ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր ընդունել է ՄԱԿ գլխավոր քարտուղարի փոխտեղակալ, Երիտասարդության հարցերով գրասենյակի ղեկավար Ֆելիպե Պաույերիին, որը Հայաստան է ժամանել Միջխորհրդարանական միության երիտասարդ պատգամավորների 10-րդ գլոբալ համաժողովին մասնակցելու նպատակով:
Հանդիպմանը ներկա է եղել նաև ԿԳՄՍ նախարարի տեղակալ Արթուր Մարտիրոսյանը:
Ժաննա Անդրեասյանը, ողջունելով Ֆելիպե Պաույերիի այցը Հայաստան, կարևորել է Հայաստանի և Միավորված ազգերի կազմակերպության միջև բարեկամական հարաբերությունները: Նախարարն ընդգծել է՝ ԿԳՄՍ նախարարությունը երիտասարդական քաղաքականություն իրականացնող միակ պետական մարմինն է, ինչը մեծ պատասխանատվություն է:
«Մեր երկրում առկա են քաղաքացիական հասարակության լայն սեկտոր և լավ փորձառություն ունեցող հասարակական կազմակերպություններ, որոնք ակտիվորեն աշխատում են այս ոլորտում, բայց մեզ համար շատ կարևոր է նաև ունենալ քաղաքականություն, որը կծառայի այդ սեկտորի հետ կապերի ամրապնդմանը ու կնպաստի երիտասարդների կարողությունների հզորացմանը»,- ասել է Ժաննա Անդրեասյանը:
ԿԳՄՍ նախարարը տեղեկացրել է՝ պետական ֆինանսավորմամբ և ամենամյա պարբերականությամբ իրականացվում են մի շարք ծրագրեր, որոնք ուղղված են հանրային կյանքում և պետականաշինության գործընթացում երիտասարդության մասնակցության խրախուսմանը, նրանց իրավունքների իրացմանը, երիտասարդների ներուժի բացահայտմանը, կարողությունների զարգացմանը, ինչպես նաև սոցիալականացման, ինքնիրացման, ներգրավման ու զարգացման անհրաժեշտ պայմանների ստեղծմանն ու մեխանիզմների խթանմանը։
Այս համատեքստում Ժաննա Անդրեասյանն անդրադարձել է «Երիտասարդական քաղաքականության մասին» օրենքի նախագծի մշակմանը, որի շուրջ աշխատանքները մեկնարկել են 2023 թվականից: Նախարարի խոսքով՝ օրենքը սահմանելու է ՀՀ-ում երիտասարդության զարգացման պետական քաղաքականության սկզբունքները և նպատակները, կարգավորելու է երիտասարդների, երիտասարդ ընտանիքների, երիտասարդական աշխատողների, հասարակական կազմակերպությունների, երիտասարդական խորհրդատվական մարմինների և պետության փոխհարաբերությունները: Ժաննա Անդրեասյանը կարևորել է՝ նախագծի մշակման նպատակով ձևավորված աշխատանքային խումբը հանրային քննարկումներ է իրականացրել ՀՀ բոլոր մարզերում, որի արդյունքում նախագիծը լրամշակվել է և ներկայացվել Կառավարություն:
ԿԳՄՍ նախարարն անդրադարձել է նաև ՀՀ-ում երիտասարդական կենտրոնների ստեղծմանը: Նա ընդգծել է՝ նորաստեղծ կենտրոնները նպաստելու են մարզաբնակ երիտասարդության ներուժի բացահայտմանը, համակողմանի զարգացմանը, ինքնադրսևորման և ինտելեկտուալ ժամանցի կազմակերպմանը։ Նա տեղեկացրել է՝ ՀՀ մարզերում արդեն իսկ բացված 4 կենտրոններից բացի 2024 թվականին ընթացքի մեջ է ևս չորս երիտասարդական կենտրոնների հիմնումը՝ Գեղարքունիքի, Արարատի, Շիրակի և Սյունիքի մարզերում:
Նախարարը նաև ներկայացրել է ՀՀ-ում երիտասարդների կարողությունների զարգացմանն ուղղված ծրագրերը, որոնք, մասնավորապես, վերաբերում են երիտասարդների քաղաքացիական կրթության, մեդիագրագիտության և ֆինանսական գրագիտության, առաջին օգնության և առողջ ապրելակերպի, երիտասարդական աշխատանքի, մասնագիտական կողմնորոշման, սոցիալական ձեռներեցության, կամավորության խթանմանը:
ՄԱԿ գլխավոր քարտուղարի փոխտեղակալ, Երիտասարդության հարցերով գրասենյակի ղեկավար Ֆելիպե Պաույերին շնորհակալություն է հայտնել ընդունելության համար և կարևորել Հայաստանի հետ համագործակցության լայն շրջանակը: Նա տեղեկացրել է՝ Երիտասարդության հարցերով գրասենյակը ստեղծվել է 2022 թվականին ՄԱԿ գլխավոր ասամբլեայի կողմից և նպատակ ունի առաջ մղել երիտասարդության իրավունքներն ու կարիքները գլոբալ մակարդակում, ինչպես նաև ուղղված է ՄԱԿ-ի բոլոր նախաձեռնություններում երիտասարդների ներգրավվածության բարձրացմանը։
Ֆելիպե Պաույերին ընդգծել է՝ գրասենյակը նաև խթանում է երիտասարդների մասնակցությունը որոշումների կայացման, կայուն զարգացման ու խաղաղության հաստատման գործնթացներում, աջակցում է երիտասարդության սոցիալական, տնտեսական և մշակութային իրավունքների զարգացմանը։
Հանդիպման ընթացքում կողմերը քննարկել են նաև երկկողմ հետաքրքրություն ներկայացնող այլ հարցեր՝ պատրաստակամություն հայտնելով մեկտեղելու ջանքերը համատեղ ծրագրերի իրականացման և համագործակցության ամրապնդման հարցում:
ՄԱԿ գլխավոր քարտուղարի փոխտեղակալ, Երիտասարդության հարցերով գրասենյակի ղեկավարը Միջխորհրդարանական միության երիտասարդ պատգամավորների 10-րդ գլոբալ համաժողովի շրջանակում հանդիպելու է երիտասարդական հասարակական կազմակերպությունների, երիտասարդական պետական կենտրոնների ներկայացուցիչների, երիտասարդ դիվանագետների հետ՝ քննարկելու երիտասարդների առաջխաղացման, ազգային և գլոբալ մակարդակներում որոշումների կայացման գործում նրանց ներգրավվածության հետ կապված հարցեր:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
