ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Տաջիկստանի Հանրապետության մայրաքաղաք Դուշանբեում հոկտեմբերի 30-31-ն անցկացվում է ԱՊՀ մասնակից պետությունների երիտասարդության հարցերով խորհրդի հերթական նիստը, որին մասնակցում է ՀՀ ԿԳՄՍ նախարարի տեղակալ Արթուր Մարտիրոսյանը։
ԱՊՀ երիտասարդության հարցերով խորհրդի նիստին մասնակցում են նաև Բելառուսի, Ռուսաստանի, Տաջիկստանի, Ղրղզստանի, Ուզբեկստանի, Ղազախստանի, Ադրբեջանի և ԱՊՀ գործադիր կոմիտեի ներկայացուցիչները։ ՀՀ պատվիրակության կազմում նիստին մասնակցում է նաև ԿԳՄՍՆ երիտասարդության հարցերի վարչության պետ Զարա Ասլանյանը։
ԿԳՄՍ նախարարի տեղակալ, ԱՊՀ մասնակից պետությունների երիտասարդության հարցերով խորհրդի անդամ Արթուր Մարտիրոսյանն իր ելույթում ներկայացրել է ՀՀ-ում երիտասարդության ոլորտում կատարված աշխատանքները և շնորհակալություն հայտնել ԱՊՀ մասնակից պետությունների գործընկերներին Միջազգային երիտասարդական համագործակցության 2021-2030 թթ. ռազմավարության 2023-2024 թթ. գործողությունների պլանի շրջանակում սերտ համագործակցության և աջակցության համար։
Նա անդրադարձել է երիտասարդության քաղաքականության հիմնական ուղղություններին՝ շեշտելով, որ մշակվում է «Երիտասարդական քաղաքականության մասին» օրենքի նախագիծը, որի նպատակն է երիտասարդության ոլորտին առնչվող ենթաօրենսդրական ակտերի ընդունումն ու լիազորությունների սահմանումը, ոլորտում առավել արդյունավետ ու նպատակային աշխատանքների իրականացումը:
Անդրադառնալով 2023–2024 թթ. գործողությունների ծրագրին՝ Արթուր Մարտիրոսյանը ներկայացրել է ՀՀ-ի կողմից միջոցառումների կատարման արդյունքները։ Այս համատեքստում նա անդրադարձել է erit.am երիտասարդական պորտալի զարգացմանը, որտեղ ամբողջացված են տեղական և միջազգային երիտասարդական ծրագրերը, միջազգային երիտասարդական քաղաքականությանը վերաբերող փաստաթղթեր, հետազոտություններ և այլն։
ԿԳՄՍ նախարարի տեղակալը ներկայացրել է «2024 թվականը՝ ԱՊՀ կամավորական տարի» հռչակվելու կապակցությամբ ՀՀ-ում նախատեսված միջոցառումները, այդ թվում նաև ԿԳՄՍՆ ֆինանսավորմամբ ստեղծվող 8 մասից բաղկացած «Կամավորը» ֆիլմաշարը, որոնցից 2-ը նվիրված են լինելու ԱՊՀ մասնակից պետություններում գործող կամավորական կազմակերպություններին և նախաձեռնություններին։ Արթուր Մարտիրոսյանի տեղեկացմամբ՝ բոլոր 8 ֆիլմերը ունենալու են ռուսերեն ենթագրեր և տարածվելու են ԱՊՀ մասնակից պետությունների տեղեկատվական հարթակներով։
Նախարարի տեղակալը ներկայացրել է նաև երիտասարդների ֆինանսական գրագիտության բարելավմանն ուղղված միջոցառումները, ԿԳՄՍՆ-ի կողմից իրականացվող դրամաշնորհային ծրագիրը, որին մասնակցություն են ունենալու նաև ԱՊՀ մասնակից պետություններից 30 երիտասարդներ։
Նիստում ներկայացրել են նաև մեդիա, կիբեռ և թվային գրագիտության բարձրացման ուղղությամբ իրականացված միջոցառումները՝ շեշտադրելով ՀՀ ԿԳՄՍՆ ֆինանսավորմամբ իրականացրած ծրագրերը, որոնք կազմակերպվել են ինչպես Հայաստանի, այնպես էլ ԱՊՀ մասնակից պետությունների երիտասարդների համար։
Նիստում քննարկվել են նաև Միջազգային երիտասարդական համագործակցության 2021-2030 թթ. ռազմավարության 2025-2026 թթ. միջոցառումների պլանում ընդգրկված ծրագրերի իրականացմանը վերաբերող հարցեր։
ԿԳՄՍ նախարարի տեղակալ Ա. Մարտիրոսյանը և երիտասարդության հարցերի վարչության պետ Զարա Ասլանյանը մասնակցել են նաև ԱՊՀ մասնակից պետությունների երիտասարդական կազմակերպությունների ֆորումին, որի ընթացքում նախարարի տեղակալը հանդես է եկել ողջույնի խոսքով։ Արթուր Մարտիրոսյանը ողջունել է ֆորումի մասնակիցներին և նշել, որ տարիներ հետո ֆորումի մասնակից երիտասարդներից շատերն իրենց կարողությունների, պոտենցիալ հնարավորությունների համատեքստում մեծ դերակատարում և ներդրում կունենան հասարակության զարգացման և առաջխաղացման գործում: Նա կարևորել է նաև ԱՊՀ մասնակից պետությունների երիտասարդների միջև միջմշակութային համագործակցության կապերի խորացումը, որի շնորհիվ տարիներ հետո կձևավորվի նոր օրակարգ՝ միտված փոխգործակցությանն ու ընդհանուր նպատակների իրականացմանը:
Տաջիկստանի Հանրապետություն կատարած այցի շրջանակում ԿԳՄՍ նախարարի տեղակալ Արթուր Մարտիրոսյանն այցելել է նաև Տուրսունզադե քաղաք, որտեղ տեղադրված է ԱՊՀ երիտասարդների միասնության խորհրդանիշ «Ժամանակի պարկուճը»։ Տեղի են ունեցել նաև մի շարք երկկողմ հանդիպումներ և այցելություններ Տաջիկստանի երիտասարդական ենթակառուցվածքներ։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
