Բաց դաս․ Նոր ՀՊՉ ներդրում

Նոյեմբերի 8, 2024

Դպրոցական անցուդարձ

Նոյեմբերի 4-ի «Ես և շրջակա աշխարհը» առարկայի բաց դասին 3-րդ «բ» դասարանում երկար չեն նախապատրաստվել ։

Խելացի գրատախտակը նրանց դասարանի մշտաբնակն է, իսկ բաց դասերը՝ սովորույթ։

Թեման` «Մարդը կենդանի բնության մասնիկն է։ Մեր զգայարանները, Մարդու ներքին օրգանները»։

Քաջ գիտակցելով օրվա հրամայականը, գործի վարպետ, դասվար Արևիկ Հայրապետյանը կարևորել է՝ սովորողին տալ համակողմանի գիտելիքներ, դասի պարզունակ սխեմայի մեջ, խորացնելով հմտությունների դրսևորման ձևեր։

—Դասում ներդրվել են կրթական- դաստիարակչական գործընթացի բոլոր բաղադրիչները՝ նպատակ, բովանդակություն, միջոցներ, մեթոդներ, կազմակերպման ու ղեկավարման գործունեությունում դրանից բխող դիդակտիկ տարրեր։ Դասն ավարտվեց վերջնական նպատակի գիտակցումով, իրեն յուրահատուկ մանրակրկտությամբ, վերլուծեց դպրոցի տնօրենի տեղակալ Ալինա Մկրտչյանը։

—Անթաքույց ուսուցիչն իր գործում հմուտ է, եթե լավ գիտի, թե ինչ պետք է իմանան իր սովորողները և ինչ ճանապարհներով պետք է հասնել այդ գիտելիքին,- ամփոփեց դպրոցի տնօրեն Սիրանուշ Հարությունյանը։

Դասը հանդիսացավ փորձի փոխանակման հանգամանք՝ գործընկերների համար։

Կապանի N 5 հիմնական դպրոց