ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
«Քվանտ» վարժարանի գործունեության 25-րդ ուսումնական տարվա՝ 2015-2016 թթ. գործունեության հաշվետվությունը, վարժարանի գիտամանկավարժական խորհրդի որոշմամբ, հրատարակվել է գրքույկի տեսքով (էլ.տարբերակը կցվում է):
Մայիսի 12-ին տեղի ունեցավ 2015-2016 ուստարում «Քվանտ» վարժարանի գործունեության հաշվետվության շնորհանդեսը, որին ներկա էր վարժարանի ուսուցչական ողջ կոլեկտիվը: Շնորհանդեսի սկզբում հրատարակված աշխատանքը կարևորեց ուսումնական աշխատանքների գծով փոխտնօրեն Լևոն Ասատրյանը. «Զգալի աշխատանք է կատարվել վարժարանում նախորդ ուսումնական տարվա ընթացքում, և այս գրքույկը ամփոփ ձևով ներկայացնում է այդ գործունեության ցուցանիշները»: Նա հավելեց, որ այսուհետ նույնաբնույթ հաշվետվություն է կազմվելու բոլոր ուստարիների համար, և խոսքը փոխանցեց գաղափարի մտահղացման հեղինակին՝ պատմության ուսուցիչ Միքայել Մալխասյանին:
Վերջինս ներկայացրեց հաշվետվության կարևորությունը, կառուցվածքը և բովանդակությունը, ինչպես նաև շեշտեց դրա կազմման գործում յուրաքանչյուր ուսուցչի պատասխանատու մոտեցման անհրաժեշտությունը. «Յուրաքանչյուր ուստարվա վերջում մենք ունենում ենք հաշվետու սեմինար, որտեղ բոլոր ամբիոնների վարիչներն ամփոփում են իրենց տարեկան գործունեության ցուցանիշները և ներկայացնում կոլեկտիվին: Այժմ այդ ամենն ի մի է բերվում՝ արձանագրելով վարժարանի պատմությունը տվյալ ուստարում»:
Գրքույկի ներկայացումից հետո փոքրիկ քննարկում ծավալվեց դրա առանձին հատվածները հաջորդ ուստարում ավելի մանրամասն շարադրելու շուրջ: Ինֆորմատիկայի ուսուցչուհի Մերի Ղազարյանը շեշտեց նման հաշվետվության կարևորությունը դպրոցի վարկանիշի ձևավորման հարցում:
Հաշվետվությունը տնօրեն Ռոբերտ Վարդանյանի և փոխտնօրեն Լևոն Ասատրյանի համակարգմամբ կազմել էին Գոհար Սարգսյանը և Միքայել Մալխասյանը, իսկ տեղեկատվության տրամադրման հարցում աջակցել էին Արմինե Հովհաննիսյանը, Արաքսյա Սիմոնյանը և Լուսինե Վարդանյանը:
Ի դեպ, սա վերջին ամիսներին վարժարանի կողմից տպագրված միակ գրքույկը չէ: Հրատարակվել է Միջազգային բակալավրիատ (ՄԲ, IB) համակարգում հայոց պատմության ուսումնական առաջին ձեռնարկը, որը գիտական երաշխավորման գործընթաց է անցել ԵՊՀ պատմության ֆակուլտետի հայոց պատմության ամբիոնում: Ձեռնարկը Միքայել Մալխասյանի՝ ավելի քան եռամյա աշխատանքի արդյունքն է: Գիտական խմբագիրը ԵՊՀ հայոց պատմության ամբիոնի վարիչ, պ.գ.դ., պրոֆ. Արտակ Մովսիսյանն է, խմբագիրները՝ վարժարանի պատմության ամբիոնի վարիչ Եվգենյա Ղալումյանը և ՄԲ 2016 թվականի շրջանավարտներ Արմեն Գաբրիելյանը և Լուսյա Մանուկյանը:
«Պաշարների շտեմարան» նոր կայքում, որի գործարկման մեկնարկը https://lib.armedu.am/ հասցեում տրվեց 2022 թվականին, տեղադրվել է արդեն 18 000-ից ավելի կրթական էլեկտրոնային պաշար: Կայքում բացվել է Կրթական տեխնոլոգիաներ բաժին, որտեղ տեղադրված են…
Ուսուցչի օրվա առթիվ մի խումբ մանկավարժներ և ոլորտի ներկայացուցիչներ պարգևատրվել են ԿԳՄՍ նախարարի կողմից ՀՀ կրթության, գիտության, մշակույթի և սպորտի նախարարությունը Ուսուցչի միջազգային օրվա առթիվ պարգևատրել է ոլորտի մի խումբ…
Ողջույն, հայգելի գործընկերներ: Օրեր առաջ սոցիալական մեդիահարթակներում մի փոքրիկ հարցում անցկացրեցինք պարզելու համար՝ հասարակությանը առավել հետաքրքրող թեմաները: Հարցումների արդյունքում ընտրվեց այսօրվա մեր քննարկվելիք թեման՝ ինչո՞ւ է երեխան դպրոցից գնում կրկնուսույցի…
<<Կրթությունը պատմելը և պատմություններ լսելը չէ․ այն ակտիվ և կառուցողական գործընթաց է>> Ջոն Դյուի Նախագծերի մեթոդը (Project methods (http://education.stateuniversity.com/pages/2337/Project-Method.html)) ուսուցման համակարգ է, որի ընթացքում սովորողները գիտելիքներ, կարողություններ, հմտություններ են ձեռք…
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
