Հոկտեմբերի 7-ը գրադարանավարի օրն է

Հոկտեմբերի 9, 2024

Դպրոցական անցուդարձ

Տեղեկատվական տեխնոլոգիաների դարաշրջանում ավանդական գրադարանը չի կորցրել իր հմայքը, գիրքն իր գրավչությունը, գրադարանավարն իր պահանջվածությունը`որպես միջնորդ ընթերցողի և գրքի միջև։

Գրադարանավարը գրքի, գիտելիքի իմացության տարածողն է։Մեր դպրոցում հարմարավետ են արտադասարանային ընթերցանության պայմանները, ջերմիկ է գրադարանի մթնոլորտը և դրան նպաստում է սիրված , երկարամյա գրադարանավար Գայանե Հարությունյանը։Նա օգնում, օժանդակում է սովորողներին գրքից ինքնուրույն օգտվելու գործում` իմանալով տվյալ գրքի առանձնահատկությունը, նրա ընտրությունը բավարարում է կրտսեր ընթերցողի ճաշակը, տանում նրան նոր գիտելիքների ճանապարհով։

Տոնի առթիվ ընթերցանության խմբակը (խմբավար Արևիկ Աբրահամյան) գեղեցիկ գրական-երաժշտական ցերեկույթ մատուցեց գրադարանային հանդիսատեսին։

Միջոցառումը մեկնարկվեց դպրոցի գրադարանավար Գայանե Հարությունյանի հակիրճ խոսքով, որն ավելի շուտ կանչ էր փոքրիկներին գրադարանի բարեկամ դարձնելու։

Խմբակի սաների կատարումները աչքի ընկան նուրբ մատուցմամբ, հստակ ու գրագետ խոսքով, անկեղծությամբ ու անմիջականությամբ։

Միջոցառման ներկաները մեծ բավականությամբ ու բարձր գնահատանքի խոսքերով հեռացան, իրենց հետ տանելով գեղարվեստական մտքի թռիչքի թեերը։

 

Կապանի N5  հիմնական դպրոց