ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Կրթության ազգային ինստիտուտում տեղի է ունեցել «Հետաքրքիր ընթերցող» մրցութային նախագծի ամփոփումը: «Հետաքրքիր ընթերցող» խորագրով կրթամշակութային նոր նախագծին մասնակցում են 9-12-րդ դասարանի աշակերտները, որի շրջանակում մի քանի փուլերով քննարկման է դրվում որևէ գրական ստեղծագործություն: Նախագծին մասնակցող աշակերտներն ընթերցում, քննարկում, քննադատում և վերլուծում են ընտրված գրական ստեղծագործությունը: Կազմակերպվում են խմբային ընթերցումներ, բանավեճեր, ընթերցած հատվածի քննարկումներ, հանդիպումներ հեղինակների, նրա ընկերների և հարազատների հետ, կատարվում են էքսկուրսիաներ կրթամշակութային օջախներ, անիմացիոն տեսահոլովակների դիտումներ և այլն:
Այս ուսումնական տարվա ընթացքում ընթերցանության և քննարկման է ներկայացվել Լևոն Խեչոյանի «Մհերի դռան գիրքը» ստեղծագործությունը: Նախագծին մասնակցելու նախնական հայտ են ներկայացրել մայրաքաղաքի տարբեր դպրոցների 250 աշակերտներ, որոնցից 25-ը անցել են կիսաեզրափակիչ, իսկ 12-ը՝ եզրափակիչ փուլ:
Նախագծի աշխատանքները գնահատել է ԿԱԻ-ի տնօրենի կողմից ստեղծված հանձնաժողովը, որը սահմանել է տարբեր անվանակարգեր և մրցանակներ: ԿԱԻ-ի դահլիճում կազմակերպված հանդիսավոր միջոցառման ժամանակ տեղի է ունեցել հաղթողների պարգևատրումը՝ 1-4-րդ տեղերը գրաված աշակերտները ստացել են սահմանված մրցանակները, իսկ եզրափակիչ փուլ անցած մյուս մասնակիցները՝ խրախուսական մրցանակներ:Ողջունելով նախագծի մասնակիցներին՝ ԿԱԻ-ի տնօրենի տեղակալ Վարդան Ղանդիլյանը նշել է, որ նախաձեռնությունը սկիզբ է առել 5 ամիս առաջ. «Մեր գլխավոր նպատակն էր մեծացնել հետաքրքրությունը դեպի ընթերցանությունը և գիրքը: Բոլորին հայտնի է, որ վերջին տարիներին գրքի նկատմամբ հետաքրքրությունը նվազել է: Սակայն այսօր մենք կարող ենք փաստել, որ «Հետաքրքիր ընթերցող» նախագիծը կայացած է, որին նպաստեցին առաջին հերթին մասնակից աշակերտները և իհարկե ընտրված թեման և գիրքը: Գրող, ազատամարտիկ, հրապարակախոս Լևոն Խեչոյանի «Մհերի դռան գիրքը», որն արդի գրականության լավագույն նմուշներից է, թեմատիկ առումով բավականին բարդ ստեղծագործություն է, սակայն մեր աշակերտները այն կարողացան հաղթահարել՝ շնորհիվ իրենց համառ և հետևողական ջանքերի: Գրքի գրականագիտական արժեքը բարձր է, և գիրքը ներկայացնում է Խեչոյան մտածողին, անհատականությանը, փիլիսոփային»,- նշել է Վ. Ղանդիլյանը՝ ավելացնելով, որ նախագծի կայացմանը նպաստել են նաև դպրոցները: Շնորհավորանքի խոսք է ասել նաև բանասիրական գիտությունների դոկտոր Դավիթ Գասպարյանը: Նախագծի ղեկավարի ԿԱԻ-ի հայոց լեզվի և գրականության մասնագետ Գայանե Դավթյանը, ով անցած 5 ամիսների ընթացքում ամենշաբաթյա պարբերականությամբ հանդիպումներ է ունեցել նախագծի մասնակիցների հետ: Միջոցառման ընթացքում եզրափակիչ փուլ անցած աշակերտները ներկայացրել են տպավորություններ, իրենց կողմից պատրաստված Լևոն Խեչոյանի «Մհերի դռան գիրքը» ստեղծագործության քննարկումներին նվիրված գիրք և դիտարկումների վերաբերյալ շնորհանդես:
«Հետաքրքիր ընթերցող» նախագծի շրջանակում նախատեսվում է ԿԱԻ-ում ստեղծել ընթերցողների ակումբ, որի անդամները կդառնան գիրք կարդալու մշակույթի կրողներն ու փոխանցողները:
Նյութի աղբյուրը. ՀՀ կրթության և գիտության նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
