ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարար Ժաննա Անդրեասյանն ընդունել է Գերմանիայի Տնտեսության արևելյան հանձնաժողովի (Ost-Ausschuss) և Թյուրինգիա երկրամասի զարգացման ընկերակցության (LEG Thüringen) անդամներին՝ դոկտոր Ստեֆան Բլեխշմիդտի գլխավորությամբ:
Հանդիպմանը ներկա էին նաև ԿԳՄՍ նախարարի տեղակալ Արթուր Մարտիրոսյանը և Բարձրագույն կրթության և գիտության կոմիտեի նախագահ Սարգիս Հայոցյանը:
ԿԳՄՍ նախարար Ժաննա Անդրեասյանը ողջունել է պատվիրակությանը՝ կարևորելով Հայաստանի և Գերմանիայի միջև սերտ համագործակցությունը տարբեր ուղղություններով և վստահություն հայտնել պատվիրակության հայաստանյան այցի շրջանակում համագործակցության նոր ծրագրեր և պայմանավորվածություններ արձանագրելու վերաբերյալ:
Ժաննա Անդրեասյանը մասնավորապես առանձնացրել է Հայաստանի և Գերմանիայի միջև համագործակցության 3 ուղղություններ, որոնցից առաջինը վերաբերում է ակադեմիական քաղաքի նախագծմանը:
«Մեր ամենառանցքային համագործակցությունն այս պահին գերմանական gmp International GmbH Architects and Engineers ճարտարապետական ընկերության հետ է, որը մշակում է ակադեմիական քաղաքի գլխավոր հատակագիծը: Վերջնական տարբերակը շուտով պատրաստ կլինի»,- ասել է Ժաննա Անդրեասյանը:
Երկրորդ ուղղությունը, ըստ նախարարի, «Մասնագիտական կրթության և ուսուցման» նոր օրենքի մշակման գործընթացն է, որն իրականացվել է նաև գերմանական փորձի հիման վրա: Երրորդ ուղղությունը գերմաներենի ուսուցման և տարածման զարգացումն է ՀՀ-ում, որի իրականացմանը մեծապես նպաստում է «Գյոթե» կենտրոնը: Նախարարը հույս է հայտնել, որ գերմաներենի տարածմանն ուղղված համատեղ ծրագրերը կընդլայնվեն:
Հանդիպմանը Գերմանիայի Տնտեսության արևելյան հանձնաժողովի (Ost-Ausschuss) և Թյուրինգիա երկրամասի զարգացման ընկերակցության (LEG Thüringen) անդամները հետքրքրվածություն են հայտնել Հայաստանում միջին մասնագիտական կրթական համակարգի վերաբերյալ և նախանշել Գերմանիայի վերապատրաստման կենտրոնների հետ համագործակցության հնարավորությունները: ԿԳՄՍ նախարար Ժաննա Անդրեասյանը ողջունել է գերմանական կողմի նախաձեռնությունը և ներկայացրել Հայաստանի Հանրապետության նախնական (արհեստագործական) և միջին մասնագիտական կրթության ոլորտում բարեփոխումներն ու համագործակցության հնարավորությունները:
Նախարարը մասնավորապես անդրադարձել է Գերմանիայի միջազգային համագործակցության ընկերության (GIZ/ԳՄՀԸ) օգնությամբ մասնագիտական կրթության կազմակերպմանը դուալ մոդելի շրջանակում: «Դուալ կրթությունը՝ որպես սովորողների կրթական մոդուլի կարևոր բաղադրիչ և աշխատանքի վրա հիմնված ուսուցում, հնարավորություն կտա ուսանողներին հմտացած մուտք գործել աշխատաշուկա և նպաստել տնտեսության զարգացմանը»,- ասել է նախարարը:
Աթլաս ինթերնեյշնլ գրասենյակի ներկայացուցիչը հանդիպման ընթացքում ներկայացրել է «Գերմանական բիզնես առաքելություն Հայաստանում և Վրաստանում» նախագիծը, որը միտված է զեղծարարություններից և կեղծիքից բարձր պաշտպանվածությանը թվային տիրույթում և նպատակ ունի նպաստել գործարարության զարգացմանը արտադրական, լոգիստիկ ծառայությունների լավարկմանը:
Կողմերը պայմանավորվածություն են ձեռք բերել քննարկել նախագիծը միջին մասնագիտական կրթության համակարգում ներառելու հնարավորությունները և այդ համատեքստում համագործակցության հեռանկարները:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
