ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
«Արմենպրեսի» մամուլի սրահում ԿԳՄՍ նախարարության հանրակրթության վարչության պետ Թամարա Սարգսյանն այսօր ներկայացրել է բարձրագույն կրթություն չունեցող մանկավարժների օժանդակության ծրագիրը:
Հիշեցնենք, որ ՀՀ կառավարության որոշմամբ հաստատվել է «Հանրակրթության մասին» օրենքի 38-րդ հոդվածի 5-րդ մասի պահանջով մասնագիտական գործունեությունը դադարեցված բարձրագույն կրթություն չունեցող մանկավարժների օժանդակության ծրագիրը:
ԿԳՄՍՆ հանրակրթության վարչության պետ Թամարա Սարգսյանի տեղեկացմամբ՝ դեռևս 2011 թվականին «Հանրակրթության մասին» օրենքով սահմանվել են որակավորման այն պահանջները, որոնք անհրաժեշտ են հանրակրթական դպրոցներում մանկավարժական գործունեություն իրականացնելու համար:
Նրա նշմամբ՝ պահանջներից մեկը բարձրագույն կրթության ապահովումն էր. «Տարբեր հանգամանքներով պայմանավորված՝ երկու անգամ այս կետի իրականացումը հետաձգվել է, և այդ ընթացքում հնարավորություն է տրվել, որ ուսուցիչները կարողանան սեփական միջոցներով ապահովեն այդ պայմանը: 2023 թվականի սկզբին կատարված վերլուծությունը ցույց է տվել, որ չնայած բազմաթիվ ուսուցիչներ նախընթաց տարիներին ապահովել են օրենքի պահանջի կատարումը և ստացել բարձրագույն կրթություն, այդուհանդերձ, համակարգում դեռևս շարունակում էին մնալ ավելի քան 1300 ուսուցիչներ, որոնք բարձրագույն կրթություն չունեին, սակայն դասավանդում էին և օրենքի պահանջի համաձայն՝ 2023 թվականի օգոստոսի 20-ից պետք է դադարեցնեին ուսուցչական աշխատանքը: Որպես միջանկյալ կարգավորում՝ ստեղծվել է կամավոր ատեստավորման հնարավորություն, որին մասնակցելու և ատեստավորված համարվելու արդյունքում ուսուցիչները հնարավորություն կստանան շարունակել իրենց գործունեությունը դպրոցներում»,- նշել է Թամարա Սարգսյանը:
Նրա տեղեկացմամբ՝ 2023 թվականին բարձրագույն կրթություն չունեցող 894 ուսուցիչ մասնակցել է կամավոր ատեստավորմանը, որոնցից 354-ը կամավոր ատեստավորման արդյունքներով համարվում է ատեստավորված և շարունակում է ուսուցչական գործունեությունը:
«Քանի որ տարիների աշխատանքային փորձ ունեցող բազմաթիվ ուսուցիչներ զրկվել են մասնագիտական գործունեությունը շարունակելու հնարավորությունից, Կառավարությունը որոշում է կայացրել իրականացնել նոր ծրագիր և ֆինանսավորել այդ խմբի ուսուցիչներին՝ ստանալու բարձրագույն կրթություն»,- ասել է ԿԳՄՍՆ հանրակրթության վարչության պետը:
Թամարա Սարգսյանն արձանագրել է՝ պետության կողմից օժանդակությունը 2 ուղղությամբ է կատարվելու։ Առաջինը՝ ուսուցիչները կարող են մասնակցել կամավոր ատեստավորմանը և հնարավորություն ունենալ շարունակել մասնագիտական գործունեությունը։ Այս դեպքում պետությունը պատրաստ է աջակցել, որպեսզի մինչ ատեստավորումն այդ ուսուցիչները մասնակցեն վերապատրաստման դասընթացներին։ Դա կօգնի սահմանված շեմը հաղթահարելու հարցում։
Հաջորդ ուղղությունը պետության կողմից բարձրագույն կրթության ֆինանսավորումն է. «Այստեղ պոտենցիալ շահառուներն ունեն հետևյալ անելիքը՝ նրանք դիմում են մանկավարժի որակավորում շնորհող բուհեր և ներկայացնում անհրաժեշտ փաստաթղթերն ուսումը շարունակելու համար։ Շահառուներից յուրաքանչյուրի համար ուսման պրոցեսը կարող է տարբեր լինել, որովհետև կլինեն ուսուցիչներ, որոնք միգուցե ժամանակին ընդունվել են բուհ, սակայն որոշ ժամանակ անց ինչ-ինչ պատճառներով չեն շարունակել ուսումը։ Հետևաբար, այդ հարցում անհատական մոտեցում կլինի: Շահառուների դիմումներն ընդունելուց հետո արդեն բուհը տվյալները կներկայացնի նախարարություն։ Վերջինս էլ անխտիր բոլորի համար ապահովելու է առաջին կիսամյակի ուսման վարձի ֆինանսավորումը։ Արդեն հաջորդ կիսամյակից կֆինանսավորվեն այն սովորող ուսուցիչները, որոնց ՄՈԳ-ը 60 տոկոսից ավելին է»,- ասել է Թամարա Սարգսյանը և մանրամասնել՝ այս մոտեցման նպատակն է՝ վստահ լինել, որ ուսուցիչներն իրապես բարձր առաջադիմություն ունեն։
Թամարա Սարգսյանը նշել է նաև մի կարևոր հանգամանք. այն ուսուցիչները, որոնք ցանկանում են բարձրագույն կրթություն ստանալ, դպրոցներում կարող են շարունակել աշխատել միայն բուհն ավարտելուց հետո։ Եթե նրանք ցանկանում են կրթություն ստանալուն զուգահեռ նաև աշխատել, ապա պարտադիր պետք է մասնակցեն կամավոր ատեստավորմանը և հաղթահարեն անհրաժեշտ շեմը։
Թամարա Սարգսյանի տեղեկացմամբ՝ առաջիկայում նախարարության կայքում կտեղադրվի կամավոր ատեստավորման համար նախատեսված վերապատրաստման դասընթացների և բուհ դիմելու ժամկետների վերաբերյալ տեղեկությունը։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
