ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարար Ժաննա Անդրեասյանն ընդունել է Ալպինիզմի և լեռնային տուրիզմի հայկական ֆեդերացիայի պատվիրակությանը՝ ֆեդերացիայի ղեկավար Սուրեն Դանիելյանի գլխավորությամբ:
Հանդիպմանը ներկա է եղել նաև ԿԳՄՍ նախարարի տեղակալ Կարեն Գիլոյանը:
Հանդիպման ընթացքում ԿԳՄՍ նախարար Ժաննա Անդրեասյանը շնորհակալագրերով է խրախուսել ֆեդերացիայի անդամներ Գևորգ Գրիգորյանին, Հայկ Կարապետյանին և Գևորգ Գասպարյանին՝ Հայաստանում լեռնագնացություն զարգացնելու և ՀՀ դրոշն ամենաբարձր գագաթներին ծածանելու համար:
«Այս խորհրդանշական գնահատանքով կուզեինք ձեր օրինակը վարակիչ դարձնել մյուսների համար: Հայաստանը լեռնային երկիր է, և լեռնագնացությունը մեր երկրում զարգացման շատ լուրջ ներուժ ունի։ Պետք է քայլեր ձեռնարկենք՝ ուղղված երեխաների շրջանում լեռնագնացությամբ զբաղվելու խթանմանը: Կարծում եմ՝ ձեր անձնական օրինակը կարող է նման քայլ դիտվել, ցույց տալու, որ բոլոր վերելքներն ու բարդությունները հաղթահարելի են՝ բառի բուն և փոխաբերական իմաստով»,- նշել է Ժաննա Անդրեասյանն ու շնորհակալություն հայտնել գործադրած ջանքերի համար:
ԿԳՄՍ նախարարն Ալպինիզմի և լեռնային տուրիզմի հայկական ֆեդերացիայի հետ համագործակցությունը կարևորել է նաև դպրոցականների շրջանում կրթական ծրագրեր իրականացման համատեքստում: Տարիներ առաջ արշավային ակումբների և ֆեդերացիայի հետ համագործակցությամբ ԿԳՄՍ նախարարությունը 7 դպրոցներում իրականացրել է լեռնագնացության ծրագիր: Ժաննա Անդրեասյանը կարևորել է նմանօրինակ ծրագրերի շարունակականության հնարավորությունը՝ ընդգծելով, որ Հանրակրթության պետական նոր չափորոշչով առանձնակի կարևորվում է դպրոցականների թե՛ ֆիզիկական, թե՛ հոգեբանական կոփվածությունը:
«Կարծում եմ՝ լեռնագնացությունն ու արշավներն այս նպատակներին հասնելու ամենաուղիղ միջոցներից են: Ծրագիրը մեծ հետաքրքրություն էր առաջացրել դպրոցներում, և կարող ենք քննարկել այն շարունակելու հնարավորությունը»,- ասել է Ժաննա Անդրեասյանը:
Նախարարը տեղեկացրել է՝ ՀՊՉ ներդրմամբ դպրոցներում նաև խմբակների իրականացման հնարավորություն է ստեղծվել, որոնք ֆինանսավորվում են պետության կողմից: Ժաննա Անդրեասյանն առաջարկել է դիտարկել լեռնագնացության ու արշավների կրթական ծրագիրը խմբակի ձևաչափով իրականացնելու հնարավորությունը՝ նշելով, որ դպրոցի խմբակավարը կարող է լինել նաև հրավիրյալ մասնագետ՝ համապատասխան փորձառությամբ և որակավորմամբ:
Նախարարի տեղակալ Կարեն Գիլոյանը, անդրադառնալով սպորտային բաղադրիչին, կարևորել է ժայռամագլցում մարզաձևի զարգացման անհրաժեշտությունը, որն օլիմպիական մարզաձև է: Հայաստանի ֆիզիկական կուլտուրայի և սպորտի պետական ինստիտուտում, Երևանի պետական համալսարանում և նաև մի քանի մարզահամալիրներում մագլցման պատեր կան, բայց մարզաձևի զարգացման, ժայռամագլցման մարզիկների պատրաստման տեսանկյունից կարևոր է համապատասխան գույքի առկայությունն առավել մեծ թվով սպորտային կառույցներում:
Ալպինիզմի և լեռնային տուրիզմի հայկական ֆեդերացիայի ղեկավար Սուրեն Դանիելյանը շնորհակալություն է հայտնել ընդունելության համար և համագործակցությունն առավել ամրապնդելու պատրաստակամություն հայտնել:
Հանդիպման ընթացքում քննարկվել են նաև լեռնագնացությանն առնչվող այլ հարցեր:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
