժամկետ ծախսային ծրագրի հայտում ներառված են առաջիկա տարիներին Հայաստանում նախատեսվող միջազգային մրցաշարերի անցկացման և գույքի ձեռքբերման ծրագրերը: Մասնավորապես՝ 2025 թվականին նախատեսվում է Երևանում անցկացնել կարատեի Եվրոպայի առաջնությունը, վոեյբոլի մինչև 20 տարեկանների Եվրոպայի առաջնության եզրափակիչ փուլը, բասկետբոլի Մ20 տարեկանների Բ դիվիզիոնի Եվրոպայի առաջնության եզրափակիչ փուլը, սպորտային պարերի աշխարհի գավաթի խաղարկությունը: 2026 թվականին ծրագրավորված են հրաձգության Եվրոպայի առաջնությունը, սուսերամարտի Եվրոպայի առաջնությունը, դարձյալ սպորտային պարերի աշխարհի գավաթի խաղարկությունը և մի շարք այլ միջոցառումներ: 2027 թվականին նախատեսվում են սպորտային մարմնամարզության Եվրոպայի առաջնությունը, Ֆրանկոֆոնիայի միջազգային խաղերը, ծանրամարտի աշխարհի առաջնությունը և Համահայկական խաղերը:
Արձագանքելով ձմեռային մարզաձևերի զարգացմանն ուղղված ծրագրերին՝ ԿԳՄՍ նախարարի տեղակալը տեղեկացրել է, որ 2028 թվականի ձմեռային Օլիմպիական խաղերին նախապատրաստվելու և մասնակցելու համար նախաօլիմպիական երկու տարիներին՝ 2025-26 թվականներին, ձմեռային երեք մարզաձևերի՝ դահուկային սպորտի, հոկեյի և գեղասահքի համար պետությունը ֆեդերացիաների համար նախատեսում է լրացուցիչ ֆինանսական հատկացումներ: Հայաստանի դահուկասպորտի ֆեդերացիայի նախագահ Գագիկ Սարգսյանն առաջարկել է բյուջետային հայտի՝ ադապտիվ սպորտին առնչվող ծառայություններին վերաբերող կետում ներառել նաև ձմեռային բաղադրիչը:
Ադապտիվ սպորտին առնչվող առաջարկներ է ներկայացրել նաև Հայաստանի պարալիմպիկ ֆեդերացիայի նախագահ Հակոբ Աբրահամյանը:
Ոլորտային գործունեություն իրականացնող հասարակական կազմակերպությունների և ֆեդերացիայի ներկայացուցիչները փոխնախարարին ուղղել են մի շարք հարցեր, որոնց շուրջ ծավալվել է քննարկում:
Կստեղծվեն երիտասարդական կենտրոններ, կշարունակվի երիտասարդ ընտանիքների աջակցությունը
Երիտասարդության ոլորտում գործունեություն իրականացնող հասարակական կազմակերպությունների ներկայացուցիչների համար 2025 թ. բյուջետային և 2027թթ. միջնաժամկետ ծախսային ծրագրի հայտի քննարկումը վարել է ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը: Նա տեղեկացրել է երիտասարդության պետական քաղաքականության շրջանակում իրականացվող միջոցառումների և ծրագրերի մասին` անդրադառնալով երիտասարդական մայրաքաղաք միջոցառմանը, երիտասարդ ընտանիքներին աջակցության և երիտասարդական կենտրոնների ստեղծման ծրագրերին։
Երիտասարդական ոլորտում այս տարվա 2,3 մլրդ դրամի հատկացումներն առաջիկա տարիներին նախատեսվում է 387 մլն դրամով ավելացնել, որը հիմնականում կուղղվի 8 երիտասարդական կենտրոնների ստեղծմանը և երիտասարդ ընտանիքների աջակցությանը։
Քննարկման ընթացքում ԿԳՄՍ նախարարի տեղակալն անդրադարձել է նաև «Երիտասարդական քաղաքականության մասին» ՀՀ օրենքի նախագծի մշակմանը, որը ՀՀ կառավարության ծրագրի իրականացման պահանջ է: Շեշտելով, որ մեր երկիրը երբեք չի ունեցել երիտասարդության ոլորտը կարգավորող օրենք, նախարարի տեղակալը նշել է, որ օրենքի հիմնական նպատակը երիտասարդության ոլորտում պետության կողմից վարվող քաղաքականության իրավական հենքի ստեղծումն է, ֆինանսավորման բաշխման հիմնական սկզբունքների ու պետական մարմինների և ոչ պետական կազմակերպությունների լիազորությունների և գործառույթների սահմանումը:
Քննարկմանը մասնակցող հասարակական կազմակերպությունների ներկայացուցիչները փոխնախարարին ուղղել են մի շարք հարցեր, ներկայացրել իրենց առաջարկները:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Բազմության և նրա տարրերի հասկացությունները մաթեմատիկայում սկզբնական հասկացություններ են: Բազմությունն իրարից տարբեր առարկաների, գաղափարների, օբյեկտների հավաքածու է : Հավաքածուի անդամները կոչվում են բազմության տարրեր: Սովորաբար բազմությունները նշանակվում են լատինական մեծատառերովÕœA,B,C...,…
Նորմը դա միմիյանց միջև հարաբերությունները կարգավորելու և ավելի ներդաշնակ համայնքներ ու հասարակություններ ձևավորելու նպատակով մարդկանց կողմից ստեղծված վարքագծի կանոն է: Նորմերը լինում են իրավական և բարոյական: 1. Իրավական նորմ՝ պարտադիր…
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
