Առնո Բաբաջանյան - 95. «Արևից արբեցած մարդը»

Մայիսի 22, 2017

Դպրոցական անցուդարձ

«Հողմով բերված մի հատիկ էր,
որից վեր խոյացավ
արդի հայ երաժշտության
կենաց ծառը…» 

   Մայիսի 12-ին Կոտայքի մարզի Հրազդանի  Ասքանազ Մռավյանի անվան հ.4 հիմնական դպրոցի VIԲ դասարանի մասնակցությամբ, դասղեկ`  Նվարդ Այվազյանի նախաձեռնությամբ, անցկացվեց  միջոցառում՝ նվիրված  հայ մեծ երաժիշտ Առնո Բաբաջանյանի  95 ամյակին, որին ներկա էին տնօրինությունը, ուսուցչներ, ծնողներ, հյուրեր երաժշտական դպրոցից, մարզային գրադարանից:

    Բնականության հանճար, հրավառ վարպետ… Ժամանակն իրենն էր, ինքը՝ ժամանակինը: Համաշխարհային ստեղծագործական խմորումների ներսում էր, ժամանակակից ուղղություններից ներառած, սակայն և ոչ մի միջոց չնսեմացրեցին նրանում հայերենի հուժկու բնազդը, որը ծնվել էր իրենից շատ առաջ եւ այդպիսին պիտի փոխանցվեր հետնորդներին պրոֆեսիոնալ գյուտերի հետ մեկտեղ։ Դաշնամուրն էր Առնո Բաբաջանյանի կյանքի դոմինանտը։ Դաշնամուրի միջոցով, թե՛ դաշնամուրի շուրջ, այսպես թե այնպես, հյուսվել էր իր կյանքի գեղեցիկ պատմությունը: Եվ, սակայն, ուրիշ ի՜նչ գործիք պիտի խոսեր նրա լայնահունչ հոգու հետ, ուրիշ ի՜նչ գործիք պիտի պատասխաներ մտքի նման մասշտաբայնությանը,խառնվածքի ամբողջականությանը: Եվ ֆակտուրային ու գունային իր ճոխությամբ ուրիշ ի՜նչ գործիք կարող էր նման թռիչք տալ երևակայությանը: Արքայական դաշնակահար էր, առասպելական։ Համակ ապրում էր դաշնամուրի առջև։ Բաբաջանյանական հյութեղ, դյութիչ ձայնը, թվում էր, գալիս էր դաշնամուրի հոգու խորքերից, ձեռքերն էլ` ինչպես առյուծի թաթեր, ուղղակիորեն ստեղների շարունակությունն էին: Շլափայլ վիրտուոզ՝ դաշնամուրը, կարծես,«խաղալիք» լիներ հսկայի ձեռքերում։

    Աշակերտները  ասմունքով, բեմականցումով, բաբաջանյանական երգերի կատարումներով հիացմունք, բարձր տրամադրութուն պարգևեցին  ներկաներին: Դասղեկ Նվարդ Այվազյանին իր շնորհակալությունը հայտնեց դպրոցի տնօրեն Ա.Նահապետյանը` միջոցառումը բարձր մակարդակով կազմակերպելու համար: