ՀՀ կառավարության որոշմամբ ԿԳՄՍ նախարարությանը 2024 թվականի պետական բյուջեով կրթահամալիրների կառուցման համար նախատեսված գումարի շրջանակում կատարվել է վերաբաշխում կատարողների միջև՝ 2 մլրդ 920 մլն դրամի չափով:
Գործադիրի նիստում հարցը զեկուցել է ՀՀ կրթության, գիտության, մշակույթի և սպորտի նախարար ժաննա Անդրեասյանը՝ նշելով, որ որոշման արդյունքում Քաղաքաշինության կոմիտեից Հայաստանի տարածքային զարգացման հիմնադրամին են փոխանցվում 10 կրթահամալիրի կառուցման աշխատանքների պատվիրատու մարմնի լիազորությունները: Այդ հաստատություններն են՝ Արագածոտնի մարզում՝ Ճարճակիսի կրթահամալիրը, Գեղարքունիքում՝ Կախակնի, Արեգունու, Փոքր Մասրիկի և Մաքենիսի կրթահամալիրները, Լոռիում՝ Բազումի, Միխայլովկայի, Կաթնառատի և Գարգառի կրթահամալիրները, իսկ Սյունիքում՝ Շաքիի կրթահամալիրը:
Միաժամանակ, նույն որոշմամբ ՀՀ կրթության, գիտության, մշակույթի և սպորտի նախարարության և Գեղարքունիքի մարզպետի աշխատակազմի ենթակայությամբ գործող 5 հանրակրթական դպրոցի հատկացվել են կապիտալ դրամաշնորհներ 31 մլն 448 հազար դրամի չափով՝ վերջիններիս խնայողությունների հաշվին: Գումարն ուղղվելու է հաստատությունների գույքային հագեցվածության բարելավմանը և ջեռուցման աշխատանքների իրականացմանը: Այդ դպրոցներն են՝
«Այս նախագիծը ևս մեկ աշխատանք է ՀՀ կառավարության «Մինչև 2026 թ․ 300 դպրոցի կառուցում/վերակառուցում/հիմնանորոգում» խոշորածավալ ծրագրի շրջանակում, ինչպես նաև դպրոցների գույքային և շենքային պայմանների բարելավման ընթացիկ ծրագրերում»,- նշել է նախարարը:
Ժաննա Անդրեասյանը տեղեկացրել է, որ այս որոշմամբ կատարված փոփոխությունները ներառյալ՝ ընդհանուր առմամբ 133 հաստատություններ գտնվում են Հայաստանի տարածքային զարգացման հիմնադրամի պատվիրատվության շրջանակում, որոնցից 85-ը դպրոց է, իսկ 48-ը՝ կրթահամալիր: Քաղաքաշինության կոմիտեի պատվիրակման տիրույթում է 95 հաստատություն, որոնցից 59-ը՝ դպրոց, 36-ը՝ կրթահամալիր: Արդեն իսկ ավարտված է 27 ուսումնական հաստատության շինարարությունը, իսկ 107 հաստատություն այս պահին գտնվում է շինարարության փուլում, որի մի մասը կավարտվի այս տարվա ընթացքում: Այսինքն՝ 134 հաստատություններում կամ ավարտվել են աշխատանքները, կամ դրանք շինարարության փուլում են. մնացածը նախագծման կամ մրցութային գործընթացների մեջ են:
ՀՀ կառավարության մեկ այլ որոշմամբ պետական բյուջեից 300 մլն դրամի շրջանակում 96 մարզական կառույցների, որոնց մեծ մասը մարզադպրոց է, հատկացվել է գույք: Դրանցից 28-ը ՊՈԱԿ է, 61-ը՝ համայնքային մարզադպրոց, 5-ն ազգային ֆեդերացիա և 2 կազմակերպություն, որոնք ունեն մարզադպրոցներ: «Գույքի զգալի մասը հատկացվել է մարզային կառույցների, որով էապես նպաստում ենք մարզերում սպորտով զբաղվելու հնարավորությունների ընդլայնմանը: Սա մեր շարունակական քաղաքականությունն է՝ հետևել գույքի որակին, բայց միաժամանակ ապահովել դրա հասանելիությունը մարզիկների և սպորտով զբաղվող երեխաների համար»,- ներկայացնելով հարցը՝ ընդգծել է Ժաննա Անդրեասյանը:
Նախարարի խոսքով՝ ձեռքբերվող գույքի տեխնիկական առաջադրանքների բնութագրերը պետք է պատշաճ նկարագրվեն, որովհետև վերհանելով խնդիրները՝ հաճախ պարզ է դարձել, որ դրանց նկարագրությունը բավարար չէ. համապատասխան չափանիշները տեխնիկական առաջադրանքներում կամ նշված չեն կամ անորոշ են ձևակերպված: «Համապատասխան ստանդարտների նկարագրության, ինչպես նաև շահագործման հանձնված դպրոցների հետագա պատշաճ պահպանման և հոգատար վերաբերմունքի առումով մեծ աշխատանք ունենք անելու, որը պայմանավորված է նաև կրթական համակարգի հետևողական աշխատանքով»,- նշել է Ժաննա Անդրեասյանը:
ՀՀ վարչապետ Նիկոլ Փաշինյանն անդրադարձել է հաստատությունների գույքի պահպանման, գյուղական համայնքներում նոր դպրոցների կառուցման կարևորությանը և մի շարք այլ հարցերի. «Կարևոր է, որ պետության կողմից տրամադրված գույքի նկատմամբ լինի սրտացավ վերաբերմունք»:
Նախարար Ժաննա Անդրեասյանն ընդգծել է այն փաստը, որ Կառավարության ծրագրերի շրջանակում արվում է հնարավորը՝ գյուղական համայնքներում ևս որակյալ կրթության հասանելիությունն ապահովելու համար:
Փոխվարչապետ Տիգրան Խաչատրյանը և Քաղաքաշինության կոմիտեի նախագահ Եղիազար Վարդանյանն իրենց հերթին ներկայացրել են կառուցվող, վերակառուցվող և հիմնանորոգվող դպրոցներում իրականացվող աշխատանքների կազմակերպմանն առնչվող որոշ մանրամասներ:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ